ព័ត៌មានជាតិ
នាយកក្រុមហ៊ុនបរទេសមួយ ចាញ់បោកលោកផ្កាយបីមួយរូប បានប្តឹងទៅរដ្ឋមន្ត្រីក្រសួងយុត្តិធម៌ ជួយរកយុត្តិធម៌
ភ្នំពេញ ៖ នាយកក្រុមហ៊ុនធីដាប់បេលយូ លី ស៊ីន ថេកណឡជី (TW LI XIN TECHNOLOGY CO, LTD)នារសៀលថ្ងៃទី៣សីហានេះ បានធ្វើសន្និសីទកាសែតមួយរៀបរាប់ពី លោកធំខ្មែរមួយរូបបានលក់ដី(ដីខ្យល់ឱ្យរូបលោក)ហើយបានទទួលលុយកក់២០% ស្មើនឹង៦៦ម៉ឺនដុល្លារ អស់រយៈពេល៤ឆ្នាំហើយ មិនឃើញប្រគល់ដីមកឱ្យលោក លុយក៏មិនសង ហើយលោកបានប្តឹងទៅតុលាការ ត្រូវបានតុលាការសម្រេចតម្កល់រឿងទុកមិនចាត់ការ ហើយនៅពេលនេះតាមរយៈមេធាវី គាត់បានប្តឹងទៅឯកឧត្តមរដ្ឋមន្ត្រីក្រសួងយុត្តិធម៌ដើម្បីជួយរកយុត្តិធម៌ ។
លោកជី កានយូ នាយកក្រុមហ៊ុនធីដាប់បេលយូ លី ស៊ីន ថេកណឡជី មានអាសយដ្ឋាននៅភូមិ៣ សង្កាត់លេខ៣ ក្រុង-ខេត្តព្រះសីហនុ បាននិយាយថា លោកបានមកប្រទេសកម្ពុជាកាលពីឆ្នាំ២០១៧ ដើម្បីមកវិនិយោគនៅទីនេះ ហើយក៏បានជួបលោកផល,លោកផល បានណែនាំឱ្យជួបលោកឧត្តមសេនីយ៍ឯក ស៊ុន ហួរ ធ្វើការនៅក្រសួងមហាផ្ទៃ។ បន្ទាប់មកលោកស៊ុន ហួរ បាននាំរូបលោកទៅក្រុងព្រះសីហនុ ហើយប្រាប់ថា «គាត់មានដីជាងមួយហិកតា រួចបង្ហាញប្លង់ថា គាត់ចង់លក់តម្លៃ៣លាន៣សែនដុល្លារ»។ លោកក៏បានសម្រេចចិត្តទិញដោយបានកក់លុយលើកទីមួយចំនួន១០%ស្មើនឹង៣៣ម៉ឺនដុល្លារ។
លោកជី កានយូ និយាយបន្តថា បន្ទាប់មកលោកក៏បានរកមេធាវី ដោយមានលោកមៀច សំអ៊ាន់ ជាមេធាវីតំណាងដោយអាណត្តិ ដើម្បីធ្វើកិច្ចសន្យាទិញដីនោះ។ក្រោយពេលលោកមេធាវី ចុះសាកសួររួចក៏បានបញ្ជាក់ប្រាប់លោកវិញថា «ដីនេះមិនអាចទិញបានទេ ព្រោះដីនោះមិនមែនជាដីរបស់លោកស៊ុន ហួរទេ ម្ចាស់ដីឈ្មោះផ្សេង»។ពេលនោះលោកមានចិត្តភ័យខ្លាច ថារូបលោកត្រូវបានគេបោកប្រាស ហើយលោកក៏បានទៅជួបលោកស៊ុន ហួរ រួចប្រាប់ថា «ខ្ញុំឈប់ទិញដីនោះហើយ»។តែលោកស៊ុន ហួរប្រាប់ថា «គាត់អត់មានលុយទេ ព្រោះយកលុយទៅដោះស្រាយដីនោះអស់ហើយ ក្នុងរយៈពេលមួយឆ្នាំគាត់នឹងដោះស្រាយយកដីនោះបាន សូមកុំបារម្ភទៀត!»។
លោកជី កានយូ និយាយបន្តថា ដោយលោកគិតថា មិនអាចយកលុយនោះបាន លោកក៏សម្រេចចិត្តជឿលើគាត់ម្តងទៀត ព្រោះគាត់ពាក់ផ្កាយ៣នៅក្រសួងមហាផ្ទៃ ហើយក៏បានកក់លុយថែម១០%ទៀតសរុប២០%ស្មើនឹង៦៦ម៉ឺនដុល្លារ ដោយគាត់បានសន្យាថា «នឹងយកដីនេះមកឱ្យគាត់ កាត់ប្លង់ដាក់ឈ្មោះលោកតែម្តង»។ប៉ុន្តែរហូតមកដល់ពេលនេះលោកស៊ុន ហួរ នៅតែមិនអាចយកដីនេះមកឱ្យរូបលោកបាន ហើយលោកក៏បានឱ្យមេធាវីប្តឹងទៅតុលាការចោទពីបទ «ឆបោក» ។ តែពេលនេះតុលាការបានជូនដំណឹងនាថ្ងៃទី២សីហាឆ្នាំ ២០២១មកថា « តុលាការសម្រេចតម្កល់រឿងទុកមិនចាត់ការ »ដែលធ្វើឱ្យលោកបាត់បង់លុយយ៉ាងច្រើន។
