ព័ត៌មានជាតិ

ឃាត់ខ្លួនជនសង្ស័យប្រុសស្រី៥នាក់ពាក់ព័ន្ធគ្រឿងញៀន

បានផុស

៣ years មុន

នៅ

ថ្ងៃចន្ទ ៣០ សីហា ២០២១

ដោយ

Sokhom Khon

ជនសង្ស័យប្រុសស្រីចំនួន០៥នាក់ ត្រូវបានកម្លាំងនគរបាលខណ្ឌបឹងកេងកង ចុះបង្ក្រាបខណៈកំពុងប្រមូលផ្តុំគ្នាប្រើប្រាស់គ្រឿងញៀន។

កាលពីវេលាម៉ោង០៣និង៣០នាទី ទាបភ្លឺថ្ងៃ៣០ខែសីហា ឆ្នាំ២០២១កម្លាំងអធិការដ្ឋាននគរបាលខណ្ឌបឹងកេងកងបានចុះបង្ក្រាបករណីរក្សារទុក ផ្តល់ទីតាំង និងប្រើប្រាស់ដោយខុសច្បាប់នូវសារធាតុញៀនត្រង់ចំណុចផ្ទះលេខ93B ក្រុម33 ភូមិ06 សង្កាត់បឹងកេងកងទី03 ខណ្ឌបឹងកេងកង រាជធានីភ្នំពេញ ដោយបានធ្វើការឃាត់ខ្លួនជនសង្ស័យចំនួន05នាក់ ស្រី01នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថាជនសង្ស័យទី1. ឈ្មោះ សួស សំរិទ្ធ ភេទប្រុស អាយុ28ឆ្នាំ (ផ្តល់ទីតាំង)។ ទី2. ឈ្មោះ សួន រក្សា ភេទប្រុស អាយុ25ឆ្នាំ (រក្សារទុក )ទី3. ឈ្មោះ សុផល សម្បត្តិ ភេទប្រុសអាយុ30ឆ្នាំ (ប្រើប្រាស់) ទី4ឈ្មោះ ហុង ណូឡែន ភេទប្រុស អាយុ27ឆ្នាំ (ប្រើប្រាស់) និង5.ឈ្មោះ វ៉ាន់ ស្រីនា ភេទស្រី អាយុ29ឆ្នាំ (ប្រើប្រាស់) ។

ក្រោយឃាត់ខ្លួនសមត្ថកិច្ចបានដកហូតវត្ថុតាងមួយចំនួនមាន ម្សៅសថ្លា សង្ស័យជាគ្រឿងញៀន០១កញ្ចប់បំពង់ទុយោសម្រាប់ប្រើប្រាស់គ្រឿងញៀនចំនួន02 និងដបទឹកថ្នាំសង្ស័យជាគ្រឿងញៀនចំនួនមួយដប។

បច្ចុប្បន្នជនសង្ស័យទាំង០៥នាក់ខាងលើឃាត់ខ្លួននៅអធិការដើម្បីសាកសួរនិងស្រាវជ្រាវបន្តចាត់ការតាមនិតិវិធីច្បាប់៕

អត្ថបទ៖ រស្មី