ព័ត៌មានជាតិ

នារីវ័យ២០ម្នាក់ មានវិបត្តិស្នេហាក៏សម្រេចចិត្តមកលោតទឹកសម្លាប់ខ្លួនស្ពានជ្រោយចង្វារ

បានផុស

៣ years មុន

នៅ

ថ្ងៃចន្ទ ៦ កញ្ញា ២០២១

ដោយ

យុវតីម្នាក់ដោយសារតែមានវិបត្តិគ្រួសារររួមទាំងស្នេហាផងដោះស្រាយមិនចេញស្រាប់តែបែកគិតខ្លីមកលោតទឹកសម្លាប់ខ្លួនតែសំណាងល្អបានក្រុមយុវជនជិះកង់មួយក្រុមឃេីញទាន់ហក់ទៅចាប់ទាញ់ជួយសង្គ្រោះទាន់ពេល។

ហេតុការណ៍នេះ បានកើតឡើង កាលពីវេលា ម៉ោង ៤និង១០នាទីល្ងាចថ្ងៃទី ៦ខែកញ្ញា ឆ្នាំ ២០២១ចំណុចលើស្ពានជ្រោយចង្វារ(ស្ពានមិត្តភាពកម្ពុជា-ជប៉ុន)ក្នុងសង្កាត់ស្រះចកខណ្ឌដូនពេញរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុវតីរងគ្រោះឈ្មោះ ពេជ្រ លីសា អាយុ២០ឆ្នាំមុខរបរលក់ឥវ៉ាន់ចាប់ហួយស្នាក់នៅសង្កាត់សំរោងក្រោមខណ្ឌពោធិ៍សែនជ័យបានឲ្យដឹងថា បានជានាងសម្រេចចិត្តចង់បញ្ចប់ជីវិតរបស់ខ្លួនដោយសារនាងមានវិបត្តិក្នុងគ្រួសារនិងស្នេហាព្រមទាំងរឿងស្មុកស្មាញជា ច្រេីនទៀតដោះស្រាយមិនចេញក៏គិតបែបនេះតែម្តង។

បើតាមប្រភពព័ត៌មាននៅកន្លែងកើតហេតុឱ្យដឹងថា នៅមុនពេលកើតហេតុគេឃើញយុវតីរងគ្រោះខាងលើបានហៅកង់បីឥណ្ឌាចេញពីផ្ទះនៅសង្កាត់សំរោងក្រោមខណ្ឌពោធិសែនជ័យលុះមកដល់ជិតកណ្តាលស្ពានបានចុះពីលើកង់បីដើរឡើងបង្កាន់ដៃស្ពានបម្រុងលោតស្រាប់តែពេលនោះមានយុវជនមួយក្រុមជិះកង់ប្រទះឃើញក៏ហក់ទៅជួយនិងស្រែកឆោឡោនាំយកនារីខាងលើមកគល់ស្ពានជ្រោយចង្វារត្រើយខាងលិចប្រគល់ឲ្យសមត្ថកិច្ចប្រចាំការនៅគោលដៅទី៣ក្រោមស្ពានជ្រោយចង្វារដើម្បីសួរនាំ។