ព័ត៌មានជាតិ

អ្នកធ្វើដំណើរ សូមប្រុងប្រយ័ត្នជួបគ្រោះថ្នាក់ នៅកំណាត់ផ្លូវជាតិលេខ២ ដែលកំពុងជួសជុល

បានផុស

៤ years មុន

នៅ

ថ្ងៃសុក្រ ២៣ តុលា ២០២០

ដោយ

អាជ្ញាធរសង្កាត់ចាក់អង្រែលើ បាននិយាយថា សូមអ្នកធ្វើដំណើរឆ្លងកាត់ផ្លូវជាតិលេខ២ ហួសរោងចក្រអគ្គិសនី មេត្តាប្រុងប្រយ័ត្ន ខ្លាចជួបគ្រោះថ្នាក់ ខណៈផ្លូវនេះកំពុងជួសជុល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពី លោក កែវ សាវឿន ចៅសង្កាត់ចាក់អង្រែលើ បាននិយាយថា ផ្លូវដែលកំពុងជួសជុលនេះ ស្ថិតនៅមុខច្រកចូលដេប៉ូខ្សាច់ តាមបណ្ដោយផ្លូវជាតិលេខ២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។

បន្ថែមពីនោះ នៅចំណុចមុខដេប៉ូខ្សាច់នេះ គឺត្រូវរងការខូចខាត ហើយខ្លាចក្រែងអ្នកបើកបរម៉ូតូជិះធ្លាក់ ងាយនឹងគ្រោះថ្នាក់ ទើបអាជ្ញាធរ សហការជាមួយម្ចាស់ដេប៉ូខ្សាច់ ធ្វើការជួសជុលតែម្ដង។

ដូច្នេះហើយ ទើបអាជ្ញាធរ សូមជូនដំណឹងដល់អ្នកធ្វើដំណើ មេត្តាប្រុងប្រយ័ត្ន ព្រោះជាការដ្ឋានកំពុងជួសជុល។

អ្នកធ្វើដំណើរ បាននិយាយថា មុនពេលមិនទាន់ជួសជុល គឺអ្នកបើកបរម៉ូតូច្រើនជួបគ្រោះថ្នាក់ ខណៈជិះគេចជង្ហុកនៅមុខដេប៉ូខ្សាច់នេះ។ បើសិនជាជួសជុលរួច នឹងមិនបារម្ភខ្លាចគ្រោះថ្នាក់ទៀតឡើយ៕

អត្ថបទ ៖ នរា

Related Topics:ជួសជុលផ្លូវ