ព័ត៌មានជាតិ
អាជ្ញាធរខេត្តនឹងពង្រីកការចាក់វ៉ាក់សាំងដល់កុមារ ទៅតាមស្រុកទាំងអស់ ជៀសវាងការកកស្ទះនៅក្នុងក្រុង
បច្ចុប្បន្នទីតាំងមានតែ ៣ កន្លែងគត់ ក្នុងក្រុងបាត់ដំបងដែលអាជ្ញាធររៀបចំដើម្បីចាក់វ៉ាក់សាំងការពារជំងឺកូវីដ១៩ សម្រាប់តែក្មេងៗសិស្សសាលាក្នុងក្រុងបាត់ដំបង ចាប់ពីអាយុ១២ឆ្នាំដល់១៧ឆ្នាំនោះ ដោយមានសភាពកកកុញគ្នាគ្មានសណ្តាប់ធ្នាប់ ដែលជាក្តីព្រួយបារម្ភខ្លាំងអំពី ការឆ្លងរាលដាលនៃជំងឺកូវីដ-១៩។
ប្រឈមនឹងនេះ ឯកឧត្តម សឿម ប៊ុនរិទ្ធ អភិបាលរងខេត្តបាត់ដំបង នឹងជាអ្នកនាំពាក្យបានឲ្យដឹងថា អាជ្ញាធរខេត្តបាត់ដំបងចាប់ផ្តើម ប្រជុំដោះស្រាយភ្លាមៗ ដោយចាប់ផ្តើមរៀបចំពង្រីកមណ្ឌលផ្តល់វ៉ាក់សាំងដល់កុមារ នៅតាមបណ្តាស្រុកទូទាំងខេត្ត ដែលកុមារក្នុងវ័យនេះ មានជាង១៨ម៉ឺននាក់ ដោយចាប់ផ្តើមពីថ្ងៃទី២៦ខែសីហាតទៅ ដើម្បីបញ្ចៀសការកកកុញនិងបញ្ចៀសការឆ្លងរាលដាលនៃជំងឺកូវីដ-១៩។ ឯកឧត្តមបញ្ជាក់ថា អាជ្ញាធរខេត្តកំពុងឲ្យមន្ទីរពេទ្យបង្អែកស្រុកប្រតិបត្តិ សហការជាមួយអាជ្ញាធរ និង ស្ថាប័នពាក់ព័ន្ធ រៀបចំមណ្ឌលសម្រាប់ផ្តល់វ៉ាក់សាំង ជូនដល់កុមារហើយ។
លោក ផេង សិទ្ធី អភិបាលក្រុងបាត់ដំបងបានមានប្រសាសន៍ឲ្យដឹងថា បញ្ហាកកកុញ ក្នុងមណ្ឌលចាក់វ៉ាក់សាំងទាំង ៣ នៅក្នុង ក្រុងបាត់ដំបងនេះដោយសារតែ អាណាព្យាបាលរបស់ក្មេងៗ នៅតាមបណ្តាស្រុកនានា បានសម្រុកនាំកូនមកចាក់វ៉ាក់សាំងដែរ ហើយចំនួនក្មេងផងនឹងចំនួនអាណាព្យាបាលដែលនាំក្មេងមកផង ធ្វើឲ្យចំនួនទ្វេដង ទើបធ្វើឲ្យទីតាំងផ្តល់វ៉ាក់សាំងចង្អៀត បើទោះជាអាជ្ញាធរនិងមន្ត្រីសុខាភិបាលរៀបចំកៅអី រក្សាគម្លាត និង រៀបចំលេខរៀងត្រឹមត្រូវហើយយ៉ាងណាក៏ដោយ។ លោកបញ្ជាក់ថា តាមផែនការអាជ្ញាធរផ្តល់វ៉ាក់សាំងដល់ក្មេង សិស្សសាលា ក្នុងក្រុងបាត់ដំបងជាមុន ដែលមានចំនួន ១៥,៨២៦នាក់ នៅក្នុងស្រី ៦,៨២៦ នាក់ ដែលគិតត្រឹមថ្ងៃទី២៤ខែសីហា ផ្តល់វ៉ាក់សាំងដល់កុមារបាន ១២,១៦០នាក់ ក្នុងនោះស្រី ៦,៣៤២ នាក់។
លោក ផេង សិទ្ធី បានបញ្ជាក់ថា ចំនួនដែលចាក់វ៉ាក់សាំងនេះ គឺមានចំនួន៤០ភាគរយ គឺក្មេងៗដែលឪពុកម្តាយបាននាំកូនមកពីបណ្តាស្រុកនានា មិនមែនតែក្មេងក្នុងក្រុងបាត់ដំបងតែមួយនោះទេ ។
លោកអភិបាលក្រុងបាត់ដំបង បានទទូចស្នើឲ្យអាណាព្យាបាលកុមារនៅតាមបណ្តាស្រុកនានា កុំផ្អើលនាំគ្នាយកកូនៗមកចាក់វ៉ាក់សាំង ក្នុងក្រុងបាត់ដំបងដែលនាំឲ្យកកកុញ ខាតពេលវេលា និង ងាយប្រឈមនឹងការឆ្លងជំងឺកូវីដ១៩ ដោយសារការប្រជ្រៀតគ្នា ត្រូវរង់ចាំចាក់វ៉ាក់សាំងនៅតាមបណ្តាស្រុកដែលខ្លួនរស់នៅ ទៅតាមការរៀបចំរបស់អាជ្ញាធរនាពេលឆាប់ៗនេះ។
