ព័ត៌មានជាតិ
ភ្លៀងធ្លាក់៣ថ្ងៃជាប់គ្នា ធ្វើឲ្យតំបន់មួយចំនួនក្នុងខេត្តកោះកុង ត្រូវជនលិច
ខេត្តកោះកុងដែលជាខេត្តនៅជាប់សមុទ្រ បានរងសម្ពាធព្យុះភ្លៀងយ៉ាងចាស់ដៃ៣ថ្ងៃចុងក្រោយនេះ ដែលបង្កផ្លូវថ្នល់ ផ្ទះសម្បែង និងយានយន្តជួបការខូចខាត មិនធ្លាប់កើតមានពីមុនមក។
បរិមាណទឹកភ្លៀងពីតិចទៅច្រើន ចាប់ពីថ្ងៃទី២៤ ខែសីហា ដល់ថ្ងៃទី២៦ ខែសីហានេះ គឺបានបង្កឱ្យក្រុងខេមរភូមិន្ទ និងបណ្តាស្រុកមួយចំនួននៅក្នុងខេត្តកោះកុង ជួបប្រទះផលប៉ះពាល់ដោយសារជនលិចយ៉ាងដំណំនូវផ្ទះសម្បែងរស់នៅ ផ្លូវថ្នល់ធ្វើដំណើរ ដីស្រែចំការ និងយានយន្តខូចខាត។

តាមរយៈហ្វេកប៊ុកផ្លូវការរបស់លោកស្រី មិថុនា ភូថង អភិបាលខេត្តកោះកុង បានបញ្ជាក់ថា ភ្លៀងធ្លាក់មួយមេយ៉ាងធំដែលមានកម្ពស់ទឹកភ្លៀង១៨៥មម កាលពីថ្ងៃទី២៤ ខែសីហា ថ្មីៗនះ បណ្តាលឱ្យមានទឹកលិចផ្លូវ និងហូរចូលផ្ទះសម្បែងប្រជាពលរដ្ឋមួយចំនួន និងនៅជុំវិញផ្សារដងទង់ក្នុងក្រុងខេមរភូមិន្ទ ព្រោះតែបរិមាណហូរទឹកចូលប្រព័ន្ធលូមិនទាន់។

ដូច្នេះលោកស្រី ក៏ជំរុញដល់រដ្ឋបាលក្រុង សង្កាត់ និងមន្ទីរពាក់ព័ន្ធ បង្កើនការខិតខំស្តារលូ ប្រឡាយ ដើម្បីរំដោះទឹកពេលភ្លៀងខ្លាំង។ ហើយសុំការចូលរួមពីប្រជាពលរដ្ឋ តាមរយៈចិត្តអំណត់ និងអនុគ្រោះដល់អាជ្ញាធរ និងអ្នកពាក់ព័ន្ធ ចំពោះបាតុភូតធម្មជាតិដែលបានកើតឡើងនេះ។ ជាពិសេស មេត្តាយកចិត្តទុកដាក់ប្រុងប្រយ័ត្នចំពោះបាតុភូតធម្មជាតិនារដូវវស្សា។
លោកស្រី មិថុនា ភូថង ក៏ស្នើដល់អ្នកបើកបរយានយន្តតូចធំគ្រប់ប្រភេទ មេត្តាបើកបរដោយប្រុងប្រយ័ត្ត ជាពិសេសត្រូវបើកបរក្នុងល្បឿនយឺតៗ ដើម្បីកុំឱ្យទឹកដែលលិចផ្លូវសាចហូរ ហៀរចូលក្នុងផ្ទះប្រជាពលរដ្ឋ។

បញ្ហារងផលប៉ះពាល់ដោយសារតែការជន់លិចទឹកភ្លៀងនេះដែរ ត្រូវបានប្រជាពលរដ្ឋ លើកឡើងពីមូលហេតុជាច្រើនផ្សេងៗគ្នា ដោយខ្លះនិយាយថា ការទុកដាក់សំណល់សំរាមមិនពុំបានត្រឹមត្រូវបណ្តាលឱ្យហូរបិទមាត់ប្រឡាយលូ ប្រព័ន្ធលូបេតុងមួយចំនួនមិនទាន់ស្តារកែលម្អថ្មីគ្រាគោករាក់តាមតំបន់គោលដៅសំខាន់ៗមុខទឹកហូរកាត់ ប្រឡាយទឹកធម្មជាតិក្នុងក្រុងឬជាយក្រុងខេមរភូមិន្ទ រងការរំលោភចាក់ដីបំពានធ្វើជាកម្មសិទ្ធិឯកជន។

ដោយប្រជាពលរដ្ឋស្នើឱ្យប្រជាពលរដ្ឋ អាជ្ញាធរ និងមន្ទីរជំនាញ ត្រូវរៀបចំទុកដាក់សំរាមឱ្យមានរបៀបរៀបរយល្អ ស្វែងថវិកាមកជួសជុលប្រព័ន្ធលូដែលខូចខាតឡើងវិញ និងមានវិធានការចំពោះក្រុមជនខិលខូចដែលចាក់អាចម៍ដីរំលោភលើប្រឡាយទឹកធម្មជាតិ៕
អត្តបទ ៖ សិរីវឌ្ឍនៈ


-
ព័ត៌មានអន្ដរជាតិ២១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