ព័ត៌មានជាតិ

ករុណា ពេជ្រ ថា ជីវិតខ្លួនប្រៀបដូចទៅនឹងរឿងភាគឥណ្ឌា

បានផុស

៣ years មុន

នៅ

ថ្ងៃអាទិត្យ ២៩ សីហា ២០២១

ដោយ

តារាប្រុស ករុណា ពេជ្រ រឿងរ៉ាវជីវិតរបស់គាត់មួយរយៈចុងក្រោយនេះ បានជួបនូវបញ្ហាស្មុគស្មាញជាច្រើនស្ទើររាប់មិនអស់ ខណៈបច្ចុប្បន្នលោកកំពុងឱបទុក្ខ ព្រោះលោកឪពុក និងអ្នកម្តាយ សុទ្ធតែធ្លាក់ខ្លួនឈឺ។

តារាចម្រៀងរូបនេះ បានជួបរឿងក្រៀមក្រំរយៈពេលជាង ៣ ឆ្នាំមកហើយ ព្រោះតែ...

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះ ដោយសារហេតុផលទាំងនេះហើយ ទើបតារាចម្រៀង លោក ករុណា ពេជ្រ តែងបញ្ចេញអារម្មណ៍មិនសប្បាយចិត្តពេលនឹកឃើញជីវិតដ៏កម្សត់បែបនេះ។

តារាចម្រៀងរូបនេះ សព្វថ្ងៃក៏ត្រូវបានគេដឹងថា លោកកំពុងមានតួនាទីមើលថែឪពុកដែលធ្លាក់ខ្លួនឈឺច្រើនឆ្នាំមកហើយ។

ឆ្លងកាត់រឿងរ៉ាវដ៏លំបាកទាំងនេះ លោក ករុណា ពេជ្រ សុខៗក៏ស្រាប់តែរៀបរាប់ពីខ្សែជីវិតរបស់ខ្លួនដោយប្រៀបបានទៅនឹងរឿងភាគឥណ្ឌា មានគ្រប់រសជាតិ មិនដឹងពេលណាចប់។

លោក ករុណា ពេជ្រ និយាយថា “ឆាកជីវិតខ្ញុំ ខុសពីឆាកតន្ត្រី ហើយក៏មិនដូចឆាកល្ខោន ប៉ុន្តែវែងប្រៀបបានដូចភាគឥណ្ឌា បញ្ចាំង ១០ ឆ្នាំ មិនដឹងចប់ ឬអត់ មានគ្រប់រសជាតិ”។

គួរបញ្ជាក់ដែរថា តារាចម្រៀង លោក ករុណា ពេជ្រ បានជួបរឿងក្រៀមក្រំរយៈពេលជាង ៣ ឆ្នាំមកហើយ ព្រោះតែឪពុកលោកនៅស្រុកមានជំងឺលើសឈាម និងដាច់សរសៃក្នុងខួរក្បាល បណ្ដាលឲ្យគាត់ក្លាយទៅជាមនុស្សរុក្ខជាតិ ហើយលោកក៏បានចំណាយថវិកាព្យាបាលអស់ដល់ទៅជាង ២០ ម៉ឺនដុល្លារទៀតផង៕

អត្ថបទ ៖ ចាន់រ៉ា