លោកនាយកក្រុមហ៊ុន បានបន្តថា នៅពេលចុងក្រោយនេះ រូបលោកឮថា ឯកឧត្តមកើត រិទ្ធ រដ្ឋមន្ត្រីក្រសួងយុត្តិធម៌កម្ពុជា ដែលស្រឡាញ់សច្ចធម៌ អាចនឹងរកយុត្តិធម៌ជូនលោកបាន ហើយលោកបានឱ្យមេធាវី រៀបចំបែបបទដើម្បីដាក់ពាក្យបណ្តឹងទៅជូនឯកឧត្តមរដ្ឋមន្ត្រីមេត្តាជួយរកយុត្តិធម៌រួចហើយ ។ លោកសង្ឃឹមថា ឯកឧត្តមរដ្ឋមន្ត្រីនឹងជួយរូបលោក ដែលជាអ្នកវិនិយោគមកពីបរទេស រួមចំណែកជួយសេដ្ឋកិច្ចកម្ពុជា។
នាល្ងាចថ្ងៃដដែលនេះ គេហទំព័រកម្ពុជាថ្មី បានព្យាយាមសុំការបំភ្លឺពីលោកឧត្តមសេនីយ៍ឯក ស៊ុន ហួរ ធ្វើការនៅក្រសួងមហាផ្ទៃ ជុំវិញកាលើកឡើងរបស់ លោកជី កានយូ លោកនាយកក្រុមហ៊ុនធីដាប់បេលយូ លី ស៊ីន ថេកណឡជី រឿងទិញ-លក់ដីធ្លីខាងលើនេះ ប៉ុន្តែមិនអាចទំនាក់ទំនងបានឡើយ។
យោងតាមឯកសារដែលបានចែកចាយនៅក្នុងសន្និសីទកាសែត បានបញ្ជាក់ថា លោកឧត្តមសេនីយ៍ឯក ស៊ុន ហួរ ត្រូវបានព្រះមហាក្សត្រនៃព្រះរាជាណាចក្រកម្ពុជា ចេញព្រះរាជក្រឹត្យ លេខ នស/រកត/០៥២០/៥៥៦ ចុះថ្ងៃទី២៩ឧសភាឆ្នាំ២០២០ បានបញ្ចប់ និង តែងតាំង ផ្តល់ឋានៈលោកឧត្តមសេនីយ៍ឯក ស៊ុន ហួរ អត្តលេខ ៧៨១១១ ពីអនុប្រធានក្រុមប្រឹក្សានីតិកម្មក្រសួងមហាផ្ទៃ មកជា«ទីប្រឹក្សាក្រសួងមហាផ្ទៃមានឋានៈស្មើ អគ្គនាយក»។
យោងតាមកិច្ចសន្យាទិញ-លក់ដី បានបញ្ជាក់ថា លោកឧត្តមសេនីយ៍ឯក ស៊ុន ហួរ កើតនៅឆ្នាំ១៩៦៩ មានទីលំនៅផ្ទះលេខ៤២៥អឺ០ ផ្លូវលេខ១៩៨ ក្រុម១៧ ភូមិ៤ សង្កាត់បឹងព្រលឹត ខណ្ឌ៧មករា រាជធានីភ្នំពេញ ដែលមានលោកមេធាវីមៀច សំអ៊ាន់ ចុះហត្ថលេខាបញ្ជាក់លើកិច្ចសន្យាចុះថ្ងៃទី៧ខែមករាឆ្នាំ២០១៨ទៀតផង ៕
ដោយ ៖ នរា
សមត្ថកិច្ចចេញបទបញ្ជា និងចុះណែនាំអ្នកលក់ អ្នកលេងផាវ កាំជ្រួច នាឱកាសចូលឆ្នាំប្រពៃណីចិនខាងមុខ
មកដឹងចំណុចពិសេសនៃទេពកោសល្យច្រៀងរបស់ ព្រាប សុវត្ថិ
សហជីព កម្មករ និងពលរដ្ឋ ៖ បើគ្មានថ្ងៃជ័យជម្នះ៧មករា ពួកគាត់គ្មានឱកាសទទួលបានការងារសមរម្យឡើយ
រុស្ស៊ីផ្ដល់អាហារូបករណ៍៣កន្លែងសម្រាប់ជំនាញទាក់ទងនឹងនុយក្លេអ៊ែរស៊ីវិលដល់និស្សិតកម្ពុជា
ក្រោយជាប់គុក២៥ឆ្នាំ ទើបតុលាការរកឃើញថា ភស្តុតាងមិនស៊ីគ្នា
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
បិទចរាចរណ៍នៅកំពង់ចម្លងជ្រោយចង្វារ កំពង់ចម្លងអរិយក្សត្រ និងកំណាត់ផ្លូវមួយចំនួន ជុំវិញមហោស្រពកោះពេជ្រ ស្អែកនេះ
មកដឹងពីជីវិតសិល្បៈត្រួសៗរបស់ Rapper ល្បីឈ្មោះ Ruthko
-
ព័ត៌មានជាតិ៤ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១៥ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៤ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៤ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៤ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៤ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៤ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