ព័ត៌មានជាតិ

ហ៊ិន ច័ន្ទនីរ័ត្ន រំភើបរហូតស្រក់ទឹកភ្នែក ក្រោយទទួលពានរង្វាន់ «Hall of fame»

បានផុស

៤ years មុន

នៅ

ថ្ងៃអាទិត្យ ២៩ សីហា ២០២១

ដោយ

ពិធីការិនីរូបស្រស់សោភា កញ្ញា ហ៊ិន ច័ន្ទនីរ័ត្ន បានបង្ហាញអារម្មណ៍សប្បាយចិត្ត រំភើបខ្លាំង ក្រោយពេលជោគជ័យ និងទទួលពានរង្វាន់ «Hall of fame» នៅក្នុងវិធី Freshie Cambodia នាវគ្គផ្ដាច់ព្រ័ត្រជំនាន់ទី ២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នា នៃការទទួលបានពានរង្វាន់នេះដែរ គេឃើញពិធីការិនី កញ្ញា ហ៊ិន ច័ន្ទនីរ័ត្ន បានសម្ដែងពីការរំភើបបែបនេះថា «អារម្មណ៍មួយដែលរំភើប និងធ្វើឲ្យនឹកឃើញអតីតកាល មកដល់ពេលនេះបើនិយាយពីបទពិសោធន៍គឺច្រើនគួរសម»។

ហ៊ិន ច័ន្ទនីរ័ត្ន បន្តទៀតថា ពានរង្វាន់ Hall of fame មួយនេះគឺបានពីការគាំទ្ររបស់ Fan គ្រប់រូបដែលស្រឡាញ់ និងចូលចិត្តនាងខ្ញុំ។ អរគុណដែលបានផ្តល់ក្តីស្រឡាញ់មួយនេះ នាងខ្ញុំនឹងចងចាំទុកជារៀងរហូត។ អរគុណ Freshie Cambodia ដែលបានផ្តល់កិត្តិយសក្នុងកម្មវិធីនេះសាជាថ្មី Love you so much all my fan។

នេះពិតជាសក្ដិសមនឹងកិត្តិយសហើយការខិតខំរបស់ ហ៊ិន ច័ន្ទនីរ័ត្ន ខណៈពានរង្វាន់នេះគឺជាការឲ្យតម្លៃលើភាពតស៊ូ ភាពជាគំរូ និង កេរ្តិ៍ឈ្មោះល្បីល្បាញដែលរក្សាបានភាពស្អាតស្អំ ពិសេសការថែរក្សារូបសម្រស់ឲ្យនៅក្មេងវ័យ និងពុំដែលជួបប្រទះនូវរឿងរ៉ាវអាស្រូវណាមួយក្នុងជីវិតសិល្បៈឡើយ៕

អត្ថបទ ៖ ចាន់រ៉ា