បិទខ្ទប់ផ្លូវបេតុងមួយខ្សែ ក្បែរវត្តសាមគ្គីរង្សី ដើម្បីតេស្តិ៍សំ​ណាកអ្នកពាក់ព័ន្ធ វីរ៉ុសបំប្លែងថ្មីដែលតា

ក្រុមមន្ត្រីអាជ្ញាធរសង្កាត់ស្ទឹងមានជ័យទី១ បានសម្រេចធ្វើការបិទខ្ទប់ផ្លូវប៉េតុងមួយខ្សែប្រវែងប្រមាណ៥០​ម៉ែត្រ ក្បែរវត្តសាមគ្គីរង្សី ស្ថិតក្នុងភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ ដើម្បីសហការជាមួយក្រុមគ្រូពេទ្យចុះធ្វើការតេស្តិ៍សំណាកលើពលរដ្ឋពាក់ព័ន្ធ ក្រោយពិនិត្យរកឃើញមានបុរសជាពលរដ្ឋរស់នៅតំបន់នោះម្នាក់ មានវិជ្ជមានវីរ៉ុសបំលែងថ្មីដែលតា នៅថ្ងៃទី២២ ខែសីហា ឆ្នាំ២០២១នេះ។

មន្ត្រីអាជ្ញាធរ សង្កាត់ស្ទឹងមានជ័យទី១ បានប្រាប់អោយដឹងថា បុរសជាពលរដ្ឋ ដែលត្រូវបានក្រុមគ្រូពេទ្យពិនិត្យឃើញមានវិជ្ជមាននូវវីរ៉ុសបំលែងថ្មីដំបូងនោះ មានសមាជិកគ្រួសាររស់នៅសរុប១១នាក់ ហើយបច្ចុ​ប្បន្នរូបគេ (អ្នកវិជ្ជមាន) ត្រូវបានក្រុមគ្រូពេទ្យដឹកតាមរថយន្តយកទៅព្យាបាល ខណះអ្នកពាក់ព័ន្ធ កំពុងធ្វើការតេស្តិ៍សំណាក។

យ៉ាងណាមិញ គិតត្រឹមម៉ោង១៦ល្ងាចថ្ងៃខែដដែល អ្នកពាក់ព័ន្ធរស់នៅក្នុងផ្លូវដែលត្រូវបិទខ្ទប់ គឺកំពុងត្រូវក្រុមគ្រូពេទ្យចុះធ្វើសំណាកទាំងអស់ផងដែរ ដោយក្នុងនោះ ពុំទាន់ដឹងថា មានចំនួនមនុស្សសរុបប៉ុន្មាននាក់អោយប្រាកដឡើយ ហើយក៏ពុំទាន់ដឹងអំពីលទ្ធិផល នៃការតេស្តិ៍សំណាកផងដែរ៕

ដោយ៖ លីហេង