Connect with us

ព័ត៌មានជាតិ

កម្លាំងចម្រុះស្រុកអូរយ៉ាដាវ ចុះត្រួតពិនិត្យសកម្មភាព ក្រុមហ៊ុនរុករករ៉ែលោហៈ

បានផុស

នៅ

(រតនគិរី)៖ កម្លាំងសមត្ថកិច្ចចម្រុះ របស់គណ:បញ្ជាការឯកភាព ស្រុកអូរយ៉ាដាវ ដឹកនាំដោយលោក ស៊ីម លិន អភិបាលរង នៃគណៈអភិបាលស្រុក នៅព្រឹកថ្ងៃទី២១ ខែសីហា ឆ្នាំ២០២១ បានចុះទៅដល់ចំណុចភ្នំប៉ាង (ភូមិព្រៃមាស) ស្ថិតនៅក្នុងភូមិសាស្ត្រ ឃុំបរខាំ ស្រុកអូរយ៉ាដាវខេត្តរតនគិរី ដើម្បីត្រួតពិនិត្យសកម្មភាព ក្រុមហ៊ុនរុករករ៉ែលោហៈនៅតំបន់នោះ។

ការចុះទៅនេះ គឺយោងលើលិខិតចុះថ្ងៃទី២៦ ខែកក្កដា ឆ្នាំ២០២១ របស់មន្ទីរបរិស្ថានខេត្ត។ ចំណារបស់លោកអភិបាលខេត្ត ចុះថ្ងៃទី២៨ ខែកក្កដា ឆ្នាំ២០២១ ដែលបានឯកភាពជាគោលការណ៍ លើសំណើររបស់មន្ទីរសុំអនុញ្ញាត ឲ្យក្រុមហ៊ុននាំយកឧបករណ៍ គ្រឿងចក្រ និងម៉ាស៊ីន សម្រាប់ប្រើប្រាស់ ក្នុងសកម្មភាព ការសិក្សាស្រាវជ្រាវ រុករករ៉ែលោហៈរបស់ក្រុមហ៊ុន អូរេនថល វិសដុម ខនស៊ូលធីន សឺវីស(Cambodia) អ៊ីន​វេស​​មិន CO.LTD​ និងដើម្បីសម្របសម្រួល ជាមួយអាជ្ញាធរមូលដ្ឋាន ដោយមិនឲ្យប៉ះពាល់ដល់ប្រជាពលរដ្ឋ ដែលរស់នៅក្បែរតំបន់នោះ។

ដោយឧបករណ៍ទាំងនោះរួមាន៖

– គ្រឿងចក្រម៉ាកអេស្កាវ៉ាទ័រ ចំនួន២គ្រឿង។

– ឡានបែន ចំនួន២គ្រឿង

– ម៉ាស៊ីនកិនថ្ម ចំនួន២គ្រឿង

– ម៉ាស៊ីនខួងដី ចំនួន២គ្រឿង

– ប៊ូលដូហ្ស័រ ចំនួន១គ្រឿង

– ម៉ាស៊ីនភ្លើង ចំនួន៣គ្រឿង

– ម៉ាស៊ីនបូមទឹក ចំនួន៤គ្រឿង

– ម៉ាស៊ីនតេស្តថ្ម ចំនួន២គ្រឿង

– ម៉ាស៊ីនបែងចែកប្រភេទថ្ម ចំនួន៩២គ្រឿង។

– ម៉ាស៊ីន បាញ់ខ្យល់ ចំនួន៥គ្រឿង។

– ផ្ទះស្នាក់នៅ និងការិយាល័យការងារ(ទូកុងទឺន័រ)

– ប៉ុស្ថិ៍យាម ចំនួន២ និងបុគ្គលិកកម្មករ ចំនួន៣៥នាក់។

ចំពោះឧបករណ៍ទាំងនេះ ក្រោយពីគណៈឯកភាពស្រុក ចុះត្រួតពិនិត្យជាក់ស្តែង ឃើញមានមួយចំនួន កំពុង​ដំណើ​រ​ការធម្មតា នៅលើកំពូលភ្នំប៉ាង គឺឧបករណ៍ ម៉ាស៊ីនខួងយករ៉ែជាដើម៕ (ដោយ)៖ វុទ្ធឦសាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៩ ម៉ោង មុន

រុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម

សន្តិសុខសង្គម១៦ ម៉ោង មុន

ទូតចិន ថ្កោលទោសជនជាតិចិនបាញ់បោះក្បែរព្រលានយន្តហោះពោធិ៍ចិនតុង និងស្នើផ្ដន្ទាទោសឱ្យធ្ងន់ធ្ងរ

ព័ត៌មានជាតិ២ ម៉ោង មុន

អាជ្ញាធរក្រុងសៀមរាបថា កំពុងរៀបចំមើលថែសួនស្មៅ និងផ្កាឡើងវិញហើយ ក្រោយព្រះតេជគុណ គូ សុភាព ស្នើតាមហ្វេសប៊ុក

ក្រុមបាល់ទាត់ជម្រើស​ជាតិ​កម្ពុជា
កីឡា២៣ ម៉ោង មុន

លោក កែវ សារ៉េត ៖«គ្មាន​ព័ត៌មាន​អ្វី​ពី FIFA ឬ AFC រឿងកម្ពុជា​ជំនួស​ប៉ាគីស្ថាន»

ព័ត៌មានអន្ដរជាតិ២១ ម៉ោង មុន

យន្តហោះដឹករដ្ឋមន្ត្រីការបរទេសអាមេរិក ទៅអាល្លឺម៉ង់ ជួបបញ្ហាលើអាកាស

Sokha Hotels

ព័ត៌មានពេញនិយម