ព័ត៌មានជាតិ
ទំហំពាណិជ្ជកម្មកម្ពុជា-ជប៉ុន នៅឆមាសទី១ឆ្នាំនេះ មានតម្លៃ១.១០៩លានដុល្លារ កើនឡើងជិត១០ភាគរយ
បើទោះបីជាជួបបញ្ហាប្រឈម ដោយសារការរាតត្បាត នៃមេរោគកូវីដ-១៩ក៏ដោយ ក៏ទំហំពាណិជ្ជកម្មរវាងកម្ពុជាជាមួយជប៉ុន ហាក់មានការងើបស្ទុះឡើងវិញ។ ជាក់ស្តែង ទំហំពាណិជ្ជកម្មទ្វេភាកម្ពុជា-ជប៉ុន នៅឆមាសទី១ឆ្នាំ ២០២១នេះ មានតម្លៃ ១.១០៩លានដុល្លារ បានកើនឡើង៩.៥ភាគរយ បើប្រៀបធៀបរយៈពេលដូចគ្នា កាលពីឆ្នាំ ២០២០។ នេះបើយោងតាមទិន្នន័យ ពីអង្គការពាណិជ្ជកម្ម ក្រៅប្រទេសជប៉ុន (JETRO)។
នៅឆមាសទី១ ឆ្នាំ២០២១នេះ ចាប់ពីខែមករា ដល់ខែមិថុនា ប្រទេសកម្ពុជា បាននាំចេញផលិតផល ទៅកាន់ប្រទេសជប៉ុន គិតជាទឹកប្រាក់ មានចំនួន៨១៤.៥៨ លានដុល្លារអាមេរិក កើនឡើង២.៧ភាគរយ បើធៀបឆ្នាំ ២០២០ ដែលមាន ចំនួន៧៩៤.១៩ លានដុល្លារអាមេរិក។ ខណៈប្រទេសកម្ពុជា បាននាំចូលទំនិញពីជប៉ុន មានចំនួនទឹកប្រាក់ ២៩៥.២៣លានដុល្លារអាមេរិក កើនឡើង ចំនួន៣៥ភាគរយ បើធៀបឆ្នាំ២០២០ ដែលមានចំនួន ២១៨.៦១លានដុល្លារ។
ប្រទេសកម្ពុជា បាននាំចេញទំនិញសំខាន់ៗ ទៅកាន់ប្រទេសជប៉ុន រួមមាន៖ សម្លៀកបំពាក់ កាបូប ស្បែកជើង គ្រឿងសង្ហារឹម គ្រឿងសំអាង ក្រដាស សម្ភារៈការិយាល័យនិង ទំនិញ ស្បែក។ ចំណែកកម្ពុជាវិញ បាននាំចូលគ្រឿងម៉ាស៊ីនរថយន្ត គ្រឿងអេឡិចត្រូនិក គ្រឿងសង្ហារឹម ក្រណាត់និងប្លាស្ទិក ពីប្រទេសជប៉ុន។
អ្នកស្រាវជ្រាវ សេដ្ឋកិច្ចអន្តរជាតិ នៃវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជា លោក ហុង វណ្ណៈ ធ្លាប់បានលើកឡើងថា ទោះបីស្ថានភាពកូវីដ-១៩ នៅតែបន្តឆ្លងរាលដាលខ្លាំង លើពិភពលោក ក៏ការធ្វើពាណិជ្ជកម្មរវាងប្រទេសទាំង២ មិនបានធ្លាក់ចុះទេ។ ភាពវិជ្ជមាននេះ អាចមកពីធាតុផ្សំសំខាន់ៗ ដូចជាភាពល្អប្រសើរ នៃទំនាក់ទំនងការទូត ភាពសម្បូរបែបនៃកម្លាំងពលកម្ម និងសមត្ថភាពផលិតរបស់ប្រទេសទាំង២។ លោកបន្តថាជប៉ុន ជាប្រទេសរីកចម្រើន និងមានទីផ្សារធំហេតុនេះ បើកម្ពុជាអាចទាក់ទាញវិនិយោគ ជប៉ុនឱ្យចូលមកបើករោងចក្រកាន់តែច្រើន វានឹងធ្វើឱ្យកំណើនសេដ្ឋកិច្ចកម្ពុជា រីកចម្រើនកាន់តែឆាប់។
លោក ងួន ម៉េងតិច អគ្គនាយកសភាពាណិជ្ជកម្មកម្ពុជា ធ្លាប់បានថ្លែង កាលពីខែមិថុនាថា កិច្ចព្រមព្រៀងពាណិជ្ជកម្មទ្វេភាគី នឹងជំរុញការវិនិយោគបន្ថែមទៀតពីប្រទេស ជប៉ុនមកកម្ពុជា។ កំណើនវិជ្ជមាន នៃការនាំចេញទៅកាន់ប្រទេសជប៉ុន គឺជាសញ្ញាដ៏ល្អប្រសើរមួយ សម្រាប់ពាណិជ្ជកម្មរបស់កម្ពុជា ហើយវាសមស្របទៅនឹង ស្ថានភាពដែល កម្ពុជាប្រឈម ដោយមានពាណិជ្ជកម្មសេរីទ្វេភាគី ជាមួយប្រទេសដូចជា ចិន និងកូរ៉េខាងត្បូង។
កន្លងមក សភាពាណិជ្ជកម្មកម្ពុជា ធ្លាប់បានប្រកាសថា ខ្លួនគ្រោងនឹងបើកការិយាល័យ តំណាងដំបូងរបស់ខ្លួននៅក្នុងប្រទេសជប៉ុន ដោយមានគោលបំណងសំខាន់ ក្នុងការទាក់ទាញការវិនិយោគ របស់ជប៉ុនមកកម្ពុជា។ ខណៈក្រសួងពាណិជ្ជកម្ម បានបញ្ជាក់ថា ខ្លួនកំពុងកំណត់គោលដៅ លើប្រទេសជប៉ុន ក្នុងចំណោមប្រទេសពាណិជ្ជកម្មអាទិភាព ដែលកម្ពុជាគ្រោង នឹងធ្វើការជាមួយលើការ បង្កើតកិច្ចព្រមព្រៀង ពាណិជ្ជកម្មសេរីទ្វេភាគី។
ពាណិជ្ជកម្មទ្វេភាគីកម្ពុជា-ជប៉ុន ក្នុងឆ្នាំ២០២០ មានតម្លៃ ២.១០១,៧៨ លានដុល្លារធ្លាក់ចុះ៨,៣៥ ភាគរយធៀបឆ្នាំ២០១៩។ ក្នុងនោះ កម្ពុជានាំចេញទៅជប៉ុន មានតម្លៃ ១.៦១៧,០៨ លានដុល្លារ ធ្លាក់ចុះ៦,៦ ភាគរយ និងនាំចូលពីជប៉ុន មាន៤៨៤,៧០ លានដុល្លារធ្លាក់ ចុះ១៣,៨ ភាគរយ។ នេះបើយោងតាមទិន្នន័យ ពីអង្គការពាណិជ្ជកម្មក្រៅប្រទេស របស់ជប៉ុន Jetro៕ (ដោយ) ៖ណារី
ស្ត្រីម្នាក់ ជួយលក់ឡេ បន្លំលួចលុយម្ដងបន្តិចៗ រហូតបានជាង១ម៉ឺនដុល្លារ ត្រូវម្ចាស់លុយប្ដឹងឱ្យសមត្ថកិច្ចឃាត់ខ្លួន
ក្រោយបោះឆ្នោតជ្រើសរើសប្រធានសមាគម ខ្មែរ-ចិន អាណត្តិទី៨ ពេញ១ថ្ងៃ ទីបំផុត ប្រធានសមាគមត្រូវបានជ្រើស
សង្គ្រាមរុស្ស៊ី-អ៊ុយក្រែន៖ សម្ដេចតេជោ ថាមេដឹកនាំនានាគួរលើកចិត្តឱ្យភាគីទាំងពីរចូលតុចរចា ជាជាងរារាំង និងរុញឱ្យប្រយុទ្ធគ្នាគ្មានទីបញ្ចប់
អ្នកនយោបាយកម្ពុជា ៖ ទណ្ឌិត សម រង្ស៊ី និងក្រុមប្រឆាំងជ្រុលនិយមថៃ ទាញយកចំណេញរៀងៗខ្លួនពីឃាតកម្មលើលោក លិម គឹមយ៉ា
ក្រុមភ្ញៀវទាំង៣រកបានជ័យជម្នះក្នុងការប្រកួតជើងទី១ វគ្គ១៦ក្រុម ពានសម្តេចតេជោ
រកឃើញសពតារាស្រីម្នាក់ ឆេះស្លាប់ម្នាក់ឯង នៅក្នុងហេតុការណ៍ភ្លើងឆេះទីក្រុង LA
អាជ្ញាធរខណ្ឌដង្កោ និងខណ្ឌមានជ័យ និមន្តព្រះសង្ឃ១៤អង្គ ប្រោសព្រំរំដោះគ្រោះលើមហាវិថី ៦០ម៉ែត្រ
រដ្ឋាភិបាលទម្លាក់ថវិកា៣០លានដុល្លារ ដើម្បីអន្តរាគមន៍ទិញស្រូវពីកសិករដែលកំពុងធ្លាក់ថ្លៃ
ស្នេហា១២ឆ្នាំត្រូវប្រេះឆា តារាកំប្លែងថៃ Kohtee ដូរឈ្មោះក្នុងបញ្ចីកំណើត ដើម្បីសាងជីវិតថ្មី
អ្នកនាំពាក្យ ថា កម្ពុជាកំពុងរៀបចំនីតិវិធីជាមួយរុស្ស៊ី ដើម្បីបញ្ជូនខ្លួនលោក ហេង សិទ្ធី មកកម្ពុជា
-
ចរាចរណ៍៣ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ១ សប្តាហ៍ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍៣ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ១ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