ដាក់ចេញគោលការណ៍ចំនួន​១១ ចំណុច​ សម្រាប់អាជីវកម្មសណ្ឋាគារ​ និងសេវាកម្មស្នាក់នៅទេសចរណ៍

នៅព្រឹកថ្ងៃទី០៦ ខែកញ្ញា ឆ្នាំ២០២១នេះ ក្រសួងទេសចរណ៍បានដាក់ចេញគោល ការណ៍១១ ចំណុច សម្រាប់សេវាកម្មស្នាក់នៅទេសចរណ៍ របស់សណ្ឋាគារ ដែលគោលការណ៍នេះ ធ្វើឡើងតាមសេចក្តីសម្រេចស្តីពី “ការដាក់ឱ្យអនុវត្តនីតិវិធីស្តង់ដាប្រតិបត្តិអប្បបរមា (SOP) តាមគន្លងប្រក្រតីភាពថ្មីសម្រាប់សេវាកម្មស្នាក់នៅទេសចរណ៍”។ 

គោលការណ៍១១ ចំណុចនោះរួមមាន: 

១. គោលការណ៍ណែនាំសម្រាប់ភ្ញៀវ
២. កន្លែងទទួលភ្ញៀវ
៣. សេវាកម្មបន្ទប់ និងការសម្អាត
៤. សេវាកម្មម្ហូបអាហារ និងភេសជ្ជៈក្នុងសណ្ឋាគារ
៥. ការរក្សាអនាម័យ និងការសម្លាប់មេរោគក្នុងផ្ទះបាយ
៦. ការជួសជុល និងការថែទាំក្នុងសណ្ឋាគារ
៧. ទីកន្លែងទូទៅ និងបង្គន់សាធារណៈ
៨. សេវាកម្មដឹកជញ្ជូនភ្ញៀវក្នុងសណ្ឋាគារ
៩. ការផ្គត់ផ្គង់ទំនិញ និងសេវាកម្មពីអ្នកផ្គត់ផ្គង់
១០. ការអនុវត្ត និងគ្រប់គ្រងធុរៈកិច្ច
១១. គោលការណ៍ណែនាំសម្រាប់លក្ខខណ្ឌតម្រូវសម្រាប់ការរាយការណ៍។

សូមបញ្ជាក់ថា ក្រសួងទេសចរណ៍ កាលពីថ្ងៃទី៣១ ខែសីហា បានចេញសេចក្តីសម្រេចស្តីពី “ការដាក់ឱ្យអនុវត្តនីតិវិធីស្តង់ដាប្រតិបត្តិអប្បបរមា (SOP) តាមគន្លងប្រក្រតីភាពថ្មីសម្រាប់សេវាកម្មស្នាក់នៅទេស​ចរណ៍ “ដើម្បីឲ្យស្របតាមវិធានការចាំបាច់របស់រាជរដ្ឋាភិបាល និងក្រសួងសុខាភិបាល ដើម្បីទប់ស្កាត់ការឆ្លងរាលដាល នៃជំងឺកូវីដ-១៩ និងរក្សាបាននូវស្ថិរភាពអាជីវកម្ម និងធានាបាននូវសុវត្ថិភាពជូនដល់ភ្ញៀវទេស​ចរជាតិ-អន្តរជាតិ ហើយបើតាមមន្រ្តីជាន់ខ្ពស់ក្រសួងទេសចរណ៍ ស្តង់ដាប្រតិបត្តិ តាមគន្លងប្រក្រតីភាពថ្មីសម្រាប់សណ្ឋាគារ និងសេវាកម្មស្នាក់នៅទេសចរណ៍ ផ្តោតសំខាន់លើចំណុចអនុវត្តជាក់ស្ដែង ១១ ចំណុច៕

អត្ថបទៈ កោះកែវ