ព័ត៌មានជាតិ

អាជ្ញាធរចុះសម្របសម្រួលវិវាទរវាងក្រុមហ៊ុនដឹកខ្សាច់ និងប្រជាពលរដ្ឋក្នុងសង្កាត់វាលស្បូវ

បានផុស

៣ years មុន

នៅ

ថ្ងៃពុធ ៨ កញ្ញា ២០២១

ដោយ

ភ្នំពេញ ៖ អាជ្ញាធរខណ្ឌច្បារអំពៅរាជធានីភ្នំពេញសហការជាមួយមន្ត្រីជំនាញចុះទៅសម្របសម្រួលវិវាទរវាងក្រុមហ៊ុនដឹកខ្សាច់ជាមួយប្រជាពលរដ្ឋ រស់នៅសង្កាត់វាលស្បូវដែលខឹងសម្បារនិងរថយន្តដឹកខ្សាច់បង្កការជ្រុះកំទេចខ្សាច់លើផ្លូវក្នុងភូមិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោក គុយ គឹមហ៊ាង ប្រធានការិយាល័យសាធារណការសាលាខណ្ឌច្បារអំពៅបានឲ្យដឹងថា នៅថ្ងៃទី៨ ខែកញ្ញានេះលោក ហ៊ត គឹមនី អភិបាលរងខណ្ឌច្បារអំពៅបានដឹកនាំកម្លាំងជំនាញពីសាលាខណ្ឌដោយសហការជាមួយអាជ្ញាធរសង្កាត់វាលស្បូវរួមទាំងលោកមេភូមិព្រែកជាងព្រំ និងមេភូមិស្វាយតាអុកព្រមទាំងប្រជាពលរដ្ឋទាំង២ភូមិបានចុះទៅទីតាំងវិវាទរវាងក្រុមហ៊ុនដឹកខ្សាច់ឆ្លងកាត់ភូមិបង្កឲ្យជ្រុះដីព្រមទាំងបើកបរក្នុងភូមិមិនបន្ថយល្បឿនសោះ។

លោកគុយ គឹមហ៊ាង បានបន្តថា នៅពេលចុះទៅធ្វើការសម្របសម្រួលនេះគឺភាគីទាំង២ពុំទាន់បានឯកភាពគ្នានៅឡើយទេ ខណៈដែលប្រជាពលរដ្ឋបានសុំឲ្យរថយន្តដឹកខ្សាច់បើកបង្វៀនផ្លូវព្រោះទី១ហុយនិងទី២ងាយបង្កគ្រោះថ្នាក់ដល់កូនចៅប្រជាពលរដ្ឋក្នុងភូមិ។