មិនមានការបិទការធ្វើដំណើរទៅកម្សាន្ដរមណីយ​ដ្ឋាន​ភ្នំបូក​គោនោះទេ

នាយករដ្ឋបាលក្រុងបូកគោ លោក ឡេង វិបុល បានប្រាប់កម្ពុជាថ្មី នៅព្រឹកថ្ងៃទី ១៨ ខែសីហានេះថា រដ្ឋបាលក្រុង មិនមានការចេញបម្រាមមិនឱ្យធ្វើដំណើរកម្សាន្តចូលរមណីយដ្ឋានភ្នំបូកគោនោះទេ ខណៈរដ្ឋបាលក្រុងបូកគោថ្មីទើបតែប្រកាសដាក់ឱ្យដំណើរការជាផ្លូវការកាលពីថ្ងៃទី ១២ ខែ សីហានេះ។

ក្រសួងទេសចរណ៍ បានប្រកាសឱ្យបិទរមណីយដ្ឋានទាំងអស់ទូទាំងប្រទេស ចាប់ពីថ្ងៃទី ២៩ ខែកក្កដា ដល់ថ្ងៃទី ១២ ខែសីហា ដើម្បីទប់ស្កាត់ការឆ្លងរីករាលដាលជំងឺកូវីដ១៩។

ទោះជាយ៉ាងណា លោក ឡេង វិបុល បញ្ជាក់បន្ថែមថា ដើម្បីទទួលបានព័ត៌មានបន្ថែម អាចទាក់ទងទៅក្រុមហ៊ុន បើកអាជីវកម្ម ពីព្រោះរដ្ឋបាលទើបតែបង្កើតថ្មី មិនទាន់គ្រប់គ្រងទៅដល់ការចុះឡើងរមណីយដ្ឋាននោះទេ ខណៈអាជ្ញាធរក្រុង មិនមានចេញគោលការណ៍បិទការដើរកម្សាន្តនៅក្រុងបូកគោនោះទេ៕