ព័ត៌មានជាតិ
បុណ្យភ្ជុំឆ្នាំនេះ ក្រសួងណែនាំឱ្យពលរដ្ឋជួបជុំគ្នាតាមអនឡាញ
លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានធ្វើការណែនាំដល់ប្រជាពលរដ្ឋដែលធ្វើដំណើរទៅលេងសាច់ញាតិនៅតាមស្រុកកំណើតក្នុងពិធីបុណ្យកាន់បិណ្ឌ និងភ្ជុំបិណ្ឌនាពេលខាងមុខ សូមជ្រើសរើសជួបជុំគ្នាតាមប្រព័ន្ធអនឡាញជំនួសឱ្យការជួបជុំផ្ទាល់ ដើម្បីចូលរួមកាត់បន្ថយការចម្លងមេរោគកូវីដ១៩។
តាមរយៈសេចក្តីជូនដំណឹងរបស់ក្រសួងសុខាភិបាលចុះនៅយប់ថ្ងៃទី០៨ ខែកញ្ញា លោករដ្ឋមន្ត្រីបានណែនាំដល់ប្រជាពលរដ្ឋសូមជ្រើសរើសនូវការជួបជុំគ្រួសារតែនៅក្នុងខ្នងផ្ទះឬគេហដ្ឋានតែមួយបានហើយ ដោយមិនត្រូវអញ្ជើញសាច់ញាតិដែលមានគេហដ្ឋានផ្សេង ឬមិត្តភ័ក្ដិជិតស្និទមកជួបជុំគ្នាដើម្បីលេងល្បែងស៊ីសង ច្រៀងរាំ ឬការជួបជុំគ្នាពិសារអាហារ និងសេពគ្រឿងស្រវឹងដែលជាកត្តាហានិភ័យខ្ពស់ក្នុងការចម្លងវីរុសកូវីដ-១៩នោះទេ។
លោករដ្ឋមន្ត្រីបានមានប្រសាសន៍ទៀតថា«សូមជ្រើសរើសការជួបជុំតាមប្រព័ន្ធអនឡាញដែលអាចជជែកគ្នា មើលមុខគ្នា ពិភាក្សាគ្នាជាជំនួសឱ្យការជួបជុំផ្ទាល់ដើម្បីរួមចំណែកកាត់បន្ថយការចម្លងវីរុសកូវីដ-១៩ »។
លើសពីនេះទៀត លោករដ្ឋមន្ត្រីបានបន្តថា មិនត្រូវធ្វើដំណើរកម្សាន្តដែលមិនចាំបាច់ និងសូមជ្រើសរើសការធ្វើដំណើរទៅកាន់ទីវត្តអារាមដែលមានសុវត្ថិភាពហើយរាល់ការវិលត្រលប់ទៅជួបជុំឪពុកម្ដាយជីដូនជីតានៅស្រុកកំណើត សូមប្រកាន់យកនូវមធ្យោបាយធ្វើដំណើរជាលក្ខណៈផ្ទាល់ខ្លួនបើអាច។
ចំណែកអ្នកដែលមានហានិភ័យខ្ពស់នៃការចម្លងជំងឺ ដូចជាជនចាស់ជរា ជនដែលមានជំងឺប្រចាំកាយ ស្ត្រីមានផ្ទៃពោះ និងកុមារតូចៗជាដើម មិនគួរចូលរួមដំណើរជួបជុំគ្នាដើរកម្សាន្តបើមិនមានការចាំបាច់បំផុតនោះទេ។
លោករដ្ឋមន្ត្រីបានអំពាវនាវ និងក្រើនរំលឹកដល់ប្រជាពលរដ្ឋទាំងអស់ត្រូវបន្តអនុវត្តការការពារការចម្លងវីរុសកូវីដ-១៩ ដោយបង្កើនការប្រុងប្រយ័ត្នខ្ពស់ដោយអនុវត្តឱ្យបានខ្ជាប់ខ្ជួននូវវិធានការ ៣ការពាររួមមានពាក់ម៉ាស់ លាងដៃឱ្យញឹកញាប់ និងរក្សាគម្លាតសុវត្ថិភាពបុគ្គលពីមួយម៉ែត្រកន្លះឡើងនិង៣កុំ រួមមានកុំទៅកន្លែងមានមនុស្សច្រើន កុំទៅកន្លែងបិទជិតគ្មានខ្យល់ចេញចូល កុំប៉ះពាល់គ្នា កុំចាប់ដៃគ្នា កុំកៀកស្មាគ្នា។
ចំណែកគ្រប់វត្តអារាមត្រូវរៀបចំឱ្យមានកន្លែងលាងដៃនៅច្រកចេញ-ចូលវាស់កម្ដៅ និងបាញ់ទឹកអាល់កុលលាងដៃឬទឹកដែលលាងដៃសម្រាប់រាល់ពុទ្ធបរិស័ទទាំងអស់ពុំឱ្យមានការធ្វេសប្រហែស នៅ ច្រកចេញ-ចូលក្លោងទ្វារនីមួយៗ។ រីឯព្រះសង្ឃគ្រប់ព្រះអង្គ ដូនជី តាជី និងពុទ្ធបរិស័ទទាំងអស់
