ព័ត៌មានជាតិ
លោក ហេង រតនា ៖ កូវីដ មិនធ្វើឱ្យរំខានដល់ប្រតិបត្តិការបោសសំអាតគ្រាប់មីននិងគ្រាប់មិនទាន់ផ្ទុះនោះទេ
លោក ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលកម្ចាត់មីនកម្ពុជា(ស៊ីម៉ាក់)បានឱ្យដឹងនៅព្រឹកថ្ងៃទី២៧ ខែសីហានេះថា ជំងឺកូវីដ១៩មិនបានធ្វើឱ្យរាំងស្ទះដល់ការធ្វើប្រតិបត្តិការបោសសំអាតគ្រាប់មីននិងគ្រាប់មិនទាន់ផ្ទុះនោះទេ ។
លោកបានបន្តថា បញ្ហាជំងឺកូវីដ១៩នេះ វាបានធ្វើឱ្យប៉ះពាល់ស្ទើរគ្រប់វិស័យរួមទាំងស៊ីម៉ាក់ផងដែរ។ ប៉ុន្តែការធ្វើប្រតិបត្តិការបោសសំអាតមីន គឺយើងនៅតែដំណើរការជាធម្មតាដោយអនុវត្តតាមបែបគន្លងថ្មីដើម្បីការពារការឆ្លងរីករាលដាលជំងឺកូវីដ១៩។
លោកអគ្គនាយកស៊ីម៉ាក់បានបន្តទៀតថា ជាក់ស្តែងក្នុងរយៈពេល៦ខែឆ្នាំ២០២១នេះអង្គភាពស៊ីម៉ាក់បានធ្វើការបោសសំអាតផ្ទៃដីដែលមានគ្រាប់មីននិងគ្រាប់មិនទាន់ផ្ទុះប្រមាណជាង៥៥គីឡូម៉ែត្រស្មើនឹងជាង៩៨ភាគរយនៃផែនការក្នុងនោះកម្ទេចគ្រាប់មីននិងយុទ្ធភណ្ឌមិនទាន់ផ្ទុះបានជិត៣ម៉ឺនគ្រាប់ផងដែរ។
យ៉ាងណាក៏ដោយលោកអគ្គនាយកស៊ីម៉ាក់បានឱ្យដឹងទៀតថា មានកងកម្លាំងស៊ីម៉ាក់មួយចំនួនបានឆ្លងជំងឺកូវីដ១៩នេះផងដែរ ហើយកំពុងដាក់ឱ្យព្យាបាលនិងអ្នកប៉ះពាល់ផ្ទាល់និងប្រយោលបានដាក់ឱ្យធ្វើចត្តាឡីស័កទៅតាមគោលការណ៍របស់ក្រសួងសុខាភិបាលរួចហើយដែរ។
លោកអគ្គនាយកបានបន្ថែមទៀតថា ក្នុងការធ្វើប្រតិបត្តិការបោសសំអាតមីននិងយុទ្ធភណ្ឌមិនទាន់ផ្ទុះនេះយើងមានការគាំទ្រពីរាជរដ្ឋាភិបាលនិងដៃគូរនានាដូចជា រដ្ឋាភិបាលជប៉ុន ចិន សហរដ្ឋអាមេរិក អង្គការ យូអិនឌីភី អង្គការជេម៉ាស់ អង្គការអាប៉ូប៉ូ ដោយធ្វើប្រតិបត្តិការតាមរយៈកងកម្លាំងស៊ីម៉ាក់ប្រើសុនខហុតមីននិងកណ្តុហិតមីន។
លោកអគ្គនាយកស៊ីម៉ាក់បានបញ្ជាក់ថា ជំនាញសុនខហិតមីន ត្រូវបានបង្កើតឡើង និងនាំចូលផ្តល់ការគាំទ្រដល់អង្គភាពស៊ីម៉ាក់ ដោយកងទ័ពប្រទេសស៊ុយអ៊ែត ក្នុងឆ្នាំ១៩៩៦ ក្នុងកម្រិតហ្វឹកហ្វឺនសាកល្បងប្រើប្រាស់សុនខហិតមីននៅកម្ពុជា និងបានបញ្ចប់គម្រោងនៅឆ្នាំ២០០២។ ប៉ុន្ដែ ស៊ីម៉ាក់ បានចាប់ផ្ដើមពង្រឹងភាពជាម្ចាស់និងភាពជាដៃគូនៃកម្មវិធី សុនខហិតមីនចាប់ពីឆ្នាំ២០០២រហូតទទួលបានភាពជោគជ័យ និងរឹងមាំនៅអំឡុងឆ្នាំ២០១៦។
លោកអគ្គនាយកស៊ីម៉ាក់បានបន្ថែមទៀតថា បច្ចុប្បន្ននេះស៊ីម៉ាក់មានសុនខហិតមីនប្រមាណជាង១២០ក្បាលក្នុងនោះកំពុងប្រតិបត្តិការនៅតាមចំការមីនប្រមាណជាង៧០ក្បាល។
លោក ហេង តនា បានអំពាវនាវដល់ប្រជាពលរដ្ឋរស់នៅតំបន់ដែលប្រឈមនឹងគ្រាប់មីននិងយុទ្ធភណ្ឌមិនទាន់ផ្ទុះសូមមានការប្រុងប្រយ័ត្នខ្ពស់ ហើយក្នុងករណីឃើញគ្រាប់មីនឬគ្រាប់មិនទាន់ផ្ទុះសូមកុំប៉ះពាល់ប្រញាប់រាយការណ៍ទៅអាជ្ញាធរភូមិឃុំនិងប៉ុស្ដិ៍រដ្ឋបាលឃុំ ដើម្បីរាយការណ៍បន្តទៅមន្ត្រីស៊ីនម៉ាក់ដើម្បីមករំដោះយកចេញនិងកម្ទេចចោលព្រោះថា បញ្ហាគ្រាប់មីននិងគ្រាប់មិនទាន់ផ្ទុះនេះ នៅតែជាបញ្ហាចម្បងធ្វើឱ្យមានគ្រោះថ្នាក់ដល់ប្រជាពលរដ្ឋ។
លោកអគ្គនាយកស៊ីម៉ាក់បានបញ្ជាក់ទៀតថា ជាងកស្តែងនៅក្នុងរយៈពេល៦ខែឆ្នាំ២០២១នេះមានមនុស្សចំនួន២៦នាក់ស្លាប់ និងរបូសដោយសារគ្រាប់មីននិងគ្រាប់មិនទាន់ផ្ទុះក្នុងនោះមាន៨នាក់ស្លាប់បាត់បង់ជីវិតនិង១៨នាក់រងរបួស៕
អត្ថបទ ៖ សំអឿន
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