នគរបាលរាជធានីភ្នំពេញ ចុះបង្ក្រាបទីតាំងជល់មាន់ ជំនួសអាជ្ញាធរដែនដី

ជនញៀនល្បែងជល់មាន់ ចំនួន១៣នាក់ និងអាគក៤ក្បាល ព្រមទាំងម៉ូតូ ចំនួន១៣គ្រឿង ត្រូវកម្លាំងនគរបាលព្រហ្មទណ្ឌកម្រិតស្រាល ឃាត់ខ្លួនជំនួសអាជ្ញាធរដែនដី និងសមត្ថកិច្ចមូលដ្ឋានកាល វេលាម៉ោង១១ព្រឹក ថ្ងៃទី ២៨ វិច្ឆិកា ឆ្នាំ២០២០នេះ នៅទីតាំងមួយកន្លែង ក្រោមដើមឈើគុម្ភព្រៃត្រែង តាមច្រាំងទន្លេ ខាងជើងស្ពានបាឡេ ស្ថិតក្នុងភូមិ ដើមគ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ ។

មុនឈានដល់ការចុះបង្ក្រាបទីតាំងសង្វៀនជល់មាន់នេះ គឺដោយទទួលបានបញ្ជារពី លោកឧត្តសេនីយ៍ឯក ស ថេត ស្នងការនគរបាលរាជធានីភ្នំពេញ ដោយមានការរាយការណ៍ពីសំណាក់ប្រជាពលរដ្ឋល្អ បានផ្តល់ព័ត៌មានថា នៅចំណុចទីតាំងខាងលើមាន មានក្រុមអ្នកនិយមល្បែងជល់មាន់ ជាច្រើនកុះករ ។

ទើបនៅព្រឹកថ្ងៃទី២៨នេះ សមត្ថកិច្ច នៃស្នងការនគរបាលរាជធានីភ្នំពេញ ចុះបង្ក្រាបបានជាក់ស្តែងតែម្តង។

ទាំងមនុស្ស និងវត្ថុតាងពាក់ព័ន្ឋ ត្រូវបានបញ្ចូនទៅការិយាល័យ ព្រហ្មទណ្ឌកម្រិតស្រាល នៃស្នងការនគរបាលរាជធានីភ្នំពេញ ដើម្បីចាត់ការបន្តតាមនិតិវិធី៕

អត្ថបទ ៖ ឌីរៀ