ត្រូវពាក់ម៉ាស់គ្រប់ៗគ្នា នៅពេលចូលក្នុងទីវត្តអារ៉ាម ពេលអង្គុយឬឈររង់ចាំការប្រគេនចង្ហាន់ និងទ័យទាននានា ជាពិសេសនៅពេលសូត្រធម៌ ពេលបង្សុកូលនិងត្រូវរក្សាតម្លាតសុវត្ថិភាពបុគ្គលយ៉ាងតិចមួយម៉ែត្រកន្លះគ្រប់ពេលដែលពុទ្ធបរិស័ទ ចូលក្នុងទីវត្តអារាម វិហារ សាលាឆាន់ និងកុដិនីមួយៗ។
គួរបញ្ជាក់ថា ឆ្នាំនេះពិធីបុណ្យកាន់បិណ្ឌ និងភ្ជុំបិណ្ឌនឹងប្រព្រឹត្តទៅចាប់ពីថ្ងៃទី២២ ខែកញ្ញា ដល់ថ្ងៃ០៧ ខែតុលា ឆ្នាំ២០២១ខាងមុខនេះ៕
អត្ថបទ៖ សំអឿន
ឯកឧត្តមឧបនាយករដ្ឋមន្រ្តី ហ៊ុន ម៉ានី អញ្ជើញជាអធិបតីក្នុង ពិធីសម្ពោធរោងចក្រកែច្នៃកៅស៊ូធម្មជាតិ និងបើកមុខចៀរជ័រកៅស៊ូថ្មី នៅខេត្តព្រះវិហារ
រដ្ឋអាចនឹងចាប់ផ្ដើមទទួលពាក្យស្នើសុំដីពីពលរដ្ឋក្រីក្រចាប់ពីខែកុម្ភៈ
ពលរដ្ឋ និងសហជីព គាំទ្រយ៉ាងពេញទំហឹងចំពោះច្បាប់ស្ដីពីការប្រឆាំងការមិនទទួលស្គាល់ឧក្រិដ្ឋកម្មដែលប្រព្រឹត្តនៅសម័យខ្មែរក្រហម
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
ការសិក្សា៖ មនុស្សរាប់លាននាក់នៅអឺរ៉ុបនឹងស្លាប់ដោយសារកម្ដៅ ខណៈដែលពិភពលោកឡើងកម្តៅ
ក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
អគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
គណៈសង្ឃនាយកចាត់ទុកមនោគមវិជ្ជារបស់សមាគមទេវ សក្ខី ភគវន្ត ធ្វើឱ្យមានភាពច្របូកច្របល់ដល់កិច្ចបដិបត្តិសាសនា
ដំណឹងល្អ! រុស្ស៊ី នឹងដាក់លក់ថ្នាំចាក់ព្យាបាលជំងឺមហារីកសឹងគ្រប់ប្រភេទ នៅខែកញ្ញាឆ្នាំនេះ
អ្នកនាំពាក្យ ពន្យល់មូលហេតុពីការផ្អាកប្រឡងសិស្សពូកែក្នុងឆ្នាំសិក្សា ២០២៤-២០២៥
-
ចរាចរណ៍៤ ថ្ងៃ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ៤ ថ្ងៃ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ជីវិតកម្សាន្ដ២ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានជាតិ២២ ម៉ោង agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»
-
ព័ត៌មានជាតិ២ ថ្ងៃ agoក្រសួងធម្មការកំពុងពិនិត្យវិធានការលើបុគ្គលដែលថាព្រះសង្ឃជាបន្ទុកពលរដ្ឋ និងមើលងាយព្រះត្រៃបិដក
-
ព័ត៌មានអន្ដរជាតិ១៤ ម៉ោង agoអគ្គីភ័យលេបត្របាក់ផ្ទះឈើតម្លៃជិត ៣ លានដុល្លារក្នុងថ្ងៃបុណ្យចូលឆ្នាំចិន នៅខេត្ត Lop Buri ប្រទេសថៃ
-
ព័ត៌មានអន្ដរជាតិ៦ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ៤ ថ្ងៃ agoរបាយការណ៍បឋម៖ រថយន្តដឹកគ្រឿងចក្រលើសទម្ងន់បណ្តាលឱ្យបាក់ស្ពានដែក