ព័ត៌មានជាតិ
អ្នកស្រី បែន សុធារី ម្ចាស់សិប្បកម្មនំបញ្ចុកសំណូមពរឯកឧត្តមកើត រិទ្ធនិងតុលាការកំពូលសើរើរឿងក្តីឡើងវិញ
ភ្នំពេញ ៖ អ្នកស្រី បែន សុធារី ម្ចាស់សិប្បកម្មនំបញ្ចុកនៅភូមិអូរអណ្តូង សង្កាត់ព្រែកប្រា ខណ្ឌច្បារអំពៅ នាថ្ងៃទី១៩សីហានេះ បានសំណូមពរដល់ឯកឧត្តមកើត រិទ្ធ រដ្ឋមន្ត្រីក្រសួងយុត្តិធម៌ និង តុលាការកំពូលសើរើសំណុំរឿងនិងបើកសវនាការឡើងវិញ ព្រោះនៅពេល២នាក់បងប្អូនប្តឹងផ្តល់គ្នាគ្មានឈ្មោះគាត់នៅក្នុងវិវាទនោះទេ?ហេតុអីតុលាការយកដីគាត់ទៅបែងចែកដល់ភាគីទំនាស់គ្នាទាំង២នាក់នោះទៅវិញ។
អ្នកស្រីបានសំណូមពរនាពេលនេះ បន្ទាប់ពីតុលាការកំពូលបានចេញសាលដីកាយកដីពុំដែលមានទំនាស់សោះ នៅសុខៗយកដីគាត់ជាង២ម៉ឺនម៉ែត្រការេ ទៅឱ្យភាគីចាញ់ក្តីម្នាក់ជាប្អូន ហើយដីទំនាស់គ្នាជាង២ហិកតាដែលមានព្រំជាប់គ្នា តុលាការបានប្រគល់ទៅឱ្យភាគីអ្នកឈ្នះក្តីជាបង និង សំណូមពរដល់ក្រសួងយុត្តិធម៌និងតុលាការធ្វើកោសល្យវិច័យលើឯកសារភាគីទាំងអស់ ដើម្បីរកមុខមន្ត្រីខិលខូច ទល់នឹងអភិក្រមទាំង៥របស់សម្តេច ធ្វើឱ្យមានយុត្តិធម៌សង្គមឡើងវិញ។
អ្នកស្រីបែន សុធារី បានបន្តថា ឈ្មោះវូ សេងគ្រី(ភាគីទំនាស់)បញ្ជាក់ថាដីគាត់អត់មានពាក់ព័ន្ធទេ ដូចនេះដីដែលតុលាការចែកទៅឱ្យភាគីទំនាស់ ស្ថិតនៅចំណុចណា?សូមតុលាការជួយចង្អុលបង្ហាញទីតាំងនោះផង។
អ្នកស្រីក៏បានសំណូមពរឱ្យតុលាការកំពូលមេត្តាសើរើឡើងវិញ ព្រោះភាគីខាងឈ្មោះវូ សេងគ្រី ពុំមានភស្តុតាងនោះទេ ពួកគាត់២នាក់ប្តីប្រពន្ធបំភាន់ភ្នែកតុលាការថាមានដីជាង៤ម៉ឺនម៉ែត្រការេ នៅក្នុងទំនាស់គឺតាមការចង្អុលបង្ហាញ ។តាមពិតដីទំនាស់មានតែជាង២ម៉ឺនម៉ែត្រការេទេ ហេតុនេះហើយទើបធ្វើឱ្យតុលាការមានការយល់ច្រឡំ កាត់យកដីគាត់ជាង២ម៉ឺនម៉ែត្រការេចូលទៅក្នុងដីទំនាស់។
ជុំវិញការធ្វើប្លង់ដីកាលពីពេលថ្មីៗនេះ អ្នកស្រីបែន សុធារីបញ្ជាក់ថា «កូនកើតមុនម៉ែ ឈ្មោះវូ សេងគ្រីបានធ្វើប័ណ្ណកាន់កាប់ដីគ្របលើដីខ្ញុំនិងដីអ្នកផ្សេងទៀតនៅច្រកចូលដែលអត់មានរឿងក្តីសោះ នៅមុនពេលអនុវត្តសាលដីកាបែបនេះ តើស្ថាប័នពាក់ព័ន្ធគិតយ៉ាងម៉េច?»។ អ្នកស្រីក៏សំណូមពរ ឱ្យតុលាការធ្វើកោសល្យពិច័យលើឯកសារភាគីទាំងអស់ ដើម្បីរកមុខមន្ត្រីខិលខូច ទល់នឹងអភិក្រមទាំង៥របស់សម្តេច ធ្វើឱ្យមានយុត្តិធម៌សង្គមឡើងវិញ។
គួររំលឹកថា កាលពីរសៀលថ្ងៃទី១៧សីហាកន្លងទៅនេះ អ្នកស្រី លាង ញឹប ដែលជាភាគីឈ្នះក្តីត្រូវតុលាការកំពូលកាត់យកដីអ្នកស្រីបែន សុធារីជាង២ម៉ឺនម៉ែត្រការេធ្វើជាកម្មសិទ្ធិបានបង្ហាញភស្តុតាងថា ដំបូងដីជាង២ហិកតាដែលមានទំនាស់ ជាដីរបស់គាត់កាន់កាប់បន្តពីប្តីរបស់គាត់ទិញពីឈ្មោះចាប ឌឿននិងឈ្មោះរស់ អយ , ក្រោយមកឈ្មោះសាយ សារិន ហៅតុង(ប្តី) និង ប្រពន្ធឈ្មោះវូ សេងគ្រី(ត្រូវជាបងស្រីរបស់គាត់)បានប្តឹងយកដីគាត់ជាង២ហិកតាទៅសាលាដំបូង។ ដោយសារតែសាលាដំបូងឱ្យគាត់ឈ្នះ ហើយបានបដិសេធមិនទទួលស្គាល់បណ្តឹងឈ្មោះសាយ សារិននិងឈ្មោះវូ សេងគ្រី ក៏បានប្តឹងទៅសាលាឧទ្ធរណ៍។
