បញ្ជូនជនសង្ស័យ២នាក់ ទៅតុលាការ ពាក់ព័ន្ឋអំពើលួច

នគរបាលផ្នែកព្រហ្មទណ្ឌខណ្ឌកំបូល បានកសាងសំណុំរឿង បញ្ជូនជនសង្ស័យ២នាក់ ទៅកាន់សាលាដំបូង រាជធានីភ្នំពេញ នាព្រឹកថ្ងៃទី២៨ ខែវិច្ឆិកា ឆ្នាំ២០២០ ដើម្បីផ្តន្ទាទោសតាមច្បាប់ករណីអំពើលួច ។

លោកវរសេនីយ៍ទោ ឈឹម សាវុទ្ធ អធិការរងខណ្ឌកំបូល ទទួលផ្នែកព្រហ្មទណ្ឌ ប្រាប់ឲ្យដឹងថា ជនសង្ស័យទាំង ២នាក់ ដែលត្រូវឃាត់ខ្លួន ទី១.ឈ្មោះ ផល រិទ្ធិ អាយុ ២២ឆ្នាំ មុខរបរ រើសអេតចាយ ស្នាក់នៅបន្ទប់ជួល ផ្លូវបេតុង ភូមិព្រៃព្រីងខាងត្បូង សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ និង២.ឈ្មោះ សោម សារុំ ( ហៅ ) យុគ ភេទប្រុស អាយុ ២២ឆ្នាំ មុខរបរ រើសអេតចាយ ស្នាក់នៅ បន្ទប់ជួល ភូមិសាមគ្គីទី៣ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ( ជនសង្ស័យទាំង ២នាក់ ប្រើប្រាស់គ្រឿងញៀន ) ។

ចំណែកជនរងគ្រោះឈ្មោះ ចាន់ ចេក ភេទប្រុស អាយុ ៥៣ឆ្នាំ ជនជាតិខ្មែរ ស្នាក់នៅផ្ទះគ្មានលេខ ផ្លូវលំ ភូមិកន្ទោកខាងជើង សង្កាត់កន្ទោក ខណ្ឌកំបូល រាជធានីភ្នំពេញ មុខរបរ ប្រជាការពារ (ជាតំណាងឈ្មោះ សេង សាមីឡង់ ភេទប្រុស អាយុ ៤៨ឆ្នាំ មុខរបរ មន្ត្រីរាជការ (ទៅធ្វើការនៅខេត្ត) ស្នាក់នៅ ផ្ទះវីឡាភ្នំមាស ភូមិកន្ទោកខាងជើង សង្កាត់កន្ទោក ខណ្ឌកំបូល រាជធានីភ្នំពេញ ។

លោកវរសេនីយ៍ទោ ឈឹម សាវុទ្ធ ប្រាប់បន្តឲ្យដឹងបន្តថា ជនសង្ស័យទាំង ២នាក់ ត្រូវឃាត់ខ្លួន ក្នុងករណី អំពើ លួចយកម៉ាស៊ីនត្រជាក់ នៅចំណុចដីឡូតិ៍ ផ្ទះវីឡាភ្នំមាស ផ្លូវបេតុង ភូមិកន្ទោកខាងជើង សង្កាត់កន្ទោក ខណ្ឌកំបូល រាជធានីភ្នំពេញ កាលពីថ្ងៃទី២៦ ខែវិច្ឆិកា ឆ្នាំ២០២០ វេលាម៉ោងប្រហែល ០៩ និង០០នាទី ដកហូតវត្ថុតាងពាក់ព័ន្ធមួយចំនួន ៕

អត្ថបទ ៖ រ៉ាវុទ្ធ