ព័ត៌មានជាតិ
ក្រុមហ៊ុនមីជាតិ បន្តផ្តល់ជំនួយគាំទ្រ នៃគម្រោងខ្មែរដើម្បីខ្មែរ ដល់ខេត្តជាប់ព្រំដែនកម្ពុជា-ថៃ
ក្នុងស្មារតីគាំទ្រដោយស្មោះស្ម័គ្រចំពោះវរជនអាវស ក្រុមហ៊ុនមីជាតិ បានបន្តឆន្ទៈចែករំលែកក្រោមគម្រោង “ខ្មែរដើម្បីខ្មែរ” ក្នុងយុទ្ធនាការពាំនាំជំនួយគាំទ្រ និងថ្នាំសង្កូវជូនដល់មន្ទីរសុខាភិបាល និងមណ្ឌលព្យាបាលកូវីដ១៩ ខេត្តបន្ទាយមានជ័យ និងខេត្តបាត់ដំបង ចំនួន៦កន្លែង ដែលកំពុងប្រឈមនឹងការរីករាលដាលនៃជំងឺកូវីដ១៩ មេរោគបំប្លែងខ្លួនថ្មី ដែលតា កាលពីថ្ងៃទី១៦ និង១៧ ខែសីហា ឆ្នាំ២០២១ កន្លងទៅនេះ។
លោក ជុងហៀង ថាវសិទ្ធិ អនុប្រធានធុរកិច្ច នៃក្រុមហ៊ុនមីជាតិ បានមានប្រសាសន៍ថា ការពាំនាំអំណោយនៅថ្ងៃនេះ គឺស្ថិតនៅក្រោមគម្រោង “ខ្មែរដើម្បីខ្មែរ” ដែលជាគំនិតផ្តួចផ្តើមក្នុងការឆ្លើយតបបន្ទាន់ទៅនឹងព្រឹត្តិការណ៍សហគមន៍២០កុម្ភៈ។ សកម្មភាពនៅខេត្តបាត់ដំបង និងបន្ទាយមានជ័យនេះ ជាជំហានថ្មីមួយទៀតរបស់ក្រុមហ៊ុន ក្នុងការជួយសម្រួលការលំបាករបស់កងទ័ពអាវស និងបងប្អូនពលករនៅតាមបណ្តាលខេត្តជាប់ព្រំដែន ដែលកំពុងមានការរីករាលដាលខ្លាំង នៃវីរុសកូវីដ១៩ បំប្លែងខ្លួនថ្មីដែលតា។ លោកបានបន្តថា ជាការពិតណាស់ ការអនុវត្តគម្រោងនេះ តម្រូវឲ្យក្រុមការងារ ចុះទៅដល់មណ្ឌលនីមួយៗ ដើម្បីបានជួបផ្ទាល់ជាមួយក្រុមការងារជួរមុខ ដែលកំពុងប្រយុទ្ធប្រឆាំងនឹងជំងឺដ៏កាចសាហាវនេះយ៉ាងសកម្ម ប្រកបដោយការទទួលខុសត្រូវខ្ពស់។
លោកវេជ្ជបណ្ឌិត ឡេ ច័ន្ទសង្វាត ប្រធានមន្ទីរសុខាភិបាល នៃរដ្ឋបាលខេត្តបន្ទាយមានជ័យ បានមានប្រសាសន៍ថា សកម្មភាពរបស់ ក្រុមហ៊ុនមីជាតិ ជាកាយវិការដ៏ប្រពៃ ដែលវិស័យឯកជន ចូលរួមសម្រាលទុក្ខលំបាករបស់រាជរដ្ឋាភិបាល ក្នុងការចូលរួមគាំទ្រផ្តល់ជាកម្លាំងចិត្ត និងធនធានជាសម្ភារ ដល់ប្រតិបត្តិការ របស់ក្រុមគ្រូពេទ្យជួរមុខ។ លោកបានបន្ថែមទៀតថា អំណោយទាំងនេះ នឹងត្រូវបានចែកជូនបន្តដល់បងប្អូនអ្នកជំងឺដែលជាពលករ ក៏ដូចជាក្រុមគ្រូពេទ្យជួរមុខ នៅតាមមណ្ឌលព្យាបាលក្នុងខេត្តបន្ទាយមានជ័យ។
ចំណែក លោកឱសថបណ្ឌិត វឿង ប៊ុនរេត ប្រធានមន្ទីរសុខាភិបាល នៃរដ្ឋបាលខេត្តបាត់ដំបង ជួសមុខឲ្យមន្ត្រីរាជការជុំវិញមន្ទីរសុខាភិបាលខេត្ត សូមកោតសរសើរ និងវាយតម្លៃខ្ពស់ចំពោះសកម្មភាព របស់ក្រុមហ៊ុនដែលឆ្លើយតបបន្ទាន់ និងគាំទ្រដល់ក្រុមការងារជួរមុខ ដែលកំពុងប្រយុទ្ធយ៉ាងសកម្មក្នុងការព្យាបាល បងប្អូនប្រជាពលករជាច្រើននាក់ ដែលកំពុងសម្រាកព្យាបាលទូទាំងខេត្ត។ លោកបានបន្តថា អំណោយនេះ គឺជាការគាំទ្រដ៏ប្រពៃចំពោះខ្មែរដូចគ្នា ដែលអាចធ្វើបានក្នុងគ្រាមានអាសន្ននេះ។ ខេត្តបាត់ដំបង ក៏ដូចជាបណ្តារខេត្តដែលជាប់បណ្តោយព្រំដែនកម្ពុជា-ថៃ កំពុងមានការប្រឈមនឹងការឆ្លងនៃជំងឺកូវីដ១៩ ទាំងឆ្លងក្នុងសហគមន៍ និងករណីនាំចូល រហូតមកដល់ពេលនេះនៅខេត្តបាត់ដំបង មិនមានឃុំ ឬ ស្រុកណាមួយពុំមានករណីឆ្លងនោះទេ។
