ទៅ​លេង​បាត់ដំបង លែង​ខ្វល់ពិបាក​រកអាហារ​ញាំ វិថី​អាហារ​ក្បែរ​មាត់​ស្ទឹងសង្កែ គិត​គូរ​ស្តង់ដា​ខ្ពស់

ខេត្ត​បាត់ដំបង នឹង​បង្កើត​​វិថី​ម្ហូប​អាហារ​តាម​ដង​ស្ទឹង​សង្កែ ដោយ​មាន​ការ​គិតគូរលើ​ផ្នែក​លក្ខខណ្ឌ​ទីតាំង និងសេវាកម្ម ស្របតាម​ប្លង់ស្ថាបត្យកម្ម​“វិថីលក់ម្ហូបអាហាររបស់ក្រសួងទេសចរណ៍”។

“វិថីលក់ម្ហូបអាហារដងស្ទឹងសង្កែ” មានទំហំ ៦០៦៥m2 (២៨៨m x ២៣m) មាន​តូបលក់ម្ហូបអាហារ (Street food) ចម្រុះ​ចំនួន ៤២តូប មានជាប្រភេទតូបអាហារក្នុងស្រុក អាហារតាមតំបន់ និងហាឡាល តូបអាហារចម្អិនលឿន តូបបង្អែម និងតូបភេស្ជជៈ។

ការ​បង្កើត​​វិថីអាហារ​នៅ​ក្រុង​បាត់ដំបង នឹង​លើកស្ទួយអភិវឌ្ឍគោលដៅទេសចរណ៍ (Secondary City) និង​បង្កើនភាពទាក់ទាញភ្ញៀវទេសចរនៅ​ខេត្ត​សក្តានុពល​មួយ​នេះ​។ ណាមួយ​ក៏​ដើម្បី​ពង្រឹងបេក្ខភាពខេត្តបាត់ដំបងឆ្ពោះទៅការប្រឡងប្រណាំងទីក្រុងស្អាតលើកទី ៣ ពិសេសផ្នែកទេសចរណ៍ម្ហូបអាហារ (Gastronomy Tourism)៕