មកដឹងពីចំនួនមនុស្សចាស់ដែលមានអាយុ១០០ឆ្នាំឡើង នៅកម្ពុជា

​ប្រទេស​កម្ពុជា​ត្រូវបាន​គេ​ប៉ាន់ប្រមាណ​ថា​ មាន​ប្រជាពលរដ្ឋ​សរុប​ប្រមាណ​១៦លាន​នាក់ ​ក្នុងនោះ​មាន​ប្រជាពលរដ្ឋ​ដែលមាន​វ័យ​ចាប់ពី​១៨​ឆ្នាំ​ឡើងទៅ​មាន​ប្រមាណ​១០​លាន​នាក់​ និង​អាយុ​ចាប់ពី​១២​ដល់​១៧​ឆ្នាំមាន​ប្រមាណ​ជិត​២​លាន​នាក់​។ ក្រៅពីនេះ​ជា​ក្រុមមនុស្ស​ដែលមាន​អាយុ​ក្រោម​១១​ឆ្នាំ​និង​អាយុ​លើសពី​១០០​ឆ្នាំ​ឡើងទៅ។​

បើ​យោងតាម​ទិន្នន័យ​ប្រជាសាស្ត្រ​លទ្ធផល​ជំរឿន​ប្រជាជន​ឆ្នាំ២០១៩​របស់​ក្រសួងផែនការ​បានឱ្យដឹង​ថា​ប្រទេស​កម្ពុ​ជាមាន​ប្រជាពលរដ្ឋ​ដែលមាន​អាយុ​លើសពី​១០០​ឆ្នាំ​ឡើងទៅ​ មាន​ចំនួន​៣,១៤៣​នាក់​ ប្រុស​១,៣៣០​នាក់ ​និង​ស្រី​១,៨១៣នាក់​ ក្នុងនោះ​នៅ​រាជធានី​ភ្នំពេញ​មាន​ច្រើនជាងគេ​។​

ក្នុងចំណោម​អ្នកមាន​អាយុ​លើស​១០០​ឆ្នាំ​ឡើងទៅ ​មាននៅ​រាជធានី​ភ្នំពេញ​ចំនួន​៤៦២​នាក់​ប្រុស​២១៤​នាក់​ស្រី​២៤៨​នាក់​។​

ខេត្ត​មណ្ឌល​គី​រី​មាន​ចំនួន​២០​នាក់​ ប្រុស​១១​នាក់ ​ស្រី​៩​នាក់ ខេត្តព្រះវិហារ​មាន​៦៧​នាក់ ​ប្រុស​១៨​នាក់ ​ស្រី​៤៩​នាក់ ខេត្តព្រៃវែង មាន​១៦៣​នាក់​ ប្រុស​៦៩​នាក់ ​ស្រី​៩៤​នាក់​ ខេត្តសៀមរាប​ មាន​២៦៧​នាក់​ប្រុស​១១៧​នាក់​ ស្រី​១៥០​នាក់ ខេត្ត​ព្រះសីហនុ មាន​៣៧​នាក់​ ប្រុស​២០​នាក់ ​ស្រី​១៧​នាក់ ខេត្តស្ទឹងត្រែង​ មាន​៣៤​នាក់​ប្រុស​១៤​នាក់​ ស្រី​២០​នាក់ ខេត្តតាកែវ​ មាន​១៧៩​នាក់​ ប្រុស​៦៧​នាក់ ​ស្រី​១១២​នាក់ ខេត្តស្វាយរៀង​ មាន​៧៥​នាក់​ ប្រុស​៣៥​នាក់ ​ស្រី​៤០​នាក់ ខេត្ត​កែប​ មាន​៣​នាក់​ ស្រី​៣​នាក់​។​ ខេត្ត​ប៉ៃលិន​ មាន​១១​នាក់ ​ប្រុស​២​នាក់​ស្រី​៩​នាក់ ខេត្ត​ត្បូងឃ្មុំ​ មាន​២៥០​នាក់ ​ប្រុស​១១០​នាក់​ ស្រី​១៤០​នាក់ ខេត្ត​ឧ​ត្ត​រ​មានជ័យ​ មាន​៥៩​នាក់​ប្រុស​២៦​នាក់ ​ស្រី​៣៣​នាក់ ខេត្តបន្ទាយមានជ័យ​ មាន​១២៥​នាក់ ប្រុស​៥៥​នាក់​ស្រី​៧០​នាក់ ខេត្តបាត់ដំបង​មាន​១៩១​នាក់ ​ប្រុស​៧៧​នាក់ ​ស្រី​១១៤​នាក់ ខេត្តកំពង់ចាម​មាន​២៤១​នាក់ ​ប្រុស​១១២​នាក់​ ស្រី​១៣០​នាក់​ខេត្តកំពង់ឆ្នាំង​ មាន​១០៣​នាក់ ​ប្រុស​៣៥​នាក់​ ស្រី​៦៨​នាក់ ​ខេត្តកំពង់ស្ពឺ ​មាន​១២២​នាក់ ប្រុស​៣៥​នាក់​ស្រី​៦៨​នាក់​។ ខេត្តកំពង់ធំ​ មាន​១៤៨​នាក់ ​ប្រុស​៥៤​នាក់​​ ស្រី​៩៤​នាក់ ខេត្តកំពតមាន​១២៧​នាក់ ​ប្រុស​៥១​នាក់​ស្រី​៧៦​នាក់ ខេត្តកណ្តាល​ មាន​២២០​នាក់​ ប្រុស​១០១​នាក់ ​ស្រី​១១៩​នាក់ ​ខេត្តកោះកុង​ មាន​១៦​នាក់​ប្រុស​៨​នាក់​ ស្រី​៨​នាក់ ខេត្តក្រចេះ ​មាន​៩៧​នាក់​​ប្រុស​៣៥ ស្រី​៦២​នាក់​។​

គួរ​បញ្ជាក់ថា​ ចំពោះ​ប្រជាពលរដ្ឋ​ដែលមាន​អាយុ​១០០​ឆ្នាំ​ឡើងទៅ​ ចាក់​វ៉ាក់សាំង​ការពារ​ជំងឺ​កូ​វីដ​១៩​ត្រូវ​បាន​សម្តេចនាយក​រដ្ឋមន្ត្រី​ផ្តល់ថវិកា​លើកទឹកចិត្ត​ចំនួន​៣​លាន​រៀល​ និងសម្ភារ​ជា​គ្រឿងឧបភោគ បរិភោគ​មួយចំនួនទៀត​៕​

អត្ថបទ ៖ សំអឿន​