ក្មេង​ប្រុស​បងប្អូន​បង្កើត​ពីរនាក់​ស្លាប់​ក្នុង​ថ្ងៃ​តែមួយ ដោយ​សារ​ឪពុកម្តាយ​ធ្វេសប្រហែស

ខេត្តបាត់ដំបង÷ គ្រួសារ១មានកូនប្រុសពីរនាក់ ម្នាក់​ទើបតែមានអាយុ៧ឆ្នាំ និងម្នាក់ទៀតអាយុ៥ឆ្នាំបាន​ស្លាប់ ខណះអ្នកជិតខាងដាក់សម្ពាធដល់ឪពុកម្តាយក្មេងរងគ្រោះទាំង២នាក់មកពី​ការធ្វេសប្រហែស។

ហេតុការណ៍​កើតឡើងនៅថ្ងៃទី០២ខែកញ្ញាឆ្នាំ២០២១នៅវេលាម៉ោង៣:៣០នាទីរសៀល ស្ថិតនៅចំណុចក្រុម​ទី​១០ ភូមិបឹងរាំង សង្កាត់អូរម៉ាល់ក្រុងបាត់ដំបងខេត្តបាត់ដំបង។

ក្មេងរងគ្រោះទាំង២នាក់មានឈ្មោះបូ ប៊ុនភេទប្រុសអាយុ០៧ឆ្នាំ និងម្នាក់ទៀតឈ្មោះបូ បិណ ភេទប្រុសអាយុ០៥ឆ្នាំ មានទីលំនៅត្រង់កន្លែងកើតហេតុខាងលើដែលត្រូវជាបងប្អូនបង្កើតជាមួយគ្នា។

សមត្ថកិច្ច​បាន​ឲ្យ​ដឹងថា ករណីនេះកើត​ឡើងដោយសារ​ឪពុកម្តាយមានការធ្វេសប្រហែសបណ្តែត​បណ្តោយ ខណះដែលកូនទាំងពីរលង់​ទឹកប្រឡាយក្បែរផ្ទះ ស្របពេលដែលមានភ្លៀងធ្លាក់១មេធំក៏បានរអិលចូលកន្លែងជ្រៅ ទើបបណ្តាលឲ្យក្មេង​ប្រុស​ទាំងពីរស្លាប់។

សមត្ថកិច្ចចុះពិនិត្យ ក៏បានប្រគល់សពក្មេងទាំង២នាក់ឱ្យក្រុមគ្រួសារធ្វើបុណ្យបញ្ជូនកុសលឱ្យពួកគេតាមប្រពៃណី៕

អត្ថបទ៖ សៅ សារិទ្ធ