ព័ត៌មានជាតិ

កម្ពុជាប្រកាសគាំទ្រការស្វែងរកប្រភពដើម នៃមេរោគកូវីដ-១៩ បែបវិទ្យាសាស្ត្រ

បានផុស

៣ years មុន

នៅ

ថ្ងៃសៅរ៍ ២៨ សីហា ២០២១

ដោយ

ប្រទេសកម្ពុជា តាមរយៈក្រសួងសុខាភិបាលបានប្រកាសគាំទ្រការស្វែងរកប្រភពដើម នៃមេរោគកូវីដ-១៩ បែបវិទ្យាសាស្ត្រ និងប្រឆាំងដាច់ខាត ចំពោះការប្រើប្រាស់ឧបាយកលនយោបាយលើលទ្ធផលវិទ្យាសាស្ត ហើយដាក់បន្ទុកដល់អ្នកដទៃ ដោយគ្មានភស្តុតាងច្បាស់លាស់នេះបើតាមសេចក្តីប្រកាសព័ត៌មានរបស់ក្រសួងសុខាភិបាល នៅរសៀលថ្ងៃទី២៨ ខែសីហា ឆ្នាំ២០២១នេះ។

ក្រសួងសុខាភិបាលបានបញ្ជាក់យ៉ាងដូច្នេះថា “ការងារស្រាវជ្រាវរកប្រភពរបស់ មេរោគកូវីដ-១៩ គឺជាការងារវិទ្យាសាស្ត្រសុទ្ធសាធ។ កម្ពុជាគាំទ្រក្នុងការស្វែងរកប្រភពនៃមេរោគនេះ តាម បែបវិទ្យាសាស្ត្រ និងប្រឆាំងដាច់ខាតចំពោះការប្រើប្រាស់ឧបាយកលនយោបាយ លើលទ្ធផលវិទ្យាសាស្ត្រ (political manipulation) និងការដាក់បន្ទុកដល់អ្នកដ៏ទៃ ដោយគ្មានភស្តុតាងវិទ្យាសាស្ត្រច្បាស់លាស់”។

គួររំលឹកថា រហូតមកដល់ពេលនេះ ការស្វែងរកប្រភពដើមជំងឺវីរុសកូវីដ១៩ ត្រូវបានលោក Wang Wenbin អ្នកនាំពាក្យក្រសួងការបរទេសចិន បានបញ្ជាក់ពីគោលជំហររបស់ភាគីចិន លើបញ្ហាស្វែងរកប្រភពដើម នៃជំងឺវីរុសនេះ ដោយលោកបានសង្កត់ធ្ងន់ថា គោលជំហររបស់ចិនលើបញ្ហាស្វែងរកប្រភពដើម ននៃជំងឺវីរុសជាសកល គឺមានលក្ខណៈច្បាស់លាស់ និងមិនប្រែប្រួល គឺចិនគាំទ្រ ការស្វែងរកប្រភពដើមជំងឺវីរុសជាបញ្ហាវិទ្យាសាស្ត្រ៕

ដោយ ៖ កោះកែវ