ព័ត៌មានជាតិ

សុំលុយម្ដាយយកទៅសងបំណុលគេ ម្ដាយមិនឲ្យដុតផ្ទះខ្ទេច

បានផុស

៣ years មុន

នៅ

ថ្ងៃចន្ទ ២៣ សីហា ២០២១

ដោយ

សុំលុយពីម្ដាយយកទៅសងបំណុលគេ ពេលសុំលុយពីម្តាយមិនបាន សម្រេចចិត្តដុតផ្ទះចោលខ្ទេច រួចគេចខ្លួនបានមួយថ្ងៃ ត្រូវសមត្ថកិច្ចចាបយបាន ។

ហេតុការណ៍នេះបានកើតឡើងនៅថ្ងៃទី២១ ខែសីហា ឆ្នាំ២០២១ វេលាម៉ោង១២និង១៥នាទី នៅចំណុច ភូមិតាដោលទី១ ឃុំអំពៅព្រៃ ស្រុកកណ្ដាលស្ទឹង ខេត្តកណ្ដាល។

ជនរងគ្រោះឈ្មោះ យុន ផាត ភេទស្រី អាយុ៦៨ឆ្នាំ មានទីលំនៅភូមិតាដោលទី១ ឃុំអំពៅព្រៃ ស្រុក កណ្តាលស្ទឹង ខេត្តកណ្ដាល មុខរបរកសិករ (ត្រូវ ជាម្តាយ)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យឈ្មោះ សេន ម៉ៅ ភេទប្រុស អាយុ៣២ឆ្នាំ មានទីលំនៅភូមិតាដោលទី១ ឃុំអំពៅព្រៃ ស្រុក កណ្ដាលស្ទឹង ខេត្តកណ្ដាល មុខរបរមិនពិតប្រាកដ ។

សាក្សីនៅក្បែរកន្លែងកើតហេតុបានអោយដឹងថា នៅថ្ងៃទី២០ ខែសីហា ឆ្នាំ២០២១ មុនពេលកើតហេតុជនសង្ស័យខាងលើ បានសុំលុយពីម្ដាយបង្កើតរបស់ខ្លួន ដើម្បីយកលុយទៅសងបំណុលគេ ប៉ុន្តែម្ដាយមិនឲ្យកូនប្រុសខឹងហើយម្ដាយគំរាមថា “និងដុតផ្ទះចោល “លុះដល់ថ្ងៃទី២១ ខែសីហាឆ្នាំ ២០២១ វេលាម៉ោង កើតហេតុ ដោយឃើញម្តាយមិននៅផ្ទះ (ទៅធ្វើស្រែចម្ការ)បានឡើងទៅលើផ្ទះប្រមូលខោអាវ ក្រណាត់ មុងភួយ ពូក ដាក់គនៅមាត់ទ្វា រួចដាក់គន្លឹះ ទ្វាខាងក្នុងជាប់ដុតផ្ទះបណ្ដាលឱ្យឆេះខូចខាតទាំងស្រុង។ ក្រោយពីធ្វើសកម្មភាពដុតផ្ទះរួច ជនសង្ស័យបានរត់គេចខ្លួនបាត់។

លុះដល់ព្រឹកថ្ងៃទី២២ ខែសីហា ឆ្នាំ២០២១ វេលាម៉ោង០៧និង៣០នាទី កម្លាំងប៉ុស្តិ៍នគរបាលរដ្ឋបាលឃុំ អំពៅព្រៃ បានចាប់ខ្លួនជនសង្ស័យបញ្ជូនមកកាន់អធិការដ្ឋាននគរបាលស្រុកកណ្តាលស្ទឹង ដើម្បីកសាង សំនុំរឿងតាម នីតិវិធី៕

អត្ថបទ ៖ ឆៃ យ៉ា