បិទខ្ទប់ក្រុងស្ទឹងត្រែង ក្រោយ​រកឃើញអ្នក​ឆ្លងកូវីដ​បំប្លែនខ្លួន​ថ្មី ០៧ នាក់

ខេត្តស្ទឹងត្រែង៖ អាជ្ញាធរបាន​​សម្រេច​បិទខ្ទប់ក្រុងស្ទឹងត្រែងជាបណ្ដោះអាសន្នរយៈពេល ០៧ថ្ងៃ ចាប់ពីម៉ោង ២៣:៥៩នាទី យប់ថ្ងៃទី ១៧ ខែសីហាឆ្នាំ២០២១ នេះតទៅ ក្រោយរកឃើញអ្នកវិជ្ជមាន​កូ​វីដ​១៩​ បំប្លែងថ្មី(Delta) ចំនួន ០៧នាក់បន្ថែមទៀតកើនដល់ ៩នាក់។                             

រដ្ឋបាលខេត្តស្ទឹងត្រែង​បានបញ្ជាក់ថា ការបិទខ្ទប់ក្រុងស្ទឹងត្រែង ជាវិធានការ​ដើម្បី​ធានាការពារអាយុជីវិតប្រជាជន សុខភាពសាធារណៈ និងសន្តិសុខសុវត្ថិភាពសង្គម។

នៅថ្ងៃទី ១៧ខែសីហា ខេត្តស្ទឹងត្រែង បានរកឃើញអ្នកឆ្លង​កូវីដ​១៩​ចំនួន៥៧នាក់ថ្មីបន្ថែមទៀត។ គិតត្រឹមម៉ោង ១៧ រសៀលថ្ងៃទី ១៧ ខែសីហានេះ មានអ្នកឆ្លងជំងឺកូវីដ១៩ សរុបចំនួន៧៦៥ នាក់ ប្រភេទបំប្លែងថ្មី (Delta) ចំនួន៩នាក់, ជាសះស្បើយចំនួន៤៩៥ នាក់ កំពុងព្យាបាលចំនួន ២៦៤នាក់ ស្លាប់ ៦នាក់៕

អត្ថបទ៖ ងិនលីម