ព័ត៌មានជាតិ

តារាសម្តែងជើងចាស់ ម៉ែ ប៊ុនសុន ធ្លាក់ខ្លួនទូលនំលក់តាមផ្លូវយ៉ាងកម្សត់

បានផុស

៤ years មុន

នៅ

ថ្ងៃអាទិត្យ ៥ កញ្ញា ២០២១

ដោយ

ថ្មីៗនេះមានទស្សនិកជនមានការភ្ញាក់ផ្អើលគ្រប់គ្នាពេលឮដំណឹងថា តារាសម្ដែងជើងចាស់អ្នកស្រី គង់ ប៊ុនស៊ុន ហៅ ម៉ែ ប៊ុនស៊ុន កំពុងតែជួបការលំបាកខ្លាំងរហូតធ្លាក់ខ្លួនទូលនំលក់តាមផ្លូវ និងមានជំងឺប្រចាំកាយទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពពីតារាសម្ដែងលោក សាយ សៀរ៉ា បានឲ្យដឹងថា តារាសម្តែង ម៉ែ ប៊ុនសុន ដែលជាអ្នកសិល្បៈមួយរូបពេលនេះគាត់កំពុងតែជួបការខ្វះខាតយ៉ាងខ្លាំង។ គាត់ស្រលាញ់សិល្បៈណាស់ពេលមានការងារសិល្បៈគេហៅថតក៏ទៅថត អត់មានការងារថតគាត់ក៏លក់នំ។

លោកបន្តទៀតថា ជាង១០ឆ្នាំហើយ តែ២ឆ្នាំនេះគាត់អត់មានការងារធ្វើទេ ហើយលក់នំក៏មិនដាច់ទៀត ដោយសារតែកូវីដ-១៩ នំគាត់យកពីគេ១ថង់២០០០រៀល លក់៣០០០រៀលតែលក់មិនដាច់ទេ។

លោក សាយ សៀរ៉ា បញ្ជាក់ថា រាល់ថ្ងៃគាត់មានជំងឺឈឺទៀតដោយឈឺក្រពះ ពោះវៀន ត្រូវទិញថ្នាំហូបរាល់ខែ គាត់លក់នំនៅខាងត្បូងវត្តសន្សំកុសល។ ដូច្នេះសូមបងប្អូនជួយគាត់ផងជួយទិញនំគាត់ ឬជួយជាថិវិកាដើម្បីគាត់បានទិញថ្នាំទិញអង្ករទិញរបស់ហូបបងប្អូនអាចជួយតាមខ្ញុំ ឬទៅជួបគាត់នៅផ្ទះក៏បាន៕

អត្ថបទ៖ ចាន់រ៉ា