ព័ត៌មានជាតិ

ខេត្តកំពង់ឆ្នាំងមានប្រាសាទ ៦ នៅសល់រូបរាង រួមទាំងស្ថានីយបុរាណ ៣ កន្លែងជាតឹកតាងប្រវត្តិសាស្ត្រ

បានផុស

៤ years មុន

នៅ

ថ្ងៃអង្គារ ២៤ សីហា ២០២១

ដោយ

លោក ផាត សុធារិទ្ធ ប្រធានការិយាល័យបេតិកភណ្ឌរបស់មន្ទីរវប្បធម៌ខេត្តកំពង់ឆ្នាំងបានប្រាប់កម្ពុជាថ្មីថា នៅទូទាំងខេត្តកំពង់ឆ្នាំងមិនសូវមានប្រាសាទសេសសល់ច្រើននោះទេ។ ប្រាសាទដែលសល់រូបរាងមានចំនួន ៦ ហើយប្រាសាទមួយនៅសល់តែគ្រឹះប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាសាទនៅទូទាំងខេត្តកំពង់ឆ្នាំងមានឈ្មោះដូចជា៖

១/ ប្រាសាទកំពង់ព្រះ (ស្រុកបរិបូរណ៍)

២/ ប្រាសាទពណ្ណរាយ (ស្រុកកំពង់លែង)

៣/ ប្រាសាទប្រុស (ស្រុកកំពង់លែង)

៤/ ប្រាសាទស្រី (ស្រុកកំពង់លែង)

៥/ ប្រាសាទថ្នមប្តី (ស្រុកកំពង់លែង)

៦/ ប្រាសាទព្រះធាតុ (ស្រុកសាមគ្គីមានជ័យ)

៧/ ប្រាសាទតូច នៅសល់តែគ្រឹះប៉ុណ្ណោះ

ប្រាសាទកំពង់ព្រះគឺជាប្រាសាទមួយមានអាយុកាលចំណាស់ជាងគេ មានទីតាំងស្ថិតក្នុងភូមិកំពង់ព្រះ ឃុំឆ្នុកទ្រូ ស្រុកបរិបូណ៌ ដែលបានកសាងឡើងក្នុងសតវត្សទី៨ ក្នុងរចនាបទកំពង់ព្រះមុនសម័យអង្គរ។

ក្រៅពីប្រាសាទបុរាណដែលនៅសេសសល់ខ្លះៗ បើតាមប្រធានការិយាល័យបេតិកភណ្ឌខេត្តកំពង់ឆ្នាំង នៅមានស្ថានីយបុរាណចំនួន ៣ មានស្ថានីយបុរាណសំរោងសែននៅស្រុកកំពង់លែង ស្ថានីយបុរាណក្រាំងគរនៅស្រុកកំពង់ត្រឡាច និងស្ថានីយបុរាណលង្វែកនៅស្រុកកំពង់ត្រលាច។

បើតាមលោកផាត សុធារិទ្ធ ប្រាសាទនៅទូទាំងខេត្តកំពង់ឆ្នាំង មិនសូវជាសំបូរភ្ញៀវមកទស្សនាច្រើនទេដោយសារស្ថានភាពផ្លូវមានការលំបាក និងណាមួយប្រាសាទខ្លះស្ថិតនៅឆ្ងាយទាល់តែជិះទូកឬកាណូតអាចទៅដល់៕

អត្ថបទ៖ ប៊ុណ្ណារ៉ា