ព័ត៌មានជាតិ

អង្គភាពប្រឆាំងអំពើពុករលួយសម្រេចបើកការស៊ើបអង្កេតជុំវិញភាពមិនប្រក្រតីនៅរណ្តៅដីក្នុងបឹងតាកែវ

បានផុស

៤ years មុន

នៅ

ថ្ងៃពុធ ១ កញ្ញា ២០២១

ដោយ

អ្នកនាំពាក្យអង្គភាពប្រឆាំងអំពើពុករលួយ(អ.ប.ព.) ហៅកាត់ថា ACU នៅថ្ងៃទី៣១ ខែសីហា ឆ្នាំ២០២១ បានចេញសេចក្ដីប្រកាសព័ត៌មានពាក់ព័ន្ធពាក្យប្ដឹងអនាមិកករណីភាពមិនប្រក្រតីដែលកើតមានក្នុងបរិវេណអាងទឹកតាកែវ ក្នុងក្រុងដូនកែវ ខេត្តតាកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីប្រកាសព័ត៌មានលើផេកផ្លូវការរបស់អង្គភាពប្រឆាំងអំពើពុករលួយគឺបញ្ជាក់ថា ក្រោយពីបានទទួលពាក្យបណ្ដឹងអនាមិកជាបន្តបន្ទាប់ ពាក់ព័ន្ធករណីជីកយកអាចម៍ដីលុបដីបំពេញសាងសង់សំណង់រឹងមាំ និងការទិញលក់ដីធ្លីក្នុងបរិវេណនៃអាងទឹកតាកែវក្នុងក្រុងដូនកែវ ខេត្តតាកែវរួចមក ក្រុមការងារACU បានចុះស្រាវជ្រាវដល់ទីតាំងជាក់ស្តែងហើយពិនិត្យឃើញថា បាតុភាពដែលពាក្យប្តឹងបានលើកឡើងអាចជាទំនាស់ ឬជាកំហុសលើករណីផ្សេងក្រៅពីសមត្ថកិច្ចរបស់ACU ដូចជា៖

* ការជីកយកអាចម៍ដីពីផ្ទៃបាតបឹង។

* ការចាក់ដីលុបផ្ទៃអាងទឹក។

* ការសាងសង់សំណង់ក្នុងបរិវេណអាងទឹក។

* ព្រមទាំងមានការទិញលក់ដីធ្លីក្នុងបរិវេណអាងទឹកដោយមានការបញ្ជាក់ទទួលស្គាល់ពីអាជ្ញាធរមូលដ្ឋានទៀតផង។

ផ្អែកតាមលទ្ធផលខាងលើនេះ ACU បានស្នើដល់អាជ្ញាធរខេត្តតាកែវត្រូវមានវិធានការទប់ស្កាត់ជាបន្ទាន់ចំពោះបុគ្គលដែលពាក់ព័ន្ធនឹងករណីខាងលើ ដើម្បីធានាដល់និរន្តភាពនៃការប្រើប្រាស់អាងទឹកតាកែវនេះ។

អង្គភាពប្រឆាំងអំពើពុករលួយបន្តតាមដានករណីនេះ និងមានវិធានការតាមផ្លូវច្បាប់បន្តបន្ទាប់ទៀតតាមសភាពការវិវដ្ដជាក់ស្តែង៕

អត្ថបទ៖ វីរ: