ព័ត៌មានជាតិ

ចុះបង្ក្រាបទីតាំងរោងកាហ្វេបង្កប់ល្បែងស៊ីសងខុសច្បាប់មួយកន្លែង ក្នុងភូមិជ្រៃកោង

បានផុស

៤ years មុន

នៅ

ថ្ងៃពុធ ៨ កញ្ញា ២០២១

ដោយ

ភ្នំពេញ ៖ ទីតាំងរោងការហ្វេបង្កប់ល្បែងស៊ីសងខុសច្បាប់មួយកន្លែងប្រភេទឡូតូនិងជល់មាន់តាមអនឡាញត្រូវបានកម្លាំងគណៈបញ្ជាការឯកភាពសង្កាត់ចោមចៅទី២ ធ្វើការចុះបង្ក្រាប កាលពីវេលាម៉ោង៤និង០០រសៀល ថ្ងៃទី០៨ ខែកញ្ញា ឆ្នាំ២០២១ នៅក្នុងភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបានឲ្យដឹងថា ដោយមានការបញ្ជាផ្ទាល់ពីលោក ឃួងស្រេង អភិបាលនៃគណៈអភិបាលរាជធានីភ្នំពេញឱ្យអាជ្ញាធរទាំង១៤ខណ្ឌបង្ក្រាបឱ្យអស់នូវល្បែងស៊ីសងខុសច្បាប់ដើម្បីទប់ស្កាត់បទល្មើសផ្សេងៗក្នុងមូលដ្ឋាននិងរក្សាសុវត្តិភាពជូនបងប្អូនប្រជាពលរដ្ឋ។

អាជ្ញាធរបន្តថា ក្រោយពីទទួលព័ត៌មានសំងាត់ពីបងប្អូនប្រជាពលរដ្ឋថា ទីតាំងរោងការហ្វេខាងលើបានបង្កប់ល្បែងស៊ីសង ខុសច្បាប់ប្រភេទឡូតូនិងជល់មាន់តាមអនឡាញ ទើបលោកវ៉ា សារ៉ង ចៅសង្កាត់ចោមចៅទី២ បានដឹកនាំកម្លាំងចុះបង្ក្រាបតែម្តង និងហៅម្ចាស់ទីតាំងធ្វើកិច្ចសន្យាបញ្ឈប់សកម្មភាពលួចបើកលេងល្បែងទាំងនេះតទៅទៀត៕

ដោយ ៖ សុខា