តារាពហុជំនាញ ខាត់ សុឃីម ទម្លាយមូលហេតុលង់ខ្លួនខាតលុយ ជិត ១ លានដុល្លារ

ភ្នំពេញ៖ តារាចម្រៀងពហុជំនាញអ្នកនាង ខាត់ សុឃីម ទើបតែពេលនេះហ៊ានដាច់ចិត្ត​ទម្លាយរឿងអាថ៌កំបាំង ក្រោយលង់ខ្លួនចាញ់បោក​គេ​អស់​លុយប្រមាណជិត១លានដុល្លារ។

អ្នកនាង ខាត់ សុឃីម បានបញ្ជាក់ដំណើរដើមទង ដែលធ្វើឲ្យអ្នក​នាងចាញ់បោកគេអស់លុយរហូតដល់ទៅជិត១ លានដុល្លារ កើតចេញពីទំនុកចិត្តដោយគិតថាគេស្មោះ។ នេះជាបទពិសោធន៍សម្រាប់អ្នកនាង ក៏ដូចជាមេរៀន​ថ្ងៃក្រោយ​កុំ​ជឿទុកចិត្ត​គេ​លឿនពេក។

អ្នកនាង ខាត់ សុឃីម បន្ថែមថា នេះក៏កើតចេញពីការលោភលន់ក៏បានដែរ ខណ:ដែលការទុកចិត្តគេក៏មានច្រើន។ ហេតុដូចនេះគ្មានអ្វីក្រៅពីការខិតខំប្រឹងប្រែង ដែលកើតចេញពីកម្លាំងញើសឈាម​ខ្លួន​ឯងឡើយ​។

តារាស្រីអ្នកនាង ខាត់ សុឃីម បានបន្តថា រហូតមកទល់ពេលនេះលុយដែលចាញ់​បោកគេជិត១ លានដុល្លារ មិនអាចទារយកមកវិញបានទេ។ ដូច្នេះអ្នកនាងគិតលែងចង់បានលុយនឹងទៀតហើយ ហើយក៏ឈប់គិតដល់រឿងនេះដែរពោលគឺរំសាយចិត្តតែម្តង៕

អត្ថបទ៖ ចាន់រ៉ា