ព័ត៌មានជាតិ

ឃាត់ខ្លួន បុរសវ័យ៦៤ឆ្នាំម្នាក់ ករណីគ្រឿងញៀន នៅខេត្តបាត់ដំបង

បានផុស

៤ years មុន

នៅ

ថ្ងៃអង្គារ ៣១ សីហា ២០២១

ដោយ

សមត្ថកិច្ចបានឃាត់ខ្លួនបុរសម្នាក់ ក្រោមការចង្អុលបង្ហាញរបស់លោកវរសេនីយ៍ឯក ពេជ្រ សារ៉ែន ករណីរក្សាទុកដោយខុសច្បាប់នូវសារធាតុញៀន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែង នៅថ្ងៃទី៣១ ខែសីហា ឆ្នាំ២០២១ វេលាម៉ោង ១១ និង ១០នាទី នៅចំណុចក្រុមទី៥ ភូមិអណ្តូងចេញ សង្កាត់អូរចារ ក្រុងបាត់ដំបង ខេត្តបាត់ដំបង កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងបាត់ដំបង បានចុះប្រតិបត្តិការបង្ក្រាបករណី រក្សាទុកដោយខុសច្បាប់នូវសារធាតុញៀន ០១ ករណី ក្នុងបទល្មើសជាក់ស្តែង ក្រោមបញ្ជាផ្ទាល់ពីលោកវរសេនីយ៍ឯក ពេជ្រ សារ៉ែន ដោយបានឃាត់ខ្លួនជនសង្ស័យម្នាក់ ឈ្មោះ ស៊ី សំប៊ុន ហៅ ឌុង ភេទប្រុស អាយុ៦៤ឆ្នាំ មានទីលំនៅក្រុមទី៥ ភូមិអណ្តូងចេញ សង្កាត់អូរចារ ក្រុងបាត់ដំបង ខេត្តបាត់ដំបង ។

នៅក្នុងកិច្ចប្រតិបត្តិការនេះ សមត្ថកិច្ចបានដកហូត វត្ថុតាងមួយចំនួនរួមមាន ថ្នាំញៀនប្រភេទម៉ាទឹកកក៨ថង់ ទម្ងន់ ៨,៨៤ក្រាម ទូរសព្ទដៃចំនួន ១ គ្រឿង កូនជញ្ជីងសម្រាប់ថ្លឹងថ្នាំញៀនលក់ចំនួន ២ និង សម្ភារៈសម្រាប់ច្រករំលែកថ្នាំញៀនលក់មួយចំនួន ដោយបច្ចុប្បន្នជនសង្ស័យ ត្រូវបានកម្លាំងជំនាញរៀបចំកសាងសំណុំរឿង ដើម្បីបញ្ជូនតាមផ្លូវច្បាប់៕

អត្ថបទ៖ សោ និយមរ័ត្ន

Related Topics:ខេត្តបាត់ដំបង