ព័ត៌មានជាតិ

អាជ្ញាធរជាតិអប្សរា ថែទាំ និងលើកតម្លៃសោភ័ណភាព ប្រាសាទឥដ្ឋជុំវិញប្រាសាទបាគង

បានផុស

៣ years មុន

នៅ

ថ្ងៃព្រហស្បតិ៍ ២ កញ្ញា ២០២១

ដោយ

ប្រាសាទតូចៗជុំវិញ ប្រាសាទបាគង ត្រូវបានអាជ្ញាធរជាតិអប្សរា ថែទាំ និងលើកតម្លៃសោភ័ណភាព ដើម្បីរក្សាទម្រង់ដើមនៃប្រាសាទទាំងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យអាជ្ញាធរជាតិអប្សរា លោក ឡុង កុសល បានប្រាប់ឲ្យដឹងនៅរសៀលនេះថា នៅឧទ្យានរលួសនៃរមណីយដ្ឋានអង្គរ មានប្រាសាទមួយចំនួនដូចជា ប្រាសាទបាគង ប្រាសាទលលៃ ប្រាសាទព្រះគោ។ល។ ដែលភ្ញៀវទេសចរបានស្គាល់ ក៏ប៉ុន្តែនៅជុំវិញប្រាសាទបាគង ក៏មានប្រាសាទឥដ្ឋតូចៗចំនួន២៤ ដែលខ្លះនៅរក្សារូបរាង ខ្លះទៀតខូចខាតនៅសល់តែគ្រឹះ។

អ្នកនាំពាក្យអាជ្ញាធរជាតិអប្សរា រូបនេះបានបញ្ជាក់ទៀតថា បច្ចុប្បន្ននេះ ប្រាសាទទាំងនោះ ត្រូវបានអាជ្ញាធរជាតិអប្សរា កំពុងរៀបចំសម្អាតឱ្យមានសោភ័ណភាពឡើងវិញ។ ក្នុងនោះក្រុមការងារកំពុងកាត់ស្មៅ សម្អាតមែកឈើ ប្រមូលសំរាម និងរៀបចំសម្រួលផ្លូវដើរឱ្យបានស្រួល រួមទាំងដាំរុក្ខជាតិផ្សេងៗជាដើម៕