ព័ត៌មានជាតិ

ពីរនាក់ពូក្មួយដេកស្លាប់ ក្នុងផ្ទះដោយខ្វះខ្យល់អុកស៊ីសែន

បានផុស

៣ years មុន

នៅ

ថ្ងៃព្រហស្បតិ៍ ១៩ សីហា ២០២១

ដោយ

បុរសពីរនាក់ពូនិងក្មួយ បានដេកស្លាប់ក្នុងផ្ទះជាមួយគ្នា ដោយខ្វះខ្យល់អុកស៊ីសែន។ ហេតុការណ៍នេះ កើតឡើងនៅវេលាថ្ងៃត្រង់ កាលពីថ្ងៃទី១៨ ខែសីហា ក្នុងភូមិព្រែកតាគង់ សង្កាត់ចាក់អង្រែលើ ខណ្ឌមានជ័យរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សពជនរងគ្រោះទាំងពីរគឺទី១ឈ្មោះ ង៉ែត ឧត្តម ភេទប្រុស អាយុ៣២ឆ្នាំ ត្រូវជាពូនិងជាម្ចាស់យានដ្ឋានជួសជុលរថយន្ត និងបុរសជាក្មួយប្រុស ឈ្មោះ ងួន ណែត អាយុ១៧ឆ្នាំ។

តាមរបាយការណ៍របស់លោកវរសេនីយ៍ត្រី ជា រតនា នាយនគរបាលប៉ុស្តិចាក់អង្រែលើបានឲ្យដឹងថា ដើមហេតុដំបូងគឺឈ្មោះ ហល ម៉ន ភេទប្រុស ជាកូនជាងជួសជុលរថយន្តមិនឃើញពីរនាក់ មានិងក្មួយ មកយានដ្ឋាន ក៏បានខលតាមទូរសព្ទហៅតែមិនលើកជាច្រើនសារ ក៏សម្រេចចិត្តមកដល់ផ្ទះ ដែលអ្នកទាំងពីរដេក ប៉ុន្តែទោះជាស្រែកហៅយ៉ាងណាក៏មិនបើកទ្វារ។បន្ទាប់មកកូនជាងនិងប្រជាពលរដ្ឋក្បែរខាងបានយកម៉ូទ័រកាត់គន្លឹះទ្វារចូលទៅក្នុងផ្ទះក៏ប្រទះឃើញ ង៉ែត ឧត្តម ដេកស្លាប់ផ្កាប់មុខនៅលើគ្រែចំណែក ងួន ណែត ដេកស្លាប់លើអង្រឹងធ្លាក់ក្បាលមកក្រោម។

លោកនាយប៉ុស្តិបានបន្តថា ការស្លាប់របស់ជនរងគ្រោះ គឺដោយសារថប់ដង្ហើមខ្វះអុកស៊ីសែន(បញ្ឆេះម៉ាស៊ីនភ្លើង)។ នគរបាលបានបញ្ជាក់ច្បាស់ថា សពជនរងគ្រោះទាំងពីរនាក់ពូនិងក្មួយគឺពុំមែនស្លាប់ដោយករណីឃាតកម្មនោះទេ៕

អត្ថបទ៖ នរា

Related Topics:ករណីដេកស្លាប់