ព័ត៌មានជាតិ
ជំហានបន្ទាប់ក្រុមការងារខុទ្ទកាល័យសម្តេចតេជោនឹងចុះប្រមូលទិញផ្លែតាង៉ែនដល់ចម្ការកសិករ
ខេត្តបាត់ដំបង៖ ក្នុងឱកាសឈរទទួលទិញផ្លែតាង៉ែននៅក្នុងខេត្តបាត់ដំបង ក្រុមការងារ បានបន្តលើកឡើងថា ការទទួលទិញកសិផលផ្លែតាង៉ែនពីកសិករនេះជាយុទ្ធសាស្ត្ររបស់សម្តេចតេជោ ហ៊ុន សែន ក្នុងគោលបំណងជួយសម្រួលបញ្ហាកកស្ទះលើទីផ្សាររបស់ប្រជាកសិករនៅក្នុងតំបន់ព្រំដែន ពិសេសក្នុងមូលដ្ឋានខេត្តបាត់ដំបង។
![](https://www.kampucheathmey.com/wp-content/uploads/2021/08/IMG_20210819_084329_518.jpg)
ក្រុមការងារចុះប្រមូលទិញផ្លែមៀនប៉ៃលិន ឬតាង៉ែនដើម្បីសម្រួលការជំរុញកកស្ទះកសិផលតាង៉ែនដែលដឹកនាំដោយលោកនាយឧត្តមសេនីយ៍គតិបណ្ឌិត ហ៊ីង ប៊ុនហៀង នាយករងខុទ្ទកាល័យសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
លោកបានបន្តឱ្យដឹងថា ការឈរទិញនេះមិនមានកំណត់រយ:ពេលឡើយ ខណៈដែលថ្ងៃផ្តើមទិញដំបូងចាប់ពីថ្ងៃទី១៨ ខែសីហា ឆ្នាំ២០២១តទៅ ក្រុមមន្ត្រីចាំទទួលទិញនៅទីលានទាត់បាល់វាលបែកចានខេត្តបាត់ដំបង និងនៅថ្ងៃបន្ទាប់ក្រុមការងារកងអង្គរក្សនឹងចុះទិញដោយផ្ទាល់ដល់ចម្ការរបស់កសិករតែម្តងនៅតាមបណ្តាស្រុកជាច្រើននៅតំបន់ព្រំដែន។
![](https://www.kampucheathmey.com/wp-content/uploads/2021/08/IMG_20210819_084326_396.jpg)
លោកនាយឧត្តមសេនីយ៍គតិបណ្ឌិត ហ៊ីង ប៊ុនហៀង បានបញ្ជាក់បន្តថា ក្រោមការយកចិត្តទុកដាក់ និងឈឺឆ្អាលពីសុខទុក្ខរបស់ប្រជាកសិករ សម្តេចតេជោបានណែនាំឱ្យរៀបចំផ្លែតាង៉ែនដែលទិញពីកសិករទាំងអស់ឱ្យនាំយកទៅផ្តល់ជូនដល់កងកម្លាំងប្រដាប់អាវុធជួរមុខគ្រប់ប្រភេទមន្ត្រី និងក្រុមគ្រូពេទ្យេជួរមុខក៏ដូចជាចែកជូនដល់បងប្អូនប្រជាពលរដ្ឋដែលកំពុងសម្រាកព្យាបាលជំងឺកូវីដ-១៩នៅតាមមណ្ឌលនានា។
ការឈរទិញផ្លែតាង៉ែនចាប់ពីថ្ងៃដំបូងនេះ ក្រុមការងារទទួលទិញផ្លែតាង៉ែនចម្រុះខ្នាតរាប់សិបតោនពីកសិករផង និងពីក្រុមឈ្មួញកណ្តាលផងក្នុងតម្លៃ២,៥០០រៀលក្នុង១គីឡូក្រាម ខណៈតម្លៃផ្លែតាង៉ែនក្នុងទីផ្សារបច្ចុប្បន្នត្រឹមជាង១,៥០០រៀល ដល់១៨០០រៀលក្នុង១គីឡូក្រាមប៉ុណ្ណោះ។
![](https://www.kampucheathmey.com/wp-content/uploads/2021/08/IMG_20210819_084332_111.jpg)
គួរបញ្ជាក់ថា ក្នុងភូមិសាស្ត្រខេត្តបាត់ដំបងមានផ្ទៃដីដាំដុះផ្លែមៀន និងមៀនប៉ៃលិន សរុប៦,៤៦៣ហិកតានិងមៀនប៉ៃលិន៥,៩៥០ហិកតា ក្នុងនោះផ្លែមៀនបានប្រមូលផលលើផ្ទៃដីសរុប ៥,៧០៣ហិកតា និងមៀនប៉ៃលិន ៥,៣៧២ហិកតា។ ចំណែកបរិមាណផលផ្លែមៀន ៨៥,៤៤៨តោន និងមៀនប៉ៃលិន(តាង៉ែន) ៨៤,០០៧តោន ទិន្នផលទទួលបាន ១៤,៩៨៣តោន និងមៀនប៉ៃលិន១៥,៦៣៨តោន៕
អត្ថបទ៖ សៅ សារិទ្ធ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៦ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៧ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៧ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៧ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?