លោក ជុងហៀង ថាវសិទ្ធិ បានបន្តថា ក្នុងនាមវិស័យឯកជន សូមលើកទឹកចិត្តក្រុមហ៊ុន សហគ្រាសចូលរួមការចែករំលែកតិចក្តីច្រើនក្តី ដែលនេះជាកាយវិការដ៏ប្រពៃ ក្នុងនាមប្រជាជាតិតែមួយ រួមសុខរួមទុក្ខក្នុងកាលៈទេសៈដ៏លំបាករួមគ្នា ដើម្បីយកឈ្នះ ជំងឺដ៏កាចសាហាវមួយនេះទាំងអស់គ្នា។
ការចែកអំណោយមួយជុំនេះ ក្រុមហ៊ុនមីជាតិបាន ពាំនាំនូវស្បៀងអាហាររូមមាន មីជាតិ ទឹកពិសាវីតាល់ ជាច្រើនកេស និងថ្នាំសង្កូវមួយចំនួនធំ ជូនដល់មន្ទីរសុខាភិបាលខេត្តទាំងពីរ និងមណ្ឌលព្យាបាល ចំនួន៤កន្លែងផ្សេងទៀត រួមមាន មណ្ឌលព្យាបាលកងវ៉ា មណ្ឌលព្យាបាល ហ៊ុនសែនខ្លាកូន ក្នុងខេត្តបន្ទាយមានជ័យ មណ្ឌលព្យាបាលវិទ្យាល័យមុន្នីវង្ស និងមណ្ឌលព្យាបាលកម្រិតស្រាលនិងធ្ងន់ វិទ្យាល័យសម្តេចឪ ក្នុងខេត្តបាត់ដំបង៕
សម្តេច ម៉ែន សំអន ៖ ពិធីបុណ្យដារលាន ជាបុណ្យប្រពៃណីដូនតាខ្មែរ ដើម្បីជួបជុំ និងអបអរ បន្ទាប់ហត់នឿយក្នុងពេលបង្ករបង្កើនផលរហូតដល់ប្រមូលផលស្រូវ
មនុស្សលើយន្តហោះសរុប១៨១នាក់ ទំនងជានៅរស់តែ២នាក់ប៉ុណ្ណោះ
ប៉ូលិសខេត្តចាន់ថាបុរី ចាប់ខ្លួនជនសង្ស័យដែលភ្នាល់ Influencer ថៃ ឲ្យផឹកស្រាដល់ស្លាប់
ប៉ូលិសក្រុងដូនកែវ ខេត្តតាកែវ ឃាត់ខ្លួនជនសង្ស័យ៤នាក់ ពាក់ព័ន្ធករណីហិង្សា
អគារអនុសាខាកាកបាទក្រហមកម្ពុជា ស្រុកសាលាក្រៅ បានសម្ពោធឲ្យប្រើប្រាស់ជាផ្លូវការដើម្បីបម្រើវិស័យមនុស្សធម៌
ធ្លាក់យន្តហោះនៅកូរ៉េខាងត្បូងព្រឹកមិញ ក្នុងនោះក៏មានថៃ២នាក់ដែរ
សមត្ថកិច្ចរៀបចំសំណុំរឿងផ្ទុះរថយន្តស្តារិចនៅខេត្តព្រៃវែង ដើម្បីឱ្យជនរងគ្រោះទទួលបានសំណងតាមច្បាប់ និងបញ្ជូនអ្នកបំផ្ទុះអាវុធមកអគ្គស្នងការ
ធ្លាក់យន្តហោះនៅកូរ៉េខាងត្បូង សម្លាប់អ្នកដំណើរ ២៣ នាក់ ខណៈដឹកមនុស្សសរុប ១៨១ នាក់
មនុស្សលើយន្តហោះសរុប១៨១នាក់ ទំនងជានៅរស់តែ២នាក់ប៉ុណ្ណោះ
ប៉ូលិសខេត្តចាន់ថាបុរី ចាប់ខ្លួនជនសង្ស័យដែលភ្នាល់ Influencer ថៃ ឲ្យផឹកស្រាដល់ស្លាប់
-
សន្តិសុខសង្គម៤ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៥ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
សន្តិសុខសង្គម៣ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ចរាចរណ៍៤ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ៥ ថ្ងៃ agoក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
-
ព័ត៌មានអន្ដរជាតិ៦ ថ្ងៃ agoបាក់ស្ពាននៅប្រេស៊ីល ធ្លាក់រថយន្តផ្ទុកអាស៊ីដស៊ុលផួរិច លេចធ្លាយសារធាតុគីមីពេញទន្លេ
-
សន្តិសុខសង្គម៥ ថ្ងៃ agoករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន
-
ព័ត៌មានអន្ដរជាតិ៦ ថ្ងៃ agoរន្ធត់! មួយគ្រួសារមានសមាជិក ១០នាក់ ស្លាប់ទាំងអស់ ក្នុងហេតុការណ៍ធ្លាក់យន្តហោះនៅ ប្រេស៊ីល