សមត្ថកិច្ចបញ្ជាក់ថានារី៣នាក់ស្លាប់ដោយសារពុលស្រា

នារីវ័យក្មេងចំនួន៣នាក់ បានស្លាប់ជាបន្តបន្ទាប់ក្រោយនាំគ្នា ទិញយកមកក្រឡុកចែកគ្នាផឹកស៉ី ក្នុងបបន្ទប់ជាន់ទី៣ រួចនារីម្នាក់បានធ្វើដំណើរទៅខេត្ត ព្រៃវែង ក៏ស្លាប់នៅឯខេត្ត។ ចំណែកនារី២នាក់ទៀតក៏ពុលស្លាប់នៅបន្ទប់ជួលតែម្តង។

ហេតុការណ៍នេះបង្កការភ្ញាក់ផ្អើលកាលពីវេលាម៉ោង២រសៀល ថ្ងៃទី០២ ខែកញ្ញា ឆ្នាំ២០២១ ស្ថិតនៅបន្ទប់ជួលជិតផ្សារអ៉ីនអន ស្ថិតនៅសង្កាត់ទន្លេបាសាក់ ខណ្ឌចំកាមន។

ប្រភពព័ត៌មានបានឲ្យដឹងថា នៅមុនពេលកើតហេតុនារីវ័យក្មេងៗ អាយុ ១៨ ទៅ២០ឆ្នាំជាង ចំនួន៣នាក់បាននាំគ្នាទិញស្រា យកមកក្រឡុកផឹកស៉ីជុំគ្នាក្នុងបន្ទុប នៅយប់ថ្ងៃទី០១ ខែកញ្ញា ឆ្នាំ២០២១ លុះដល់ព្រឹកថ្ងៃទី០២ ខែកញ្ញា នារីម្នាក់ក្នុងចំណោមអ្នកផឹកជុំគ្នា បានធ្វើដំណើរចេញពីបន្ទុបជួលនៅកន្លែងកើតហេតុទៅស្រុកកំណើត នៅអ្នកលឿង ខេត្តព្រៃវែង ខណៈទៅស្រុកកំណើតមិនបានប៉ុន្មានម៉ោងផងនោះ ចេះតែពិបាកក្នុងខ្លួន ក៏បានប្រាប់អ្នកផ្ទះថាខ្លួនបានផឹកស្រាក្រឡុក រួចបានស្លាប់តែម្ដង។

ប្រភពព័ត៌មានបន្តថាក្រោយពេលឃើញនារីម្នាក់បានស្លាប់ហើយនោះក៏សាច់ញាតិបានទាក់ទងមកនារី២នាក់ទៀតដែលនៅភ្នំពេញ ថានារីម្នាក់ដែលផឹកជុំគ្នារួចទៅខេត្តនោះស្លាប់ អ្នកទាំង២នាក់(ជនរងគ្រោះនៅបន្ទប់ ជួល) ក៏បានប្រាប់ថាខ្លួនក៏ពិបាកក្នុងខ្លួនណាស់ដែរនៅក្នុងបន្ទុប។

លុះរហូតដល់វេលាម៉ោងជាង១១ថ្ងៃត្រង់អ្នកនៅខេត្តព្រៃបានធ្វើការទាក់ទងមកបន្តទៀតស្រាប់តែទូរស័ព្ទលែងមានអ្នកទទួល ដោយមានការសង្ស័យ សាច់ញាតិអ្នកទាំង២ក៏បានឡើងមកភ្នំពេញដល់បន្ទុបជួលក៏បើកទ្វារឃើញដេកស្លាប់ទាំង២នាក់តែម្ដង។

ពាក់ព័ន្ធនឹងហេតុការណ៍នារី ៣នាក់បានស្លាប់បន្តបន្ទាប់នោះដែរកម្លាំងជំនាញបានបញ្ជាក់យ៉ាងច្បាស់ថានារីរងគ្រោះបានទិញស្រាសុប្បកម្ម(ស្រាទំពាំងបាយជូរ)ដោយទិញចំនួន ១២ដបយកមកលាយផឹកអស់ ១១ដប បណ្ដាលឲ្យពុលគាំងបេះដូងស្លាប់ស្លាប់ព្រោះស្រានោះមានមេតាណុលខ្ពស់។

ក្រោយពីតេះសំណាករកជំងឺកូវីដបញ្ជាក់ថាជនរងគ្រោះមិនពាក់ព័ន្ធនឹងជំងឺកូវីដនោះក៏បានប្រគល់សពទៅឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី៕

អត្ថបទៈ រស្មី