ព័ត៌មានជាតិ

រដ្ឋាភិបាល ហុងគ្រី ផ្តល់អាហារូបករណ៍ចំនួន១៥កន្លែងដល់និស្សិតកម្ពុជា

បានផុស

៤ years មុន

នៅ

ថ្ងៃសៅរ៍ ២៨ វិច្ឆិកា ២០២០

ដោយ

រដ្ឋាភិបាល នៃសាធារណរដ្ឋ ហុងគ្រី នឹងផ្ដល់អាហារូបករណ៍ ចំនួន១៥កន្លែង ដល់និស្សិតកម្ពុជា ដើម្បីទៅបន្តការសិក្សានៅសាកលវិទ្យាល័យនានា នៅក្នុងប្រទេសហុងគ្រី ចាប់ពីខែកញ្ញា ឆ្នាំ២០២១តទៅ។

ក្រសួងអប់រំយុវជន និងកីឡាបានឲ្យដឹងថា ការជ្រើសរើសនិស្សិតអាហារូបករណ៍ទៅសិក្សានៅប្រទេស ហុងគ្រី សម្រាប់ឆ្នាំសិក្សា២០២១‑២០២២ គឺជាកម្មវិធីផ្លាស់ប្ដូរវិស័យអប់រំរវាងក្រសួងអប់រំយុវជន និងកីឡា នៃព្រះរាជាណាចក្រកម្ពុជា និងក្រសួងសមត្ថភាពមនុស្សរបស់ប្រទេស ហុងគ្រី សម្រាប់ឆ្នាំ២០២០, ២០២១,និង២០២២ ដែលបានចុះថ្ងៃទី១៤ ខែមិថុនា ឆ្នាំ២០១៩ កន្លងទៅ។

ក្រសួងអប់រំ បានបន្តថា និស្សិតដែលបានជាប់អាហារូបករណ៍នេះ គឺភាគីមិត្តជាអ្នកធានារ៉ាប់រងទៅលើថ្លៃសិក្សា ផ្ដល់ប្រាក់ឧបត្ថម្ភអាហារូបករណ៍ប្រចាំខែសម្រាប់ផ្គត់ផ្គង់ការរស់នៅកន្លែងស្នាក់នៅរ៉ាប់រងសេវាសុខភាព និងអត្ថប្រយោជន៍ផ្សេងទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះហារូបករណ៍ទាំង១៥កន្លែងក្នុងនោះរួមមានថ្នាក់បណ្ឌិតចំនួន២កន្លែងលើជំនាញណាក៏បាននិងសិក្សាជាភាសាហុងគ្រីឬអង់គ្លេស ថ្នាក់បរិញ្ញាបត្រជាន់ខ្ពស់ចំនួន៥កន្លែងដោយសិក្សាលើមុខជំនាញកសិកម្ម វិស្វកម្ម សេដ្ឋកិច្ច សិល្បៈនិងវិទ្យាសាស្ត្រធម្មជាតិ ថ្នាក់បរិញ្ញាបត្រចំនួន៥កន្លែង សិក្សាលើមុខជំនាញកសិកម្ម មនុស្សសាស្ត្រ វិស្វកម្ម សេដ្ឋកិច្ច និងវិទ្យាសាស្រ្តធម្មជាតិ។

ចំណែកអាហារូបករណ៍ចំនួន ១កន្លែងសម្រាប់ការសិក្សាពេញមួយចប់ក្នុងមុខជំនាញណាមួយនិងអាហារូបករណ៍រយៈពេល២០ខែសម្រាប់បណ្ដុះបណ្ដាលជំនាញដែលបង្រៀនជាភាសាអង់គ្លេសដល់និស្សិតដែលមានសញ្ញាបត្រឯកទេស។

ក្រសួងអប់រំ បានបន្ថែមទៀតថា បេក្ខជនដែលមានបំណងចូលរួមត្រូវដាក់ពាក្យតាមអនឡាញគឺAppy.stipe ndiumhungaricum.huឬwww. stipendiumhun garicum.huឲ្យបានមុនថ្ងៃទី១៥ ខែមករា ឆ្នាំ២០២១៕

អត្ថបទ ៖ សំអឿន