ព័ត៌មានជាតិ

ចុះយកសំណាកអាជីវករលក់ដូរជាលើកទី២នៅផ្សារជម្ពូវ័ន

បានផុស

៣ years មុន

នៅ

ថ្ងៃចន្ទ ៦ កញ្ញា ២០២១

ដោយ

នៅថ្ងៃទី៦ ខែកញ្ញា ឆ្នាំ២០២១នេះ ក្រុមគ្រូពេទ្យស្ម័គ្រចិត្តសម្តេចតេជោ ប្រឆាំងេជំងឺកូវីដ-១៩ បានចុះយកសំណាកបងប្អូនអាជីវករលក់ដូរនៅផ្សារជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ ជាលើកទី២ ចំនួន៩៧នាក់ ជាលទ្ធផលអវិជ្ជមាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបានឱ្យដឹងថា កាលពីថ្ងៃទី២៩ ខែសីហា ឆ្នាំ២០២១ក្រុមគ្រូពេទ្យស្ម័គ្រចិត្តសម្តេចតេជោ ប្រឆាំងកូវីដ១៩ បានចុះយកសំណាកបងប្អូនអាជីវករលក់ដូរនៅផ្សារជម្ពូវ័ន លើអាជីវករចំនួន១១៤នាក់ ជាលទ្ធផលរកឃើញអ្នកវិជ្ជមានកូវីដ១៩ម្នាក់ ភេទស្រី ជានាក់លក់ពោធ។

រហូតមកដល់ព្រឹកថ្ងៃទី៦ ខែកញ្ញា ឆ្នាំ២០២១នេះ ទើបក្រុមគ្រូពេទ្យចុះយកសំណាកជាលើកទី២ មនុស្សចំនួន៩៧នាក់ ជាលទ្ធផលអវិជ្ជមានទាំងអស់។

អនុគណៈកម្មការស្រាវជ្រាវជំងឺកូវីដ-១៩, សូមអោយបងប្អូនប្រជាពលរដ្ឋនិងបុគ្គលិកទាំងអស់ដែលពាក់ព័ន្ធ ទីតាំងខាងលើសូមមេត្តាសហការទៅយកសំណាក និងដាក់ខ្លួនដាច់ដោយឡែកដើម្បីសុវត្ថិភាព សូមយកចិត្តទុកដាក់ តាមដានសុខភាពរបស់ខ្លួនរយៈពេល២១ថ្ងៃ៕

អត្ថបទ៖ សុខា