ព័ត៌មានជាតិ
រុស្សី គ្រោងនឹងជួយអភិវឌ្ឍន៍មន្ទីរពេទ្យមិត្តភាពខ្មែរ-សូវៀត ឲ្យកាន់តែទំនើប
រដ្ឋាភិបាលសហព័ន្ធរុស្សី នឹងជួយជួសជុល កែលម្អ អគារមន្ទីរពេទ្យមិត្តភាពខ្មែរ-សូវៀត ឡើងវិញ។
ក្នុងនោះ ដើម្បីអភិវឌ្ឍន៍មន្ទីរពេទ្យនេះ ឲ្យកាន់តែទំនើបជាងមុន សម្រាប់ផ្តល់សេវាសុខាភិបាល ជូនដល់ប្រជាពលរដ្ឋ កាន់តែមានគុណភាព និងប្រសិទ្ធភាពខ្ពស់ ថែមទៀត។
ថ្លែងក្នុងដំណើរធ្វើទស្សនកិច្ច និងយករទេះរុញជនពិការ ផ្តល់ជូនមន្ទីរពេទ្យមិត្តភាពខ្មែរ-សូវៀត កាលពីព្រឹក ថ្ងៃទី២៣តុលានេះ ដើម្បីអបអរសាទរខួប៦០ នៃការបង្កើតមន្ទីរពេទ្យមិត្តភាព-ខ្មែរសូវៀត លោក អាណាតូលី បូរ៉ូវីក ឯកអគ្គរដ្ឋទូតរុស្សី ប្រចាំកម្ពុជា បានមានប្រសាសន៍ថា គម្រោងនេះ ក្រសួងសាមី នៅប្រទេសរុស្សី កំពុងធ្វើការសិក្សានៅឡើយ។
លោកទូត បានបន្តថា «សព្វថ្ងៃ គេបានរៀបចំរបាយការណ៍សិក្សាពីលទ្ធភាពជួសជុលឡើងវិញនៅមន្ទីររុស្សី។ ក្នុងរបាយការណ៍នោះ កំពុងពិចារណាក្រសួងសាមីខ្លួន នៅសហព័ន្ធរុស្សី»។
យ៉ាងណាក៏ដោយ លោកទូត បានបន្ថែមថា «សព្វថ្ងៃនេះ វាស្ថិតក្នុងសម័យកូវីដ ពិបាកនឹងនិយាយថា គម្រោងនេះចេញឆាប់ៗ ដោយសារជំងឺនេះ បង្កផលវិបាកច្រើនសម្រាប់ទំនាក់ទំនងគ្នា ប៉ុន្តែយើងឆ្លៀតឱកាសនេះដើម្បីបន្តទាក់ទងគ្នាតាមរយៈអនឡាញ និងវីដេអូខុនហ្វឺរែន»។
លោកសាស្ត្រាចារ្យ ងី ម៉េង នាយកមន្ទីរពេទ្យមិត្តភាពខ្មែរ-សូវៀត បានមានប្រសាសន៍ថា គម្រោងដែលរដ្ឋាភិបាលរុស្សីជួយមន្ទីរពេទ្យមិត្តភាពខ្មែរ-សូវៀត នោះ រួមមាន គម្រោងជួសជុល និងកែលំអមន្ទីរពេទ្យឡើងវិញ។ ការសាងសង់អគារសង្គ្រោះបន្ទាន់ថ្មីមួយទៀត សម្រាប់ព្យាបាលជំងឺផ្នែកបាក់បែក ពេលមានបញ្ហាគ្រោះថ្នាក់ចរាចរណ៍។ លោកនាយកមន្ទីរពេទ្យសង្ឃឹមថា គម្រោងនេះ នឹងដំណើរការប្រព្រឹត្តិទៅដោយរលូន។
លោកនាយកមន្ទីរពេទ្យ រំពឹងថា «ប្រសិនបើនៅពេលមានការជួសជុល កែលំអអគារ ក្នុងមន្ទីរពេទ្យរួចរាល់ នឹងជួយលើកកម្ពស់ការផ្តល់សេវាជូនដល់ប្រជាពលរដ្ឋកាន់តែប្រសើរឡើងថែមទៀត ទាំងធនធានមនុស្ស ហេដ្ឋារចនាសម្ព័ន្ធ និងបច្ចេកវិទ្យា ព្រោះថា រុស្សី មានផ្នែកវេជ្ជសាស្ត្រខ្លាំង។ អីចឹងហើយ គាត់មានសមត្ថភាព អាចផលិតវ៉ាក់សាំងកូវីដ-១៩»។
