ព័ត៌មានជាតិ

ថ្នាក់ដឹកនាំខេត្តតាកែវ ចុះពិនិត្យស្ថានភាពស្រូវពលរដ្ឋ ដែលកំពុងរងផលប៉ះពាល់ដោយគ្រោះរាំងស្ងួត

បានផុស

៤ years មុន

នៅ

ថ្ងៃព្រហស្បតិ៍ ២៦ សីហា ២០២១

ដោយ

ថ្វីត្បិតតែចូលដល់រដូវវស្សា សម្រាប់ការបង្កបង្កើនផលស្រូវពលរដ្ឋក៏ពិតមែន ឃើញថាដំបន់មួយចំនួននៃស្រុកសំរោង គឺស្រូវវស្សារបស់ពួកគាត់កំពុងតែរងផលប៉ះពាល់ដោយគ្រោះរាំងស្ងួត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លើយតបតាមតម្រូវការជាក់ស្តែងនៅព្រឹកថ្ងៃទី២៦ ខែសីហា ឆ្នាំ២០២១ លោក អ៊ូច ភា អភិបាលនៃគណៈអភិបាលខេត្តតាកែវ លោកអភិបាលស្រុកសំរោង លោកប្រធានមន្ទីរកសិកម្មរុក្ខាប្រមាញ់ និងក្រុមការងារថ្នាក់ខេត្តបានអញ្ជើញចុះពិនិត្យស្ថានីយបូមទឹក និងស្ថានភាពបង្កបង្កើនផលស្រូវរដូវវស្សាដែលបានកំពុងជួបគ្រោះរាំងស្ងួតនៅឃុំជើងគួន និងស្លា។

តាមការបញ្ជាក់ពីលោក កេត ម៉ៅ អភិបាលស្រុកសំរោង ឲ្យដឹងថាកន្លងមករដ្ឋបាលខេត្តតាកែវ បានឧបត្ថម្ភប្រេងចំនួន ១,៥០០ លីត្រដល់ឃុំទាំងពីរនេះ តាមរយៈមន្ទីរកសិកម្ម រុក្ខាប្រមាញ់ និងនេសាទដើម្បីជួយបូមទឹកសង្គ្រោះស្រូវដែលជួបគ្រោះរាំងស្ថួតផងដែរ។ ហើយនៅថ្ងៃនេះ លោកអភិបាលខេត្ត ក៏បានឧបត្ថម្ភប្រេងចំនួន១,០០០ លីត្របន្ថែមទៀតដល់ឃុំស្លា ដើម្បីទុកបូមទឹកសង្គ្រោះស្រូវរដូវវស្សារបស់បងប្អូនប្រជាពលរដ្ឋ ដែលកំពុងជួបគ្រោះរាំងស្ងួត៕