អ្នកស្រី លាង ញឹប បន្តថា សាលាឧទ្ធរណ៍ក៏បានកាត់ក្តីដីទំនាស់នៅចំណុច(B)ជាពីរ គឺជាងមួយម៉ឺនម៉ែត្រការេឱ្យទៅលោកស្រី និង ពាក់កណ្តាលទៀតជាងមួយ ម៉ឺនម៉ែត្រការេឱ្យទៅឈ្មោះសាយ សារិន ហៅតុង(ប្តី) និង ប្រពន្ធឈ្មោះវូ សេងគ្រី ។ ដោយសារតែគាត់មិនសុខចិត្ត ព្រោះដីគាត់មានឯកសារ ភស្តុតាង និង សាក្សីត្រឹមត្រូវទើបមានការប្តឹងបន្តទៅតុលាការកំពូល ហើយឈ្មោះវូ សេងគ្រី បានបោះពាក្យសំដីថា«សាលាឧទ្ធរណ៍កាត់ឱ្យពាក់កណ្តាលមិនយក ចាំមើលអញយកទាំងអស់»។
អ្នកស្រី លាង ញឹប បន្តថា ដូចពាក្យគាត់និយាយមែន នៅតុលាការកំពូលបានចេញសាលដីកាសម្រេចឱ្យដីទំនាស់ជាង២ហិកតាទៅឱ្យឈ្មោះសាយ សារិន និង ប្រពន្ធឈ្មោះវូ សេងគ្រី ធ្វើជាកម្មសិទ្ធិ និង ដីជាង២ហិកតារបស់ឈ្មោះបែន សុធារី ឱ្យមកគាត់(លាង ញឹប)ជាកម្មសិទ្ធិ ហើយការសម្រេចនេះ គាត់មិនទទួលយកនោះទេ ព្រោះដីនេះក្មួយ(បែនសុធារី)គាត់បានកាន់កាប់និងមានប្លង់រឹងត្រឹមត្រូវ។
ដូច្នេះហើយទើបលោកស្រី បែន សុធារី ម្ចាស់សិប្បកម្មនំបញ្ចុកសុំឲ្យឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌និងតុលាការកំពូលសូមមេត្តាសើរើរឿងក្តីនេះឡើងវិញនិងសំណូមពរឲ្យតុលាការកំពូលធ្វើកោសល្យវិច្ច័យទៅលើឯកសារភាគីទំនាស់ ទាំងអស់ទើបរកការពិតឃើញ៕
ដោយ ៖ នរា
ក្រសួងការងារ.៖ រាជរដ្ឋាភិបាលកម្ពុជាដាក់ចេញគោលនយោបាយ NEP សំដៅបង្កើនឱកាសការងារជូនប្រជាពលរដ្ឋ
ក្រសួងវប្បធម៌ អំពាវនាវឱ្យបញ្ឈប់ការប្រើ “កិច្ចពិធីបូជាព្រះសិវលិង្គ” ក្នុងពិធីមង្គលការ ព្រោះប្រាសចាកប្រពៃណី
សន្តិបណ្ឌិត នេត សាវឿន ស្នើសមត្ថកិច្ចការពារសន្តិសុខជូនប្រតិភូថៃ ក្នុងព្រឹត្តិការណ៍កីឡាបាល់ទាត់មិត្តភាព
អ្នកស្រុកបាធាយ ខេត្តកំពង់ចាម ម្នាក់ទៀតហើយ ទទួលបានទឹកប្រាក់រង្វាន់ធំ ១២៥លានរៀល ពីភេសជ្ជៈប៉ូវកម្លាំង ខារ៉ាបាវ
បឺត សង្ឃឹម ដណ្តើមខ្សែក្រវាត់ ISKA ជួបជើងខ្លាំងម្ចាស់ខ្សែក្រវាត់ ៩ ស្ថាប័ន
យន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
អាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
រុស្ស៊ីបាញ់មីស៊ីលវាយប្រហារស្រុកកំណើត លោក ហ្សេលេនស្គី ចំពេលមេដឹកនាំអឺរ៉ុបជួបគ្នានៅ បែលហ្ស៊ិក
ករណីបែកធ្លាយវីដេអូអធិការស្រុករតនមណ្ឌលជុំគ្នាផឹកស្រាក្នុងឯកសណ្ឋានជានគរបាល ក្រសួងមហាផ្ទៃកំពុងស្រាវជ្រាវ
ក្តៅគគុក! ចិននិងអាមេរិក សុទ្ធតែប្រកាសត្រៀមខ្លួនរួចរាល់ ច្បាំងគ្នាក្នុងសង្គ្រាម
-
សន្តិសុខសង្គម៣ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៤ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ៣ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម៧ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានអន្ដរជាតិ១៧ ម៉ោង agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ២ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
សន្តិសុខសង្គម៦ ថ្ងៃ agoUpdate ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់
-
ព័ត៌មានអន្ដរជាតិ២៣ ម៉ោង agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