ព័ត៌មានជាតិ

ខឹងសុំលុយម្ដាយមិនបានអារ.ក សម្លាប់ខ្លួនក្នុងបន្ទប់ជួល

បានផុស

៤ years មុន

នៅ

ថ្ងៃព្រហស្បតិ៍ ២ កញ្ញា ២០២១

ដោយ

ហេតុការណ៍ភ្ញាក់ផ្អើលមួយបន្ទាប់ពីប្រជាពលរដ្ឋបានប្រទះឃើញបុរសម្នាក់ដេកស្លាប់ក្នុងបន្ទប់ជួលទាំងស្ថានភាពអារ.ក សង្ស័យតូចចិត្តសុំលុយម្តាយជក់ថ្នាំញៀនមិនបាន។

ហេតុការណ៍នេះបង្កការភ្ញាក់ផ្អើលនៅវេលាម៉ោង១១និង៥០នាទីព្រឹក ថ្ងៃទី២ ខែកញ្ញា ឆ្នាំ២០២១ ដែលស្ថិតនៅក្នុងភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះមានឈ្មោះ ពុធ ហេង ហៅអាហើម អាយុ២៥ឆ្នាំ មុខរបរមិនពិតប្រាកដ ស្រុកកំណើតនៅស្រុកស្វាយអន្ទរ ខេត្តព្រៃវែង បច្ចុប្បន្នស្នាក់នៅបន្ទប់ជួលកន្លែងកើតហេតុ។

តាមប្រភពព័ត៌មានពីម្តាយជនរងគ្រោះឈ្មោះ មុំ សុងមាន អាយុ៥៣ឆ្នាំបានប្រាប់ឲ្យដឹងថា កូនរបស់គាត់ជាមនុស្សសេពគ្រឿងញៀន ហើយបច្ចុប្បន្នគាត់និងកូនរបស់គាត់ស្នាក់នៅបន្ទប់ផ្សេងគ្នាតែនៅក្បែរៗគ្នាទេ ។

ជារៀងរាល់ថ្ងៃកូនរបស់គាត់តែងតែសុំលុយគាត់២ម៉ឺនទៅ៣ម៉ឺនរៀល ដើម្បីទិញថ្នាំជក់ ព្រោះកូនរបស់គាត់មិនមានការងារធ្វើនោះទេ លុះពេលព្រឹកថ្ងៃកើតហេតុកូនរបស់គាត់បានសុំលុយគាត់ដូចធម្មតា ពេលនោះគាត់បានប្រាប់ទៅកូនគាត់ថា គ្មានលុយរាយនោះទេ ហើយរូបគាត់ក៏បានចេញទៅលក់ដូរដូចធម្មតា។ រហូតមកដល់ពេលម៉ោងកើតហេតុក៏មានប្រជាពលរដ្ឋបានប្រាប់គាត់ថា កូនរបស់គាត់បានអារ ក សម្លាប់ខ្លួនឯងក្នុងបន្ទប់ជួលស្លាប់បាត់ទៅហើយ ភ្លាមៗនោះគាត់ក៏បានមកដល់ និងបានរាយការណ៍ទៅសមត្ថកិច្ចមូលដ្ឋានដើម្បីចុះមកដល់ចំណុចទីតាំងកើតហេតុ។

សមត្ថកិច្ចមូលដ្ឋានបានចុះធ្វើការហ៊ុមព័ទ្ធនៅចំណុចកើតហេតុ និងបានទំនាក់ទំនងទៅសមត្ថកិច្ចជំនាញកោសល្យវិច័យនៃស្នងការដ្ឋាននគរបាលរាជធានីភ្នំពេញ និងក្រុមគ្រូពេទ្យជំនាញពិនិត្យសំណាករបស់ក្រសួងសុខាភិបាល រាជធានីភ្នំពេញ ដើម្បីចុះពិនិត្យសំណាករកមេរោគកូវីដ-១៩និងធ្វើកំណត់ហេតុប្រគល់សពឲ្យសាច់ញាតិយកទៅធ្វើបុណ្យតាមប្រពៃណី៕

អត្ថបទ៖ សុខា

Related Topics:អត្តឃាត