គ្រូពេទ្យកំពុងធ្វើតេស្ដអាជីវករផ្សារបឹងទំពុន ​រាប់រយនាក់ រកឃើញ​អាជីវករក្នុងផ្សារវិជ្ជមានកូវីដ១៩

ក្រុមគ្រូពេទ្យស្ម័គ្រចិត្តសម្ដេចតេជោ នៅថ្ងៃទី ១៧ ខែសីហានេះ កំពុងធ្វើសំណាកប្រជាពលរដ្ឋ និងអាជីវករលក់ដូរ ក្នុងផ្សារបឹងទំពន់ រាប់រយនាក់ ដែលស្ថិតក្នុងសង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ។ ត្រឹមមួយព្រឹកនេះ បានធ្វើសំណាកលើអាជីវករ ២៦០ នាក់ រកឃើញវិជ្ជមានម្នាក់។

ការធ្វើសំណាកបានចាប់ផ្ដើមនៅព្រឹកម៉ោង ៩៖២០ នាទី ក្រោមការរៀបចំសណ្ដាប់ធ្នាប់ ដឹកនាំដោយលោក ឌី រ័ត្នខេមរុណ អភិបាលរងខណ្ឌមានជ័យ និងលោក សួស សារិន ចៅសង្កាត់បឹងទំពុន១។

អាជ្ញាធរគណៈបញ្ជាការឯកភាពខណ្ឌ សង្កាត់ ចុះមកផ្សព្វផ្សាយ រៀបចំ សន្តិសុខ សណ្ដាប់ធ្នាប់ ជូនក្រុមគ្រូរពេទ្យស្មគ្រ័ចិត្តសម្ដេចតេជោ និងមកយកសំណាកប្រជាពលរដ្ឋលក់ដូរផ្សារក្រមួន និងអាជីវករ លក់ដូរក្នុងផ្សារបឹងទំពុន ដែលមានការប៉ះពាល់ដោយផ្ទាល់ និងប្រយោលជាមួយអ្នកជំងឺកូវីដ១៩ បំប្លែងថ្មីប្រភេទ Delta ដែលបានចូលទិញសម្ភារក្នុងផ្សារបឹងទំពុន ស្ថិតក្នុងភូមិសន្សំកុសល៣ សង្កាត់បឹងទំពន់ទី១ ខណ្ឌមានជ័យ ។

គិត្រឹមម៉ោង ១២៖ ៣០ ក្រុមគ្រូពេទ្យបានធ្វើតេស្តអាជីវីវករ ២៦០ នាក់ ក្នុងនោះរកឃើញវិជ្ជមានម្នាក់ ជាអាជីវករលក់ដូរគ្រឿង ប្រហុក ផ្អក ខាងជើងផ្សារបឹងទំពុន ជិតវត្តសន្សំកុសល ហើយកំពុងបន្តធ្វើតេស្តលើអាជីវករផ្សារ៕