ព័ត៌មានជាតិ

កុមារ និង យុវវ័យចាប់ពី ១២ ដល់ ១៧ ឆ្នាំនៅក្នុងស្រុកស្ទោង ខេត្តកំពង់ធំ ទទួលបានវ៉ាក់សាំងប្រឆាំងការពារមេរោគកូវីដ-១៩

បានផុស

៤ years មុន

នៅ

ថ្ងៃសុក្រ ២០ សីហា ២០២១

ដោយ

លោក សាយ គឹមឡម ដែលទើបតែទទួលបានការប្រកាសតែងតាំងជាអភិបាលស្រុកស្ទោងថ្មី បានដឹកនាំមន្រ្តីក្រោមឳវាទ ចុះពិនិត្យទីតាំងការចាក់វ៉ាក់សាំង ជូនកុមារ និងយុវ័យ ដែលមានអាយុចាប់ពី១២ឆ្នាំ ដល់១៧ឆ្នាំ នៅមណ្ឌលពេទ្យបង្អែកស្រុកស្ទោង និងក្រុមហ៊ុនចម្ការកៅស៊ូ CRCK2នៅឃុំពពក នៅព្រឹកថ្ងៃទី ១៩ ខែសីហា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលស្រុក សំណូមពរឲ្យអាណាព្យាបាល គ្រប់រូបដែលមានបុត្រធីតា និងមានអាយុចាប់ពី១២ឆ្នាំ ដល់១៧ឆ្នាំទៅចាក់វ៉ាក់សាំងការពារមេរោគកូវីដ១៩ អោយបានគ្រប់ៗគ្នា និងនាំយកទៅជាមួយនូវ ឯកសារផ្លូវការណាមួយរបស់កុមារដូចជា សំបុត្រកំណើតឬសៀវភៅគ្រួសារទៅជាមួយផង បើករណីខុសឈ្មោះ ខុសអាយុ ខុសភូមិ សុំឲ្យបញ្ជាក់ពីឃុំហើយចាក់វ៉ាក់សាំងជូនកុមារ ដោយអាជ្ញាធរមិនត្រូវប្រកាន់នូវឯកសារទាំងនោះឡើយ។

លោក សាយ គឹមឡម បានឲ្យដឹងថា ការចាក់វ៉ាក់សាំង គឺចាប់ដំណើរការពីថ្ងៃទី ១៩ ខែសីហា ឆ្នាំ២០២១នេះតទៅ ដែលចែកចេញជា០៩មណ្ឌល និងមានចំនួនកុមារសរុប22064នាក់ និងបានរំលឹកដល់ក្រុមការងារចាក់វ៉ាក់ សាំងគ្រប់មណ្ឌលត្រូវយកចិទ្តទុកដាក់ខ្ពស់លើការងារនេះ ហើយអាជ្ញាធរ ភូមិ ឃុំត្រូវបែងចែកប្រតិទិននិងផ្សព្វផ្សាយព័ត៌មាននេះអោយបានទូលំទូលាយដល់ប្រជាពលរដ្ខ ក្នុងមូលដ្ឋានរបស់ខ្លួន ដើម្បីចៀសវាងនូវការប្រមូលផ្តុំមនុស្សខុសនឹងគោលការណ៍ ក្រសួងសុខាភិបាល ពិសេសត្រូវបន្តអនុវត្តវិធាន បីការពារ បីកុំ អោយបានជាប់ជាប្រចាំ។

ដោយ ប៊ុន រដ្ឋា