ព័ត៌មានជាតិ

យុទ្ធនាការចាក់វ៉ាក់សាំងការពារជំងឺកូវីដ-១៩ បានកើនឡើងជិត១១លាននាក់នៅទូទាំងប្រទេស

បានផុស

៣ years មុន

នៅ

ថ្ងៃសុក្រ ៣ កញ្ញា ២០២១

ដោយ

រហូតមកដល់ថ្ងៃទី០២ ខែកញ្ញា ឆ្នាំ២០២១នេះ យុទ្ធនាការការពារជំងឺកូវីដ១៩ចាប់ពីអាយុ១២ឆ្នាំឡើងបានកើនឡើងជិត១១លាននាក់ហើយ នៅទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមគណៈកម្មការចំពោះកិច្ចចាក់វ៉ាក់សាំងកូវីដ១៩ក្នុងក្របខណ្ឌទូទាំងប្រទេសបានឱ្យដឹងថាគិតត្រឹមថ្ងៃទី២ ខែកញ្ញានេះ មានប្រជាពលរដ្ឋប្រមាណជិត១១លាននាក់ ទទួលបានការចាក់វ៉ាក់សាំងការពារជំងឺកូវីដ១៩ ស្មើនឹង៦៨.៦១ភាគរយ ធៀបនឹងគោលដៅ១៦លាននាក់ ក្នុងនោះមានក្រុមមនុស្សដែលមានអាយុចាប់ពី១៨ឆ្នាំឡើងទៅ ដែលបានចាក់នៅថ្ងៃទី១០ខែកុម្ភៈ ឆ្នាំ២០២១ មានចំនួន៩,៣៧៧,២៥៨នាក់ ស្មើនឹង៩៣.៧៧ភាគរយ ធៀបនឹងគោលដៅ១០លាននាក់ និងក្រុម មនុស្សចាប់ពីអាយុ១២ឆ្នាំដល់១៧ឆ្នាំ ដែលបានចាក់នៅថ្ងៃទី១ ខែសីហាកន្លងទៅនេះ ចំនួន១,៦៨០,៧៩៨នាក់ស្មើនឹង៨១.៣៩ភាគរយ ធៀបនឹងគោលដៅជិត២លាននាក់។

របាយការណ៍បានបន្តទៀតថា ក្នុងនោះដែរក៏មានអ្នកចាក់វ៉ាក់សាំងដូសទី២បានចំនួន៨៦៦៦៣២១នាក់ និងអ្នកចាក់វ៉ាក់សាំងដូសទី៣បានចំនួន៦៣៣០៩៧នាក់។

តាមផែនការរាជរដ្ឋាភិបាលគ្រោងនឹងចាក់វ៉ាក់សាំងជូនប្រជាពលរដ្ឋឱ្យរួចរាល់នៅចុងឆ្នាំ២០២១ខាងមុខនេះ ដើម្បីផ្តល់ភាពស៊ាំនៅក្នុងសហគមន៍ទប់ស្កាត់ការឆ្លងរាលដាលជំងឺកូវីដ១៩ទ្រង់ទ្រាយធំនៅក្នុងសហគមន៍។

គួរបញ្ជាក់ថា ពលរដ្ឋកម្ពុជាទទួលបានវ៉ាក់សាំងការពារជំងឺកូវីដ១៩មានចំនួន៤ប្រភេទរួមមានទី១ វ៉ាក់សាំងស៊ីណូវ៉ាក់ ទី២ វ៉ាក់សាំងស៊ីណូហ្វាម ទី៣វ៉ាក់សាំង អាស្ត្រាហ្សេនីកា និងទី៤វ៉ាក់វ៉ាក់សាំងចនសាន់ចនសាន់៕

អត្ថបទ៖ សំអឿន