ព័ត៌មានជាតិ

បុរសម្នាក់ កំពុងឈរបង់ត្រី ស្រាប់តែដួលចូលក្នុងទឹកលូកំពុងតែហូរបណ្តាលឲ្យលង់ស្លាប់យ៉ាងអាណោចអាធ័ម

បានផុស

៣ years មុន

នៅ

ថ្ងៃពុធ ២៥ សីហា ២០២១

ដោយ

បន្ទាយមានជ័យ ៖ បុរសវ័យចំណាស់ម្នាក់ កំពុងឈរចាំបង់ត្រីសុខៗស្រាប់តែដួលចូលក្នុងទឹកលូកំពុងតែហូរបណ្តាលឲ្យលង់ស្លាប់ភ្លាមដោយគ្មានក្រុមគ្រួសារជួយទាន់ រឿងរ៉ាវនេះកើតឡើងនៅវេលាម៉ោង នៅវេលាម៉ោង១០និង៣០នាទីព្រឹកថ្ងៃទី២៥ ខែសីហា ឆ្នាំ២០២១ នៅចំណុចមុខលូអាងជើងគ្រួស ស្ថិតក្នុងភូមិបន្ទាយឆ្មារខាងជើង ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ។

មន្ត្រីនគរបាលមូលដ្ឋានបានប្រាប់ឲ្យដឹងថា សពជនរងគ្រោះមានឈ្មោះ ម៉ាន អៀមភេទប្រុសអាយុ ៦៣ឆ្នាំ រស់នៅភូមិពង្រតាឡី ឃុំអំពិល ស្រុកបន្ទាយអំពិល ខេត្តឧត្ដរមានជ័យ។

មន្ត្រីនគរបាលមូលដ្ឋានបានបញ្ជាក់ឲ្យដឹងបន្តទៀតថា មុនពេលកើតហេតុជនរងគ្រោះបានទៅបង់ត្រីនៅចំណុចមុខលូទឹកហូរចេញពីអាងជើងគ្រួស នៅពេលកំពុងឈរចាំបង់ត្រីស្រាប់ដួលចូលក្នុងទឹកលូបណ្តាលលង់ទឹកស្លាប់តែម្តង។

មន្ត្រីនគរបាលមូលដ្ឋានបានប្រាប់ឲ្យដឹងថា តាមការបញ្ជាក់ពីក្រុមគ្រួសារសពជនរងគ្រោះថា សពមានជំងឺលើសឈាម ប្រហែលនៅពេលគាត់កំពុងឈរចាំបង់ត្រី សង្ស័យជំងឺលើសឈាមរើឡើងបណ្តាលឲ្យគាត់ងងឹតមុខដួលធ្លាក់ចូលក្នុងទឹកលូលង់ស្លាប់តែម្តង ហើយត្រូវបានអ្នកទៅបង់ត្រីជាមួយជួយស្រង់មកដាក់លើគោក នគរបាលមូលដ្ឋានប្រគល់សពទៅឲ្យក្រុមគ្រួសារយកទៅចាត់ចែងធ្វើបុណ្យតាមប្រពៃណី៕

ដោយ ៖ វ៉ាន់ ណាង

Related Topics:លង់ទឹក