ថ្ងៃ​សៅរិ៍នេះ ទស្សនីយភាពប្លែក​​ក្រុម​សិល្បៈ​ ៨ ក្រុម​ប្រជែងគ្នាឡើង​វគ្គ​បន្ត

មិនខុសប្លែកពីសប្ដាហ៍ទី១ កម្មវិធីវង់តន្ត្រីខ្មែរ រដូវកាលទី២ វគ្គជម្រុះដោយគណៈកម្មការ សប្ដាហ៍ទី២ មានបេក្ខជនចំនួន ៨ក្រុម និងទោល ដែលនឹងបង្ហាញផ្ទាំងសិល្បៈទស្សនីយភាពផ្សេងៗគ្នា នៅថ្ងៃសៅរ៍ ទី២១ ខែសីហា ឆ្នាំ២០២១ នេះ រួមមាន៖

១. បេក្ខជន ពៅ រស្មីបញ្ញាវ័ន មកពីរាជធានីភ្នំពេញ (វិញ្ញាសា ចាប៉ីដងវែង)
២. បេក្ខជន ក្រុមយុវជនថ្នាលនៃវប្បធម៌ជាតិ មកពីខេត្តស្ទឹងត្រែង (វិញ្ញាសា វង់ភ្លេងពិណពាទ្យ)
៣. បេក្ខជន ក្រុមពន្លកយុវជនយីកេ មកពីរាជធានីភ្នំពេញ (វិញ្ញាសា ល្ខោនយីកេ)
៤. បេក្ខជន រ៉ា ចាន់រ៉េត មកពីខេត្តសៀមរាប​ (វិញ្ញាសា រនាតឯក)
៥. បេក្ខជន ក្រុមទេពបទុមវង្សពិណពាទ្យ មកពីរាជធានីភ្នំពេញ (វិញ្ញាសា វង់ភ្លេងពិណពាទ្យ)
៦. បេក្ខជន សារី សិលា មកពីខេត្តព្រៃវែង​ (វិញ្ញាសា ចាប៉ីដងវែង)
៧. បេក្ខជន ក្រុមអាយ៉ៃលោកគ្រូ ជិនអេង មកពីខេត្តតាកែវ (វិញ្ញាសា អាយ៉ៃ)
៨. បេក្ខជន ក្រុមល្ខោនខោលខេត្តបាត់ដំបង មកពីខេត្តបាត់ដំបង (វិញ្ញាសា ល្ខោនខោល)

កម្មវិធីវង់តន្ត្រីខ្មែរ រដូវកាលទី២ រៀបចំនិងផ្ដួចផ្ដើមបង្កើតឡើង ដោយសហភាពសហព័ន្ធយុវជនកម្ពុជា ខេត្តស្វាយរៀង គាំទ្រដោយ ក្រសួងវប្បធម៌ និងវិចិត្រសិល្បៈ និងសមាគមមិត្តតន្ត្រីករ ដែលនឹងមានការចាក់ផ្សាយលើកញ្ចក់ទូរទស្សន៍ BTV រៀងរាល់ថ្ងៃសៅរ៍ ចាប់ពីម៉ោង ៧យប់តទៅ និងមានការផ្សាយបន្តផ្ទាល់លើផេកផ្លូវការ របស់សហភាពសហព័ន្ធយុវជនកម្ពុជា ខេត្តស្វាយរៀង៕