បើតាមមន្ត្រីសុខាភិបាលឲ្យដឹងថានៅព្រឹកថ្ងៃទី២៥ខែសីហានេះ ការពង្រីកមណ្ឌលចាក់វ៉ាក់សាំងដល់កុមារចាប់ពីអាយុ១២ឆ្នាំដល់១៧ឆ្នាំ បាន ដល់ស្រុកសំឡូត និង ស្រុកបវេលហើយ នឹង បន្តពង្រីកនៅតាមបណ្តាស្រុកផ្សេងទៀតផងដែរ ដើម្បីបញ្ចៀសការកកកុញ។ ហើយមណ្ឌលផ្តល់វ៉ាក់សាំងដល់ក្មេងៗនេះ មនុស្សចាស់ដែលមិនទាន់បានទទួលវ៉ាក់សាំងនាពេលកន្លងមកក៏អាចមកទទួលវ៉ាក់សាំងនៅទីនេះបានដែរ។
សូមបញ្ជាក់ថាបើតាមអាជ្ញាធរខេត្តឲ្យដឹងថា នៅក្នុងខេត្តបាត់ដំបង កុមារចន្លោះពីអាយុ១២ដល់ ១៧ឆ្នាំ មានចំនួន ១៨៧,៧៩៣ នាក់ ក្នុងនោះស្រី មានចំនួន ៩៣,០៥៤ នាក់ ខណៈបច្ចុប្បន្ននេះចំនួនដែលមកចាក់វ៉ាក់សាំងក្នុងមណ្ឌលទាំង ៣ ក្នុងក្រុងបាត់ដំបង បានជាង១ម៉ឺននាក់ហើយ ៕
អត្ថបទ៖ សោ និយមរ័ត្ន
ក្រសួងការងារ និង ក្រុមហ៊ុន HONDA CARS HAKATA CO., LTD ចុះអនុស្សរណៈយោគយល់គ្នា ស្ដីពី “គម្រោងបណ្តុះបណ្តាលអ្នកជំនាញតោន និងបាញ់ថ្នាំរថយន្ត”
លោក សុខ សប្បាយណា ចុះផ្សព្វផ្សាយអំពីព្រឹត្តិការណ៍ «សាទរកម្ពុជា» ដល់និស្សិតជិត៦រយនាក់ នៅសាកលវិទ្យាល័យភូមិន្ទភ្នំពេញ
ខេត្តកោះកុង កំពុងមានចំណាប់អារម្មណ៍ពីអ្នកវិនិយោគ និងត្រូវការកម្លាំងពលកម្មច្រើន
អ្នកនាំពាក្យ ៖ មន្ត្រីរាជការ អាចស្នើធ្វើប័ណ្ណ ប.ស.ស ជូន ប្ដី ឬ ប្រពន្ធ និង កូន ក្នុងបន្ទុក ដោយមិនបង់វិភាគទានទេ
រដ្ឋបាលសង្កាត់ភ្លើងឆេះរទេះសហការជាមួយក្រុមហ៊ុនប្រមូលសំរាមផ្លាស់ប្តូរធុងសំរាមថ្មី១៨ធុង
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
ករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន
ក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
ស្ត្រីអ្នកលក់ភេសជ្ជៈម្នាក់ត្រូវជនមិនស្គាល់មុខវាយសម្លាប់ទាំងព្រឹក
ក្រសួងមហាផ្ទៃ សម្រេចដកហូតមុខតំណែងអធិការនគរបាលស្រុកដំណាក់ចង្អើរ ឲ្យមកជាមន្ត្រីធម្មតា
-
ព័ត៌មានជាតិ៤ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៤ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ចរាចរណ៍៤ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
នយោបាយ១ សប្តាហ៍ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
សន្តិសុខសង្គម៥ ម៉ោង agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ព័ត៌មានជាតិ១ សប្តាហ៍ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ១ សប្តាហ៍ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៦ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