ព័ត៌មានជាតិ

បិទហាង ដាយម៉ិនម៉ាស្សា (Diamond Massage) បង្កប់សេវាកម្មផ្លូវភេទ

បានផុស

៤ years មុន

នៅ

ថ្ងៃព្រហស្បតិ៍ ២៦ វិច្ឆិកា ២០២០

ដោយ

ទីតាំងម៉ាស្សា លំដាប់សម្រួលអារម្មណ៍មួយកន្លែង ដែលកំពុងល្បី តាមបណ្តាញសង្គមពីការតេសួរសេវាតម្លៃរបស់ភ្ញៀវជាមួយភ្នាក់ងារម៉ាស្សានោះ ត្រូវបានកម្លាំងអាជ្ញាធរខណ្ឌដូនពេញសហការជាមួយកម្លាំងជំនាញចុះទៅដល់ទីតាំងនោះ ដើម្បីចាត់ការតាមនីតិវិធី ស្រាប់តែដឹងខ្លួនទាន់គេចចាក់សោបាត់អស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីតាំងហាងម៉ាស្សា ដែលកំពុងល្បីតាមបណ្តាញសង្គមនោះមានយីហោ ដាយម៉ិនម៉ីសេក (Diamond Massage) ដែលបើកទីតាំងម៉ាស្សាបង្កប់សេវាផ្លូវភេទ ដោយចំហ និងបង្ហោះពេញបណ្ដាញសង្គមFacebook ត្រូវបានកម្លាំងគណៈបញ្ជាការឯកភាព ខណ្ឌដូនពេញ សហការជាមួយ មន្ទីរទេសចរណ៍ កម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលរាជធានីភ្នំពេញ ចុះមកបិទទីតាំងនោះ ដោយឃាត់បានតែបុរសម្នាក់ ដែលជាសន្ដិសុខទៅសួរនាំ នៅអធិការដ្ឋាននគរបាល ខណ្ឌដូនពេញ។

ប្រតិបត្តិការនេះ ដឹកនាំផ្ទាល់ដោយលោក សុខ ពេញវុធ អភិបាលនៃគណៈអភិបាលខណ្ឌដូនពេញ ធ្វើឡើងនៅ រសៀលថ្ងៃទី២៦ ខែវិច្ឆិកា ឆ្នាំ២០២០ នៅចំណុចទីតាំងម៉ាស្សាយីហោ ដាយម៉ិន (Diamond Massage) ចំណុចផ្ទះលេខ៤៨C ផ្លូវលេខ២២២ មូលដ្ឋានសង្កាត់ បឹងរាំង ខណ្ឌដូនពេញ រាជធានីភ្នំពេញ។

លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានប្រាប់ឲ្យដឹងថា ចំពោះទីតាំងម៉ាស្សានេះ មិនអនុញ្ញាតឲ្យមានការបើកដំណើរការឡើយនិង យោងតាមការណែនាំរបស់ក្រសួងសុខាភិបាល ដើម្បីការពារជំងឺឆ្លង COVID-19 គឺត្រូវបានបិទជាយូរមកហើយ តែដោយឡែកទីតាំងម៉ាស្សា បើកលួចលាក់ល្មើសនិងបទបញ្ជារបស់អាជ្ញាធរ ត្រូវបិទទីតាំងជាស្ថាពរតែម្ដង។ ក្រោយបញ្ចប់ប្រតិបត្តិការកម្លាំងនគរបាលជំនាញ បានឃាត់ខ្លួនបុរសម្នាក់ ដែលតាំងខ្លួនជាសន្តិសុខ ដើម្បីនាំខ្លួនទៅសួរនាំបន្ថែម៕

អត្ថបទ៖ រស្មី

សូមចុចអាន៖ រថយន្តតទ្រុង៦គ្រឿង ឋិតក្នុងចំណាត់ការកាត់ទ្រុងចេញ

Related Topics:ស្នងការដ្ឋាននគរបាលរាជធានីភ្នំពេញ