ព័ត៌មានជាតិ
អាជ្ញាធរខេត្តកោះកុងគ្រោងនឹងបើកសាលារៀនឡើងវិញនៅខែក្រោយនេះ
អាជ្ញាធរខេត្តកោះកុងគ្រោងនឹងបើកដំណើរការសាលារៀនឡើងវិញនៅខែតុលា ឆ្នាំ២០២១ខាងមុខនេះ បន្ទាប់ពីបានផ្អាកជាង១ឆ្នាំដោយសារជំងឺកូវីដ១៩។
លោក ស្រេង ហុង អភិបាលរង នៃគណៈអភិបាលខេត្តកោះកុង បានមានប្រសាសន៍នៅរសៀលថ្ងៃទី៦ ខែកញ្ញានេះថា ការបើកដំណើរការសាលានៅខែក្រោយនេះ ដោយសាររដ្ឋបាលខេត្តត្រូវរៀបចំទីតាំងសម្រាប់បញ្ជូនអ្នកជំងឺកូវីដ១៩ និងអ្នកធ្វើចត្តាឡីស័កនៅតាមសាលាមួយចំនួនទៅទីតាំងថ្មី។
លោកបានបន្តថា បច្ចុប្បន្ននេះយើងបានបញ្ជូនអ្នកជំងឺ និងអ្នកធ្វើចត្តាឡីស័កចេញពីសាលាចំនួន៦ហើយក្នុងចំណោមវិទ្យាល័យ៥សាលា និងសាលាបឋមសិក្សា៥សាលាហើយនៅសល់វិទ្យាល័យ៣និងសាលាបឋមសិក្សា១ដែលរង់ចាំសាងសង់មជ្ឈមណ្ឌលស៊ូនឹងរួចរាល់នៅចុងខែកញ្ញានេះ ទើបយកពួកគាត់ទៅដាក់នៅទីនោះ។
លោកបានឱ្យដឹងទៀតថា ក្រៅពីនេះយើងត្រូវរង់ចាំការស្រង់ស្ថិតិសាលាណាខ្លះដែលស្ថិតនៅតំបន់មានហានិភ័យទាប និងសាលាណាខ្លះស្ថិតនៅតំបន់មានហានិភ័យខ្ពស់ ដើម្បីបញ្ជូនបន្តទៅក្រសួងអប់រំ រួចហើយក្រសួងបន្តទៅជូនប្រមុខរដ្ឋាភិបាលជាអ្នកសម្រេច។
ដូចនេះលោកសុំណែនាំដល់រដ្ឋបាលក្រុង ស្រុក និងការិយាល័យអប់រំក្រុង ស្រុក មន្ទីរអប់រំយុវជន និងកីឡាខេត្ត ពិនិត្យ និងពិភាក្សាឱ្យបានគ្រប់ជ្រុងជ្រោយថា តើនៅតាមក្រុង ស្រុកអាចបើកដំណើរការរៀនវិញនៅពេលណាជាក់លាក់ និងត្រូវអនុវត្តវិធានការសុខាភិបាលឱ្យបានខ្ជាប់ខ្ជួនបំផុតដើម្បីទប់ស្កាត់ការរីករាលដាលជំងឺកូវីដ-១៩ នៅក្នុងសាលារៀន និងក្នុងសហគមន៍។
ជាងនេះទៀត ត្រូវកំណត់ទីតាំងណាមានហានិភ័យទាប និងទីតាំងណាមានហានិភ័យខ្ពស់ហើយធ្វើរបាយការណ៍ឱ្យចប់សព្វគ្រប់បញ្ជូនមករដ្ឋបាលខេត្តឱ្យបានមុនថ្ងៃទី៩ ខែកញ្ញា ឆ្នាំ២០២១ខាងមុខនេះ ដើម្បីឱ្យរដ្ឋបាលខេត្តផ្ញើជួនបន្តទៅក្រសួងអប់រំយុវជននិងកីឡា។
លោកបានបន្តទៀតថា « យើងរង់ចាំការសម្រេចជាគោលការណ៍នាថ្ងៃព្រហស្បត្តិ៍ ទី០៩ ខែកញ្ញា ឆ្នាំ២០២១ ក្រោយពីទទួលបានព័ត៌មានត្រឡប់ពីគណៈគ្រប់គ្រងសាលា និងការិយាល័យជំនាញព្រមទាំងការយល់ព្រមពីរដ្ឋបាលក្រុង ស្រុកនីមួយៗ»។
គួរបញ្ជាក់ថា ខេត្តកោះកុងមានសាលាវិទ្យាល័យចំនួន១២សាលា សាលាអនុវិទ្យាល័យចំនួន១៩សាលាបឋមសិក្សា និងមត្តេយ្យរដ្ឋចំនួន១២១សាលា និងសាលាមត្តេយ្យសិក្សាសហគមន៍១៣សាលា។ ក្នុងនោះខេត្តមានសិស្សកម្រិតបឋមសិក្សាមានចំនួន១៦,៦៨០នាក់ និងសិស្សកម្រិតមធ្យមសិក្សាមាន ៥,៣៩៣នាក់៕
អត្ថបទ៖ សំអឿន
ប្អូនប្រុស វ៉ាង ស្រីណូ ចេញមុខសុំទោសស្ថាប័ន Majestic Cambodia ក្រោយរិះគន់មិនសំចៃមាត់
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ២២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២១ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?