យ៉ាងណាក៏ដោយ លោកនាយកមន្ទីរពេទ្យ បានបញ្ជាក់ថា មន្ទីរពេទ្យ មានគម្រោងជាច្រើនទៀតដែលត្រូវស្នើសុំឲ្យរដ្ឋាភិបាលរុស្សី បន្តជួយ។ ប៉ុន្តែជំហានដំបូង ធ្វើយ៉ាងណាឲ្យរុស្សី ជួយគម្រោងជួសជុល កែលំអ មន្ទីរពេទ្យនេះ ឲ្យបានដំណើរការជាមុនសិន។
គួររំលឹកថា មន្ទីរពេទ្យមិត្តភាពខ្មែរ-សូវៀត ត្រូវបានចាប់ផ្ដើមកសាងនៅចុងទសវត្ស១៩៥០ ក្រោមការឧបត្ថម្ភដោយរដ្ឋាភិបាលសហភាពសូវៀត។
កាលពីថ្ងៃទី២៩ ខែសីហា ឆ្នាំ១៩៦០ មន្ទីរពេទ្យនេះ ត្រូវបានសម្ពោធ និងដាក់ឲ្យប្រើប្រាស់ជាផ្លូវការ ដែលកាលនោះ មន្ទីរពេទ្យមានឈ្មោះថា «មន្ទីរពេទ្យកម្ពុជា-សូវៀត»។
ក្រោមរបបកម្ពុជាប្រជាធិបតេយ្យ ពីឆ្នាំ១៩៧៥ ដល់ ឆ្នាំ១៩៧៩ មន្ទីរពេទ្យ បានដូរឈ្មោះជា «មន្ទីរពេទ្យ ១៧ មេសា»។ ចាប់ពីឆ្នាំ១៩៧៩ ដល់ឆ្នាំ១៩៩៣ មន្ទីរពេទ្យ បានប្រើឈ្មោះដើមវិញ គឺ «មន្ទីរពេទ្យ កម្ពុជា-សូវៀត»។ ប៉ុន្តែ នៅក្រោយពេលបោះឆ្នោតឆ្នាំ១៩៩៣ ដែលរៀបចំដោយអ៊ុនតាក់មន្ទីរពេទ្យ បានប្តូរឈ្មោះជា «មន្ទីរពេទ្យ ព្រះបាទនរោត្តមសីហនុ» វិញ រហូតដល់ឆ្នាំ២០០៥។ មកទល់ពេលបច្ចុប្បន្ន មន្ទីរពេទ្យ មានឈ្មោះថា «មន្ទីរពេទ្យមិត្តភាពខ្មែរ-សូវៀត»៕
អត្ថបទ ៖ សំអឿន
អភិបាលខណ្ឌឬស្សីកែវ បញ្ជាឱ្យជំនាញពាក់ព័ន្ធតាមដានត្រួតពិនិត្យជួសជុលកែលំអផ្លូវថ្នល់ ដែលមានការខូចខាត
រដ្ឋមន្ត្រីមហាផ្ទៃប្រាប់ក្រុមការងារចុះមូលដ្ឋានបញ្ឈប់កិច្ចអន្តរាគមន៍យកមន្ត្រីក្រៅមូលដ្ឋានមកកាន់តំណែង
មហាជនបារម្ភ! ក្រោយឃើញអ្នកជិះកង់សប្បុរសធម៌ ជំនះធ្វើដំណើរកាត់ព្រិល រឹងខ្លួនប្រាណសឹងនិយាយលែងបាន
ព្រះខ័នរាជស្វាយរៀងនាំចូលប្រយុទ្ធថ្មី Caetano ត្រៀមពានអាស៊ី
កម្លាំងនាយកដ្ឋានព្រហ្មទណ្ឌ បំបែកសំណុំរឿងឃាតកម្មនៅស្រុកឈូក ខេត្តកំពត
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៧ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត