ព័ត៌មានជាតិ

ធាក់ប្លន់យកម៉ូតូ១គ្រឿងនៅផ្លូវ៥០ម៉ែត្រ សង្កាត់ព្រៃស

បានផុស

៣ years មុន

នៅ

ថ្ងៃពុធ ៨ កញ្ញា ២០២១

ដោយ

ជនសង្ស័យមួយក្រុមមានបក្ខពួក៤នាក់ ជិះម៉ូតូ២គ្រឿងបានធ្វើសកម្មភាពដេញធាក់ផ្ដួលម៉ូតូ១គ្រឿងជិះដោយយុវជនម្នាក់ រួចដកដាវគំរាមកាប់ប្លន់យកម៉ូតូបានសម្រេចជិះគេចខ្លួនដោយសុវត្ថិភាពកាលពីវេលាម៉ោងជាង២១យប់ថ្ងៃទី៧ ខែកញ្ញា ឆ្នាំ១០២១ នៅចំណុចមុខបុរី ឡុង នី តាមបណ្ដោយផ្លូវ៥០ ម៉ែត្រ ក្បែរវត្តឫស្សីសាញ់ ស្ថិតក្នុងសង្កាត់ព្រៃស ខណ្ឌដង្កោ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះត្រូវបានគេស្គាល់ឈ្មោះ ពៅ វុត្ថា ភេទប្រុស អាយុ២១ឆ្នាំ ស្នាក់នៅភូមិកណ្តាល សង្កាត់រលួស ខណ្ឌដង្កោ ជិះម៉ូតូម៉ាកហុងដាសេ១២៥ ស៊េរីឆ្នាំ២០២១ ពណ៌ខ្មៅ ពាក់ស្លាកលេខ ភ្នំពេញ 1IR-0035 (ម៉ូតូបង់រំលួស) ។

តាមការរៀបរាប់ពីជនរងគ្រោះបានប្រាប់ឲ្យដឹងថា មុនកើតហេតុរូបគេជិះម៉ូតូ១គ្រឿងចេញពីកន្លែងធ្វើការ ក្នុងគោលបំណងប្រឡប់ទៅផ្ទះ ដោយធ្វើដំណើរតាមបណ្តោយផ្លូវ៥០ម៉ែត្រ ទិសដៅពីជើងទៅត្បូង លុះមកដល់ចំណុចកើតហេតុ ស្រាប់តែលេចមុខជនសង្ស័យចំនួន៤នាក់ជិះម៉ូតូហុងដាឌ្រីមសង់ ចំនួន២គ្រឿងមិនចាំស្លាកលេខ បានធ្វើសកម្មភាពដេញមកពីក្រោយហើយបានធាក់ទៅលើរូបគេបណ្ដាលឲ្យដួលម៉ូតូទៅនឹងថ្នល់រងរបួស។

ប្រភពដដែលបានបន្តទៀតថា ភ្លាមនោះរូបគេក៍បានងើបឡើងប្រតាយប្រតប់ជាមួយជនសង្ស័យដែរ តែបក្ខពួកជនសង្ស័យបានដកដាវមកគំរាមកាប់ទៅលើរូបគេទៀត ធ្វើអោយរូបគេភ័យស្លន់ស្លោ រត់យករួចខ្លួនសិន ហើយស្រែករកអ្នកជួយ តែទីកន្លែងកើតហេតុនោះស្ងាត់ពេក ធ្វើឲ្យជនសង្ស័យមានឱកាសលើកយកម៉ូតូរបស់រូបគេជិះគេចខ្លួនបាត់ដោយសុវត្ថិភាព។

ក្រោយកើតហេតុភ្លាមៗរូបគេក៏បានទំនាក់ទំនងទៅក្រុមគ្រួសារដោយប្រាប់ថា មានគេប្លន់ម៉ូតូយកទៅបាត់ហើយ ទើបបង្កឲ្យមានការភ្ញាក់ផ្អើលដល់បងប្អូនជាពលរដ្ឋ និងមានកម្លាំងសមត្ថកិច្ចមូលដ្ឋានចុះទៅដល់បាននាំរូបគាត់ទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលព្រៃស ដើម្បីស្វែងរកចាប់ខ្លួនក្រុមជនសង្ស័យយកមកផ្តន្ទាទោសទៅតាមផ្លូវច្បាប់ ៕

អត្ថបទ៖ រ៉ាវុទ្ធ