ព័ត៌មានជាតិ

តួលេខ ៤ ខេត្ត កំពុងផ្ទុះឆ្លងកូវីដ ខ្ពស់ រាលដាលដល់តំបន់ឦសាន

បានផុស

៤ years មុន

នៅ

ថ្ងៃអង្គារ ៣១ សីហា ២០២១

ដោយ

តាមបណ្តាខេត្ត ករណីឆ្លងថ្មីនៅតែមានអត្រាមួួយខ្ពស់ ហើយខេត្តចំនួន ៤ បាននាំមុខគេលើតួលេខអ្នកឆ្លងថ្មី។ បន្ទាយមានជ័យជាខេត្តដែលរងគ្រោះធ្ងន់ជាងគេ ខណៈខេត្តជាយដែនថៃនេះនៅតែនាំមុខគេលើតួលេខអ្នកឆ្លងសរុប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរខេត្តបន្ទាយមានជ័យបានរាយការណ៍មានអ្នកឆ្លងថ្មី ១០៨ នាក់ទៀត ក្នុងរយៈពេល ២៤។ លំហូរនៃពលករមកពីថៃរាប់រយនាក់ជារៀងរាល់ថ្ងៃជាក្តីបារម្ភ ខណៈខេត្តមួយនេះជាតំបន់ឆ្លងកាត់នៃពលរដ្ឋមកពីគ្រប់ទិសទីក្នុងការធ្វើដំណើរចេញចូលទៅប្រទេសថៃ។

ខេត្តសៀមរាបជាខេត្តទេសចរណ៍ដ៏ធំ ស្ថានការការឆ្លងរាលដាលមិនទាន់ធូរស្រាល ដោយអាជ្ញាធរប្រកាសមានអ្នកឆ្លងថ្មី ៧៤ នាក់កាលពីម្សិលមិញ។ ដោយឡែកខេត្តត្បូងឃ្មុំដែលមានប្រជាជនជិត ១ លាននាក់ ការឆ្លងក្នុងសហគមន៍នៅតែធ្ងន់ធ្ងរនៅឡើយ។ តាមរបាយការណ៍ខេត្ត មានអ្នកឆ្លងថ្មី ៨៣ នាក់ជាតួលេខខ្ពស់ទី ៣ បន្ទាប់ពីខេត្តបន្ទាយមានជ័យ និងសៀមរាប។

នៅតំបន់ឦសានវិញ ខេត្តមណ្ឌលគិរី នៅរយៈពេល ២៤ ម៉ោង អាជ្ញាធរក៏បានរាយការករណីរកឃើញអ្នកឆ្លងថ្មី ៤៧ នាក់ ជាតួលេខខ្ពស់បំផុតសម្រាប់បណ្តាខេត្តនៅក្នុងតំបន់។

ខាងក្រោមជាតួលេខខេត្តទាំង ១៧ ដែលបានរាយការណ៍ករណីឆ្លងថ្មីក្នុងរយៈពេល ២៤ ម៉ោងនេះ៖

១/ខេត្តកោះកុង (១២ នាក់)

២/ខេត្តសៀមរាប (៧៤ នាក់)

៣/ខេត្តកំពង់ចាម (៤៥ នាក់)

៤/ខេត្តបន្ទាយមានជ័យ (១០៨ នាក់)

៥/ខេត្តកំពង់ធំ (២៩ នាក់)

៦/ខេត្តព្រៃវែង (១៩ នាក់)

៧/ខេត្តឧត្តរមានជ័យ (៣៧ នាក់)

៨/ខេត្តបាត់ដំបង (២៥ នាក់)

៩/ខេត្តប៉ៃលិន ( ១៧ នាក់)

១០/ខេត្តស្វាយរៀង (១១ នាក់)